Kawuku 11
1
Eni nahaiha kabani na tengero hadduna, ngarana Lazaruho wali la Mbetania, paronana Myaria mono anguminyena, Myarta.
2
Myaria didoka awrico-yo ene nahandaka bana oroni minya wangi mono naopiya witi-Na waini long-gena, ene alamonena kaba -ninya, Lazaruho, rapana netu na haddu.
3
Torana netu, haduyo a paanguminyengo iyiya na pangandingo liyo lambara-Na, ene wena, "Mori,toyo e-ne pamanawaromu eni te-ngero hadduna."
4
Dimoka, hengo Maram -ba Yehu, narongoya liyo netu, Diyo wena, "Hadduna netu njana mate engwalini, tappi tanna hunga wango bihha mandina Maramba Alla tannaka Anana Alla pa-malanguya liya ladiyo
5
Maramba Yehu nama-nawaroni Marta, mono angu minyena, mono Laza-ruho.
6
Makka, hengo Maramba Yehu bana rongo -ya nggeni Lazaruho nahad -du, Diyo nahangandi bana ndoya duy' loddona la pan-doy' eni.
7
Mengeka ne-tu, Maramba Yehu wenaka lambarada haana hakola-Na, "Mabika ghca otunda ela Yudea."
8
Ngara halakeda-Na, we -na lambara-Na, Ngguru, ngara toy' Yahudi njana ma -ndey' pyangoka bagheghu Yoyo waingo watu, pena Yo -yo enga diy'moka ene ba otu walinggu?"
Maramba Yehu nawala-hoya, "Injadiyo ene hakam-bulu duyo njamu ene baha-loddo? Hengo bahatoyo ba-na halako ene delokona lod -dona, diyo njana hariwato orona diyo naiceyaka mang -gakahona panu tana iyiya.
10
Tappi dimoka, dika ba -hatoyo bana halako ene huddo loddona orona ma-nggakaho netu inja eni lam -barana."
11
Mengeka Maramba Yehu bana wen'henya, Diyo wena lambarada hediyo, "Ole kyedanda ghica, Laza-ruho, ndoli mandurunaka, tappi Yayo enga otungga tanna kupakedeya diyo."
12
Ngara ana hakolana wena lambara-Na, "Mori, dika diyo bana manduru, diyo enga tanggahona."
13
Maramba Yehu nahe-copinjana papaneghena tu-tu matena Lazaruho, tappi ngara ana hakolana papa-ngadana Diyo ene ihinya nahangahu.
Oronaka netu, Maramba Yehu menge wenaka bana pamanggakahoya lambara-da ehehe, "Lazaruho ndoli matenaka.
15
mono Yayo kuengge torana baku habaningo nggumi, Yayo njangga a-nyene tanaka yemi namapi -kongo buwaingo. Makka, mabika ghica otunda lam-barana."
16
Mengewali, Tomoho patakingo Ndindi-muho, wena lambarada ana hakola hawadeko, "Ma-bika ghica wadi otunda ta-naka ghica tata mate de-nge-Ni."
17
Makka Maramba Ye-hu dukika, Diyo nadukinika Lazaruho ndoli enika ela ra -te ndoli pato loddonaka.
18
Ene Mbetania tutuna hakambulu stadia maroy'-na wali la Yeruhalemo.
19
Danga toy' Yahudi ene namaiyo tobokoya Myaria mono Myarta, mipomaya hediyo tutuna alamoneda netu.
20
Like rongodani ngeni Maramba Yehu ndoli eme-nika, Marata otunika mono natobokoyaka Diyo, tappi Maria engana bana ndoya laumana.
21
Myarta wenani Mara- mba Yehu, "Mori,ene buma -iyo pimoka etu loddona Yo -yo iyiya, alamonenggu nja-na mate kiyo.
22
Tapi di-moka, henene iyiya yayo ku pegheni ghalla pay'pangu-ya ene Yoyo kareya wali la Alla, Alla ene nawoy'ngguni lambara-Mu."
23
Maramba Yehu wena-ndi, "Lamonemu enge kede habalinya."
24
Myarta nawalahoya Di -yo, "Yayo kupegheni eme nakede habalingo bana tu-tu loddo kede habalingo eme lakandupuna nuha mone.
25
Maramba Yehu wenanani, "Yay'doka akede habalingo; nggarabanika ene nawaingga lambara-Nggu, diyo eme namopiro ghailyoko namate damoka,
26
mono ngara atoyo na mopiro mono nawaingga la -mbara-Nggu njana helu mateka. Pena yemi wai'jo-nguni ene hadana iyia?"
27
Myarta wenani lamba -ra-Na, "Oo Mori, yayo ku-waini nggeni Yoy'doka, Kri-tu, Ana Alla, namaiyo yia'la panu tana."
Yehu Nahoyo
28
Menge bana takiya ha -dana netu, Marta otunika mono nakawulonika Myari-a, anguminyena, mono we'-manga wuy'daka, "Ngguru yinika iyiya mono Diyo aka-wulonggu."
29
Narongo-yaka tutuna netu, Myaria nawehaghada bana nden-de mono natoboko yaka Maramba Yehu.
30
Rapana netu, Maramba Yehu njana duki pangoka ela ndeha netu, ta -pi enga panaka la pndoy' na Myarta batoboko Diyo.
31
Ngara toy' Yahudi ene namarengeni namarengeni Myaria ela umana netu, en-ndi tengero poma ghanggo -ya diyo, aiceyaka Myaria bana kede haghandutongo mono naloho; hediyo ana-matoyaka diyo orona papa nadada diyo engadika otu-ni la rate bana hoyo enye-ne
32
Makka Myaria duki -ka ela pandoy'na Maram-ba Yehu pandoy'na, diyo na iceyaka Maramba Yehu mo -no nakawodoka ela witi-Na, "Mori, bayi'a pimonggu -ka Yoyo iyiya netu loddona netu, lamonenggu njana mate kiyo."
33
Makka Maramba Ye-hu naiceyaka Myaria bana hoyo, mono ngara toy' Ya-hudi ene namarenge wadi-ni panamatoka hoyo, napa eleroka Maramba Yehu la Hugato mono heka larana-ka.
V 34 Maramba Yehu na kaliaronoka, "nggeka pan- doy' tano muni Lazaruho?" Hediyo awalahoya Diyo, "Mori, mabikya namato mo -no icebakala."
35
Maramba Yehu wadi nahoy'ka.
36
Makka, ngara toy' Ya-hudi wedaka, "Icebaka! Ba-longoyaka Diyo heka mana -waro nani Lazaruho!"
37
Tapi dimoka, napiri to -yo ela oleda hediyo weda, "Njana pikongo Diyo nando -linyaka bana bunggero ma -ta toy' kambura iyiya wadi enga tulu wadi nanika Laza -ruho enga inja matena?"
Lazaruho Pakedeyaka wali Lamate
38
Maramba Yehu, ene helu handaka wadika bana paelero ela pola toy'-Na, o-tunika larate. Arate netu di-doka nahawy' lingo, mono nahawuy' watu habandalo-ngoya patodi wangoya.
39
Maramba Yehu wena-ndi, "Kenggeloni watu netu!" Myarta lawinyena to-yo ene namate netu, wena-ni lambara-Na, "Mori, hene -ne na woy' mboghika oro- naka ndoli pato loddonaka bana mate."
40
Maramba Yehu nawa-lahoya diyo, "Penadiyo Ya-yo mengeka baku takinggu -muni lambarami nggeni hengo yemi buwaingo, ye-mi enga icemuni malangu-na Alla?"
41
Makka, hediyo ahako-tayaka watu netu. Menge wali, Maramba Yehu nata-ngaraka mono wena, "Ba-pa, Yayo kupaohaghu lam-bara-Mu orona Yoyo enga burongogha Yayo.
42
Yayo kupegheni ene Yoyo engana burongogha Yayo, tappi ngara toyo na ndende kurulele-Gha, Yayo kutakiya hadana netu tana-ka hediyo awaini nggeni ba Yoy'doka ene napatumba-ngga Yayo."
43
M engeka bana wena netu, Maramba Yehu naka-yoko wahingoka, "Lazaru-ho, lohobaka!"
44
Toy na mateka netu nalohoka, li-myana mono hawitina enga padaka papatanna wango kaloro kamba, mo-no laaro matana enga ma-todi pangoka kamba. Mara -mba Yehu wedandi hedi-yo, "Bakaro bahika ngara hakamba netu wali diyo mono pakalokoni bana otuni.
Hapuhilongo tanna Hama-tey Maramba Yehu
45
ngara toy' Yahudi na maiyo amimyatani Myaria, mono naiceya paya ene ha -mengena Maramba Yehu pahalakona, kede waijaka lambara-Na.
46
Tapi di-moka, napiri wali hediyo hemendika ngara toy' Fari-hi mono apanegheni hedi-yo paya ene papaghilinya Maramba Yehu.
47
Makka, ngara haima-ma kapala mono ngara toy' Farihi apakedeka patoboko -ngo Sanhedrin mono we-daka, "Payaka ene ghica pa -palakunda? Torana, Toyo iyiya napaghilingo tanda mangaraho.
48
Hengo ghica bata pakalokonika Di-yo tarohini hebyangoka iyi-ya, ngara kehe toyo ene na waini lambara-Na mono ngara toy' Roma eme nama -iyo mipareghani apandoy'-ngo iyiya mono akalanda tokkonda ghica."
49
Tappi dimoka, naha-toyo wali hediyo ene na-ngarango Kayafaho, ene na ketengo imama bokolo pa-he andoy'na netu, "Yemi njango tutu hapeghemi pa -ngumi,
50
ndewadina hambeka donguni nggeni narehi njaha nahatoyo ba-na mate tutuna ngara kehe nahawuy' kalanda tokko ba -na madda."
51
Diyo njana panegheni tutu pola toy' manga wuy'-na, tappi torana ba Imama Bokoloya andoyo netu, diyo nakirandandi nggeni Mara-mba Yehu eme namate de-ngeni tutuna kalandana ne-tu.
52
Mono, inja dimoka tutu toy' Yahudi moyaka, ta -pi diwadi tutuna bana ka-ha pahawuy'ndi ngara ha anana Maramba Alla ene namahabarongo.
53
Mak -ka, walingo rapana loddo netu, ahawuy' patakika tu-tu hamateya Maramba Yehu.
54
Oronaka netu, Maram -ba Yehu njana helu halako -ka pato-tobbo wuy'na lapa -duna toy' Yahudi, tappi Di-yo otunika wali nyene ela padana mbarana marada ndilayako ene nahawuyo kota nangarango Efraimo; mono Diyo ndoyaka enye-ne dika ngara haana hako-la-Na
55
Rapana netu, Paskaho toy' Yahudi natuke -ka, mono danga toyo wali la loda netu otuni la Yerusa -lemo banjana Paskaho pa-ngo tanna pahingiro wa-ngo ihija hediyo.
56
Menge, hediyo akan-dabaya Maramba Yehu mo-no apanegheni bahatoy' toy'hi batengeroda hediyo endi dalo la mbaito Alla, he -diyo apakaliaro ngongo wuy'da, "Pena we'muka pa-ranggamu? Payaka Diyo njana helu maiy'ka larame iyiya?"
57
Tengerodaka ngara imama kapala mono ngara toy' Farihi ndoli palo-honaka pareta hengo bang -garani bahatoya napeghe-ni nggeka ene Diyo pa-ndoy'na, toyo netu tanna nalaporonani tanna hediyo pikongo danggalo Diyo.