Kawuku 21
1
Menge walli, Maramba Yehu napahunda ngongo wuy'-Na ela mbara homba Tiberiaho. Diyo napahunda -ngongo wuy'-Na bana wa-ingo hada hengo:
2
Hi-mono Pyetu, Tomaho pata-king Ndindimuho, Natana-elo wali la Kana ela Nggali-lea, haanana Zebedeuho, mono haduyo ana hakola-na heka tengero makaha-da.
3
Himono Pyetu we-nadi lambarada hedyo, "Ya -yo otungga la nggapako igha." Hediyo wewadidika lambarana, "Yama otuwadi nggama marengenggu."
Hediyo ngarakehe otundika aloho mono akaleteka te-na, tappi ahuddona netu, hediyo njango pakole pa-nguda papayo.
4
Makka nawahangoka, Maramba Yehu nandende-ka ela kahuddo, tappi ana hakolana njan' pegheni ba-diyo netu ba Maramba Ye-huya.
5
Diyo wena lamba -rada hediyo, "Lakeda, pe-na yemi inja kolengo roghe?"
Hediyo apawalaho, "Njango."
6
Diyo wenandi lambara-da hediyo, "Weghoro bani-ka dalamu ela karaha kawa -nana tenamu tanna kole wango." Makka, hediyo a weghoronika dalada, tappi njan' mapikongoka tinguya ela tena oro dangada ha igha.
7
Malla wengoka netu, la -da pamanaworona Maram -ba Yehu wenani Pyetu, "E-nene Myori!" Inja hekanaka Himono Pyetu bana rongo-ya nggeni badiyo Myori, di-yo natay'ka kahihinya oro-na diyo bana halini kahihi-nya batengero paghilinya, mono nakendu walika ela homba dalo.
8
Ngara ana hakolana hahawadeko emendika ngandiya a tena mono atinguya dala namba -nu igha. Torada, hediyo njana maroy'ka wali latana mara, maroy'na notongo duy' ngahu miloya.
9
Ma-ka hediyo adukika latana mara, hediyo aiceka mala-ngga api natambaghango dika ha igha pahende mo-no kaddepeto wadi.
10
Maramba Yehu wena-ndi, "Ngandi kibyaka hodi igha ene bu pakolemi."
11
Himono Pyetu deto ngoka latena mono nati-nguka adala nambanu igha bokolo netu lapanu tana mara, adangada hangahu li -ma kambulu talluya. Heja-manaka netu henya danga-da, a dala njana mandi-rako.
12
Maramba Yehu wena-ndi hediyo, "Mabika mono muy'baka." Njan' hatoy' pa-ngu wali la ana hakolana netu nambrani kaliarongo lambara-Na, "Nggara nggu -ka Yoyo?" orona hediyo a pegheni nggeni Diyo badi-ka Myori.
13
Maramba Yehu emeni mono nadeke-ya kadepeto netu mono na woy'dandi ha lakedana. He-wadinaka ene haigha netu.
14
Iyiya papandalu wana -nika bana pahunda ngo-ngo wuy'na lambarada nga -ra ha ana hakola-Na lighi-ro kede habalinya wali la paraduyo toy' mate.
Maramba Yehu Nakareya Pyetu Nadaghahi Ngara Hambembe-Na
15
Mengeka hediyo ba-muyo, Maramba Yehu we-nani Himono Pyetu, "Himo-no anana Yohaniho, pena yemi manaworo dongga Ya -yo rehi wali pango ngara kehe iyiya?"
Pyetu nawalahoya, "Ghene Mori, Yoyo peghengga ene yayo baku manaworonggu Yoyo."
Menge wali, Maramba Ye-hu wenani lambarana, "Da -gha bahika ngara ha mbe-mbe-Nggu!"
16
Maramba Yehu wewa-dina apanduy'na lambara-na. "Himono anana Yohani-ho, pena yoyo manaworo dongga Yayo?"
Pyetu nawalahoya, "Ghene Mori, Yoyo peghengga ba-ku manaworonggu Yoyo." Maramba Yehu wenani lam -barana, "Dagha bahika ngara hambembe-Nggu!"
17
Maramba Yehu panda wenani a pandalu ghelinya, "Himono anana Yohaniho, pena Yemi manaworo dong -ga Yayo?"
Atena Pyetu namelika oro-na Maramba Yehu bana ka-liarongo dukingo pandalu ghelingo, "Pena yemi mana -woro dongga Yayo?" Maka, Pyetu wena lambara-Na, "Mori, Yoyo pegheni ngara baka tanga tendekona. Yo- yo pegheni nggeni yayo baku manaworonggu Yoyo!" Maramba Yehu we-na lambarana, "Dagha bahi -ka ngara hambembe-Nggu!
18
Yayo kutaking-gumini nahepinjana lamba-ramu, etu bubay'pangoka, yemi kanehongo butayo-kaloro wanggegmu mono halako nggek'baka pandoy' pahadapamu; tappi eme bumalupuka, yemi eme ho- rondika halimyamu mono atoy' heka apatana ngguni benggemu, mono angandi -ghu la pandoy'ngo ene pa njan' pakambu atemi."
19
Maramba Yehu papa-neghe wanani hadana iyiya nggabango pahundanani nggeni eme hada matena Pyetu pena tutu pamala-nguya Maramba Alla. Mono mengeka bana taki henya- ni hadana netu, Diyo wena-nani Pyetu, "Namato bagha -ka Yayo!"
Paya Eme Nadadi tutuna Ana Hakola Pamanworona Maramba Yehu?
20
Pyetu nanggilakoka mono naiceyaka ana hako-la pamanaworona Maram-ba Yehu tengero namatohi hediyo. Diyo didoyaka lake-da ene nalondo lambarana kahangu atena etu rame Muyo Huddo Bihha mono bana kliarongo, "Mori, nggaranika atoyo ene na-nggomanggu Yoyo netu?"
21
Menge bana iceya di-yo, Pyetu nakaliaronika Ma-ramba Yehu, "Mori, pena wengoyaka diyo?"
22
Maramba Yehu nawa- lahoya, "Hebyangoka Yayo baku kanbu ateni diyo ba-na enga mopirona lundu lappa Yayo baeme habali, nja'pa uruhomuni!"
23
Makka, a paneghena Maramba Yehu iyiya nama-habarongoka landongada anguwuyo dungo kambuna netu nggeni ana hakolana netu inja mateka, tappi inja hemonaka Maramba Yehu njana paneghe henya lam-barada eme njangoka ma-te, dimoka bana wea, "He-byangoka Yayo baku kam-bu atengo enga mopiro lundulappa Yayo baku eme habalingga, nja'pa uruho muni?"
24
Didoyaka ana hakola-na ene nahakahiyo tutuna ngarabaka iyiya, mono me- bana turahohi ngarakehe-ya iyiya, mono ghica ngge-ni pahakahiy'nya netu na ghene.
25
Nadanga pangoka ka-toka heka wadina ene Mara -mba Yehu papaghilina, di-ka ene baturahohika ha-wuy' wuy'ndika, yayo kura-haya appa handakani aihi-nya panu tana njana tutu wadi pango ngarakehe a hurato baturaho ngara ke-heya netu.
Mengeyaka Huratona Yoha -niho akawarrina wali Hura-to KIRA NDANDI MURI