¹ Wali betoyo la barana gayus ha ma nawara, hawa nawara gu tut hatena. ² Ole begu ha manawaragu, gu kawojokawa kawa mono kam maring kango tanga-tangana, mo na ihimu dohaka hamerango polo tomu bana doha. ³ Orongo, bagu maringi olidi ole begu badama mon bada tokiya tut hamariggin hatenamu, apa nyina neba hena bam morho lara ka tena. ⁴ Yayo jagu kolegmango maring ka hoda bokala bajag rango kayi anagu ka li lara tena ⁵ Ole begu hama nawaragu, yomi nau rayini kalurho tanga da ha rayimu tut olebemu, langka to iha hadoyi. ⁶ Tangada da tokya tut manawaramu la aro to hatena. yomi mu rayini ka doha tabolo bam tul kadi tangada kada hangatango halako kawing la aro matamu. ⁷ orongo, bada haloko tut na na ngarana gana hibabma tanga-tangana wali la to jaka hatena. ⁸ atutngo, itango da tul hodi. Toyo ka hengo iyo orongo bada oledi hayil tut lara ka tena morha. ⁹ Gu tul ho mowadka huratta labarada ana suhugu, ta bollo Diotrefes, ka benengo ka wohoko bele na dalo, jana bek hibamu yama. ¹⁰ Nw ella, bagumu kawa, gu ha apekannan harayina, ka wihoka kama tanga ngara hatoki ka bokala. Ja ibeleg mayi, jana be alagmango hibayi tanga da ole beyo ka ma mona her dommodi toyo ka bed hibayi ole beyo monno na halikik kedi tangada wal la to ha tena (Ana Suhu). ¹¹ Ole begu pa hoda mawarag, abum dokkad jaka doha tabollo ka doha. To ka ray ngo doha wal na la maroba Allah. Tabolla to ka ray ngo jaka doha jana it tek mahoya na maroba Allah. ¹² Tangana to na tok mowayaka ka doha tutnay Demetrius mono tena na. Dimango ma tok al laya monno dim al la mpewen ni tut tokya ka tena ka wing. ¹³ Danga lay ha kab ategu kag tul ho holanad labaramu,ta idoka jaga wawakmawa tul hogudi la baramu wag pena monno tinta. ¹⁴ Ha kab ategu qu geha toboka nehow monno da ha newe neho ha aro mata nehongo. ¹⁵ Maring la baramu hi alem yiyi daha ngodngo li labaramu. ha duk dommoni yi na lima la barada iha toyo iha toyo no habal.