Kawuku 18
1
Ene nahandaka rahi, MYORI napahunda ngongo wuy'na lambarana Abra-ham ela mbarana pungena tarabatin Mamre batenge-rona Abram bana londo la mbala binya kombongona ene batengero mbanahona loddo.
2
Tengero wadina Abraham bana keketoya ngorana, diyo naicehika ha tallu toyo andende laham-balinya. Inja heka naka ba-na icehi, Abraham napala-yaka lambala binya mono nahimbyahika hediyo, mo-no nakawodoka bana udo-koya atana.
3
Wena Abraham, "Mori-nnggu, hebyangoka yayo atami baku ngole haramba ate lambarami ngara yemi baku mori nggumi, tanna ambi halako langango ama -ka wali yila atami iyiya.
4
Tannaka hakicolo waiyo kangandinggumi tannaka yemi baku moringgumi ku- lokehi hawitimi mono ha-ngahu doyo yila pungena ghayo iyiya.
Atami ku-ngandi nggumi kadepeto tanaka baku mori nggumi hanggaggaro wango; menge netu, baku moring-gumi apa halako wali oro-na mi myatangamaka ya-ma." Hediyo wadi wedaka, "Pawalika paghili banika pa -ya ene patakimu netu."
6
Maka, Abraham naotu nika lakombongo dalo mo-no wenanika Sara, "Pamale -lewarongga badekengga tallu tobbo utto wiha nanda -ha, karuruhoya, mono pan -daha baka napiri mbuyo kadepeto."
7
Menge do-ka, Abraham napalayoka la kababana haranga mono nadekeka ana hapi nambo-kolo mono nandaha, me-nge nawoy'ndika haatana maka apaghili memanika.
8
Mengeka netu, Abra-ham nangandika kalepa mono huhu, dika kabiy' ha -pi hamenge papandaha netu, menge maka naban-dalo yaka lahadapada hatal -lu toyo netu. Mono, diyo nandendeyaka lambarana hatoyo netu ela kambuna ghayo, batengeroda hediyo bamuyo.
9
Menge wali, hediyo we-na lambarana Abrahama, "Nggekanika Sara, ariwei-mu?" nawalahoya, "Anyene, ela kombongo."
10
Menge, nahatoyo wali hediyo wena, "Hepinjana Yayo eme habalingga lam-baramu ene rahi nahapahe -ngo bahenene iyiya, eme nahandoyo, mono napatu-tu wadingoka rahina netu Sara, ariweiy'mu, eme ma-nga ana kabaninyaka." Sa-ra narongoyaka apaneghe-na netu wali binya kombo-ngo, lakabendoda toyo netu.
11
Abraham mono Sara namalupuka, hediyo awod-doka; Sara wadi njan' helu nduki nika wullana.
12
Maka, Sara namadico ate dalongoka mono wena, "Ku kole duy' kaluy'ngoka nada -ha menge baku woddoka mono alaghinggu namalu-puka?"
13
Wena MYORI lambara-na Abraham, "Pena Sara bana madico mono wena, 'Hepinjana yayo eme bahe-lu emongoka ananggu, to-ranaka yayo baku malupu- ka?'
14
Ejongo na alli hu-ha tangguna MYORI? Yayo enge eme habalingga nahe -wyadina henene iyiya, e-me nahandoyo, mono Sara eme manga ananaka naha iha lakeda kabani."
15
Tapi dimoka, Sara na-mayangkaloni mono wena, "Yayo njaku madico," orona diyo bana kambohi.
Dimoka Myori wena, "Nja-do, yoyo madico pinja!"
16
Mengewalika, hatoyo hetuwayo netu andende hi-ka mono ahalako tarohi hi-ka. Hediyo ahamataronika Sodomo mono Abrahama namarengendika bana la tay'hi.
Hambayongo Tutuna Abra-ham
17
MYORI wena, "Kuhelu buni wadipani wali Abra-ham paya eme parawi-Nggu henene,
18
orona-ka Abrahama diya nahawu-yo bangasa nabokolo mo-no lambarana diyo ngara a toyo lapanu tana namari-ngi malala?
19
Orona ya-yo ndoli pende nggunika, tanaka diyo naparetaya wuy'wallana tanna namopi-ro namatoya larana MYORI nggeni bapahalakoya na-ghene mono na andilo, ma-ka MYORI eme nawy'ni Ab-rahama paya pandoli papa kirundanina Maramba Alla lambarana."
20
Mengewali MYORI we-na, "Orona nadangaka aka-wihakona tutuna Sodomo mono Gomora, mono nga-ra pelo halana hediyo heka dangada,
21
Yayo eme ku mburu kumi iceya payaka e -hehe papaghilija namato hoy' dedada ene natoma la mbara-Nggu netu. Dika ba-njado, Yayo enge pegheng-guni na hecopinjana."
22
Maka, hediyo amadi- koroka mono ahalakoka ha -dapango la Sodomo, tapi Abrahama enga ndendena la hadapana MYORI.
V 23Maka, Abrahama natuke-yaka mono nakaliorongo, "Pena Yoyo hepinja pangu-na eme kuhamaddaya nga-ra toyo nandaha mono na mbunako?
24
Hebyangoka ba endi li -ma kambulu toyo nandaha ela kota netu? Pena Yoyo e-nga diy'ka ahameli madda-muni kota netu mono bu in -ja manawarondi tutuda ha lima kambulu toyo naendi hedalo?
25
Maroyo wali la mbara-Mu tutuna hadana netu; tutu hamohomuni li-ma kambulu atoy' maghe-ne bana marenge olendi ha toy' pelo hala. Inja Hakimo nani Ngarakahe Panu tana napaghilini namaghene- ngo?"
26
Maka, Myori wena, "Hengo Yayo baku danggu-rohi lima kambulu to ghe-ne ela kota Sodomo, Yayo e -nga manawaro ngguni apa ndoy'ngo netu tutuda hetu."
27
Maka, Abrahama na-walahoya mono wenaka, "Hepinjana yayo kumbrani baku paneghengo lambara -na Myori, ghalyoko karom-boko tana mono raboko-gha;
28
hebyangoka ba-na kurango ene wali lima kambulu to maghene netu, pena Yoyo enga hamohoya wadiya ngara kota nalima toy' netu?"
Myori wena, Yayo njaku ha mohoya kota netu dika ba-ku danggurohi pato kambu -lu lima toy' maghene na-eni anyene."
29
Abraham napaneghe wadingo lambara-Na, we-na, "Hewadingo ba endi pa-to kambulu toyo maghene patoboko anyene?"
MYORI wena, "Yayo njaku hamohoya kota torana ha pato kambulu toy' maghe-ne netu."
30
Mengewali, Abrahama wena, "Oh, ambu nggore a-te kinggga Myori buhariyo, tapi milla ate kingga yayo baku paneghe dengenggu wadi: Pena diyo torada na tallu kambulu toyo padang -guronggu anyene?"
Myori wena, "Yayo njakua hamohoya akota netu he-ngo Yayo bakaa dangguro-hi natallu kambulu toy' ma-ghene anyene."
31
Abraham wewadina, "Yayo kumarutako wadingo baku panegheno lambara-na Myori, pena hebyango-ka baduy' kambulu toy' pi-ya namaghenengo anyene?"
Myori nawlahoya, "Tutuna haduy' kambulu toyo ma-ghene netu, Yayo njaku ha-mohoya akota netu."
32
Kandupuna Abraham wewadina, "Notongo Myori amba nambole lambarang-gu, tapi millangga ate baku paneghengo yiya kandupu-na. Penawemu hebyangoka baendi hakambulu toy' ma-ghene patoboko anyene?"
Nawlaho-Ka, "Yayo njaku hamohoya kota netu tora-na hakambulu toyo netu'"
33
Langangoka bana me-nge paneghengo dunggu Abrahama, Diyo wadi otu nika, dika Abraham nabali-yaka laumana.