¹ Bagu olebaigimi pamanawaragu, dede didarami dalo lai Mori. ² Yayo wegumi labarana Euodia monno labarana Sintikhe, tonam morho moli dalo Lai Mori. ³ Yayo gukaraiya labaramu okakgu, uhamkalah mawine-mawine hiyo oronanka badapiyil buto bada olegatutna LinaiMori, monno jalaokma Klemens monno oleh payilli hawadekama, ngarada kamatulho dalo lahurata morho. ⁴ Ege ate dalo lai Mori, hadakapini weggumi ege ate! ⁵ Tonam namawu atemu kadatajaya tau danga. Morida banadoheka. ⁶ Abum gagaka tutna baapani, lokohaidona dolo tangakohana toknan pabemmu labarana maroba Allah. ⁷ Maring malala Maroba Allah kahepoya tangada pahangada loho kakarawo ate monno pahangademu dalo lai Mori Yesus Kristus. ⁸ Dukananka, bagu olebaigimi tanga kohada katena, tanga kohada palagebora, tanga kohada kadibaka, tanga kohda katena kamuraha, tangakohada kamagilata, tanga kohada padekka, tanga kohada kadoha longtaka, tanga kahada padoku padekka, pangakinlah tanga kohada hatlah. ⁹ Apan pahanuwa mowami, hibbaya, rongoya monno iteya walilabaragu, payillilah tanga kahada hatu, tonam maroba Allah padauwalna maring malala kana olegimi. PAULUS WAWU WENADI LABARADA TAU KAPATENA LA FILIPI. ¹⁰ Yayo hada egeate dalo lai Mori orongka nebahenna dukana yami kamhabalim pahangadami labaragu. Haipijama atna yami bamwiga pahangada labaragu, taidoka yami janaimango maloga. ¹¹ Yayo wegum yiyo ja aromanan yayo badobe, oronanka yayo bagupanuwe patuttu wugu dalo baapan. ¹² Yayo gupeweni ahan ihna kajatutngo monno yayo jalla gupeweni apan ihna majabola. Dalo tangada monno iha kanengo, yayo gupanuwaya pakabunyi morho katutngo, babohu loho bakareba, bamorho dangaomaha monno bajanengngo omaha. ¹³ Yayo dadi bagurayim tangakohada ledeni iyo kawodani kulho labaragu. ¹⁴ Ta idoka yammirayini kadoha bampabawe dongagani nangodigu. ¹⁵ Yam dagu mipeweni kalibbo filipi, oronan walkapungena bapahalakoya nalinai Mori, bagu poja bagu jenna padoyo Makedonia, janemango kalibbo kabawe dengagani nangodigu, bapawo dengaya monno bapa koledongaya, iwakadonka yammi. ¹⁶ Loho bala kota Tesalonika, yammi bampangodga kagataga tutna pabeggu rehi usali lahadakango. ¹⁷ Ja, iama pagatamu pamayegagu, tabollo yayo mayegaguni wuna, kahabokolo pa utumu. ¹⁸ Yayo guhiba mowayaka pawonna loho rehipo. Yayo padagugu tangada pabeggu oro pahangodda labaragu ledeni Epafroditus. Pawommu nadadi maraka kabauburata, maraka katengngo monna pabenna Maroba Allah. ¹⁹ Maroba Allahgu enga napa tutgani tangada pabemmu dokun majabolana kalagebora dalo lai Mori Yesus Kristus. ²⁰ Lagebora lai Maroba Allah monno bapada tutna walmurri-walmurri, kahaipijja-pijjanan. ²¹ Padukini tabema labarada iha toyo kamuraha dalo lai Mori Yeseus Kristus. Tabe tuttumu kawali la olebem-olebem kamera papatenami kanengngo labaragu yiya. ²² Tangada toyo kamuraha pangodidgu tabe labaramu, rehwidina kapayilli la istana kaisar. ²³ Kanyuru kanoga wali lai Mori Yesus Kristus kana doku maneni waddimu. Kahaipijja-pijjanan.