¹ Kawallai Petrus, hawu toyo Rasul Mori Yesus Kristus, labarada tangada toyo ka engango kahengo toyo diha padoyo katanyalara la diha padoyo la Pontus, la Galatia, Kapadokia, Asia, monno Bitinia; ² ha pede walka wungana ole Allah Bapa banokuni hamurahango olengo wadd katengo tutna bada kolengo murha nola nyora labarana yesus kristus monno kada kolengo bada pehorani rutto-na ;wolakaya kada kolengo tolka manemara kana burka labaramu Hamoneda kamorha. ³ kahadi madaikaya maroba Allah mono bapada mono kawali lai maroba yesus kristus , katutna kanyurna kahoda bokola koleha hadadi habalida nola hamoda kamorha nola kode nai kristus yesus walla jonga toyo kamate, ⁴ mono tutna kadagudi hapote hadu umma kaja bura, kaja karewe, mono kaja malele ; habojola lahado katengngo tutumi yommi. ⁵ Ne yommi hamawo ole kawahana maroba Allah lihatena kamorha pahagona pahatingona neme kalwal . ⁶ noineho yommi kahoda ege ate, hehijango tutngo hawatudna, baha wakahoya, yommi mayilla nehomi mono tanga ngara kama kaba ⁷ Mono narehi hawol neho walila emas wonango, lopo widu kole makaba walli laapi, iteya namurahana mono kolengo mahadi,katengngo,mono paha aka ne paha tingngo la maroba yesus kristus. ⁸ yommi jami hadaka mahoni iteya iyo, tabolo yommi manawarani iyo mono langka widi nebahena yommi jam itemaya, tabolo yommi hatewu labarana, yommi lagaharami momi ege atemi jaha toki mono kabonngo hatena. ⁹ oro nanni kamuri walla aro hatena tongrona nadadi.Neila namorha nadewamu. ¹⁰ tutna nahoila yiyo, he baitoyo,kamanyura,kanyuru enga nadadi bamudaguni oronani kole bamukanukaya mono bamuhanuwaya mono bamuhamatarani. ¹¹ He iyo dama yegani tutba garani mono bapira kaya narahi hakabu atena wali lawadd nai kristus kanengo nola pola toyoda heiyo kole iyo bada manyura bana mayila kristus mono katengngo kanemengo mono kalongango. ¹² labarada he baitoyo nenne daha tengoni mono heiyo jada hayili nemani tutudaguda heiyo,tabolo daha yili layommi nola tangana kadadi nebahena kole baha nukiguni labaramu bada ledeni tangada toyo katalara guni nalimu labaramu mono wadd katengngo paha wededa kawalla kadodeta ; tangada heyo kadadi inuila kahoda kamadida inuyi hakabu ateda ha iteda tangkohada he , malaikat. ¹³ oro nani nenne, hagonani paha ngadamu mono la atemunila,takiyala hamonemu kana bonngo kanyuru hawodagu banemeni labaramu nelai yesus kristus paha tingo dagu. ¹⁴ kahengo tangada lakeda kama nudu abimu kawojo kani labara na koplo japa tamu kahengo yommi bamu morhami nola kabongamu. ¹⁵ Tabolo murahamila nola tangana kanogo hadamu, kahengo maroba Allah bana kamakogu hado katengngo. ¹⁶ tabolo neni kama tolho , ''teng kingo layommi oronani yayo bagu tengwa.'' ¹⁷ mono, ne yommi haka makona kahengo bapa,neiyo ba ido kaha rehami diha toyo kahengo haraida he iyo japaha wateda,morhami la nola hadu kabohi ne yommi bamu morhami ka enga hongo kahengo toyo diha padoyo ; ¹⁸ mono taja yala bayommi hakohko moa walla hada morha kali loko, yommi hadagumi walla obu waikamu, mono jahawa kawoli maya kahengo emas bajadoka perak. ¹⁹ Mo ine hola rutto nai kristus katengngo mono rutto ana bebbe kaja kaliku mono kamuglo. ²⁰ tabolo, kristus hapidde moaya baja raihoni pontana, tabolo iyo abu hatingo nani neme kali wali tutuna yommi. ²¹ ledeni iyo, yommi nadadi hatena la barana maroba Allah; neiyo Allah ka kode wali la jonga toyo mate mono maroba Allah kawoda katengngo labarana, tanamu hatenamu mono hamomu idokala nolai maroba Allah. ²² Oro nani yommi kole bamu hamura hani na dewamu nola manudu wu noka tena kamu koleni manawara kaha ole bengo kahada doha,moka mamikala kamu hama nawara wungo kahe hija- hijango mono kawai la ate kamuraha, ²³ tabolo yommi kole hadadi bali ja wali la winma kamate,helena walla win kaja mate, neila kaleden lina maroba Allah kamorha mono ka enga hakitango. ²⁴ hurata hori kaha newe, ''tang kohada kamorha idokala kahengo ruba, mono tangana katengngo kahengo wola ruba; Ruba kama lele mono wola ka nadu, ²⁵ Tabolo, lina morida ka enga hakikitango. Mono ,lina nenne idoka hatodo talarada labaramu.