YESU NEMME NA BALI PIHO ¹ Ngara dukam olebegu hamanawaragu, huduagunka tulha hurata labaramu. Nala hurata kadungo. gu hakul haguni paha ngadamu kadoha waingo bagu haapeguni. ² Kamu apayi ngora dukkada hatokda ka ullu hittu pahadukna Nabi-nabi kudus mono hatokina Mori mono katolkada walila para Rasul ³ Kawungana, apeya neme lalodo muri, heme kamakewe damayo dokudi ate bokalada jaka doha. ⁴ Heneda hatokida, " gikad hatna hatokim tutna nemem hawemu? walna bada mate obuda ngara dukada nahalakopoyi kahengo walka pungena bana ranyingo. ⁵ Orongo bada hawini bada bulani tutna katena yina lina Morida, langta nenka wali kapungena mono poni tana marayini walina laweyo mona naha lini laweyo. ⁶ Nana we'e domo, pontana kanengo at ulhonana dahamoho wagani webonu. ⁷ Taidoyaka, orongo lina kahamera, langta mono tana kanengo koha hena lodo habojolodani tanam katunya wani api padukini lodo pahawukna. Mono paha mohana to'o bokala. ⁸ Ngara dukam olebegu hamanawaragu, abum bulakadi kadadi yitna hawuyo : Tutna Morida, diha lodo naha mera rata doyo mono rata doyo nahamera diha lodo. ⁹ Yida Moridai jana kalnekmaho bana bula diliha tokina kahengo bada bangadani hitu to'o hawadeka bulananka baweda. Taidoyaka, nahamaringi guni naatemu orongo abunengo hawu toyo kaliloko, ngara dukana toyo kada mayo tanam kada jora. ¹⁰ Bana dukini na lodo rahi mana na Morida nahamera to'o kakedu, mono langta naka pongtogo mona naliyo kabolo. ngara dukada kanengo la langta pojaika mutu oro api kabanaha langu pija, mono ponutana loho tangada ihina pojajalayi mutu. ¹¹ Ingara dukkada bana pojakai pahamohodi, oro kanogona, aha nyikkanaka bamu morhawu? jami morha muraha nekakahomi mono engango magoli labara Maroba Allah. ¹² Kamu remawani mono kana gehawango lodo rahi mana na Morida Maroba Allah? lodona Morida, langta namoho mutu oro api, mono ngara dukada ihi langta ma melu oro banaha. ¹³ Taiya, ika ha tokina ma Morida Maroba Allah, kada remani langta mono ponu tana ka beru, hindo engada ngara dukada to'o katena. ¹⁴ Ngara dukami olebegu hamanawaragu, orongo badaremani, yitu , hamotoko tepijanla tanam Maramba Allah bana dukikagimi abumi doku jalami, abum karijango mono kam maringi malalam labara Maramba Allah. ¹⁵ Hamerani bana hamaringingida na Mori kada mahigo wani bada hibayu wemaringi wemalala. Kahengoi Paulus na ole bekida, tulhaya labaramu mono kanyuru hawonna yina Moridai Maromba Allah labarana. ¹⁶ Maiyaka mana tokiyi ngara dukada dalo lahuratana kahekango. Manedi hitu jaha tajana makada kabali gudini hitu toyo kakabonga mono jaka kulha hatena mono nejaladi harayida kahekango wali lahurata hori. Hokole dongadani nabura latuttu pola toda ¹⁷ Ngara dukami ole begu hamanawaragu , orongoka bamu taja yaka tutna yiyo, ma ate-eta kiwu tana abu dangodiwu lalara kohingo oro jalada hitu to'o jaka taja patana. Abamu kanadu kawu naha tenamu kakulha. ¹⁸ Taiya, dadikiwla lahadu kanyuru mono kam enga dongo bam tajaya na Morida mono hode morhada ida, Yesus Kristus oro iyo maka damaringingo, wali lodo hena koha neme! he pija-pijana.