¹ Esdra icaite cádanaco Irael imatsicanaa lritatja cádanaco, ikeena lriiyaca njite lriwa lriorshoawa Dio iipana icjaolre. Njite aima atsianai, inaitjepe njite iempetipe iraelitanai iwacaacawa lriinai, njite aiyaca cjaida njaji inaiki. ² Njite Secania, Jahiel irri, Elam inacjoite dalri, iaco Esdra irso: ''Wanaitja maatsi wadaki sho wa Diote icjoete feta capoa waninaiwa njaji inaitjpe pada jiipai lricope iofaawa. Mitsa, caicadaanatsa, Iraelnai itaita toa iwapaca matsiadalri Dio iinai. ³ Niini panaya, wanaitja pada iacoti wa Diote iinai, fetá carroatsa fepaite ioya njaji inaitjepe, neenipe fie cayoji wa Minalri icaite capisho, njite cayoji nacaite capisho njaji inaitjacape cayoji nacaite capisho njaji iacoti Dio icadaji, njite wa naitjaotsa cayoji nacaite capoisho njaji iacoti Moise idanaji. ⁴ Panaya pjinicoa, pinaitjá carro cayoji nacaite capisho njaji iacoti, njite piinai caotsa faa. Picjaidatacawa pinaitjá carro nacaite capisho nja iacoti.'' ⁵ Ikena Esdra jinico iemao lrinaa carro njaji caconaaperri sacerdotenai, Levitanai njite pjiomi Iraelnai nacaité carro iacoti ajádalri sho nanaitja caotsa cayó. Niini pjiomi njaji aimadan nacaité iacoti ajádalri sho nanaitja caotsa cayo. ⁶ Njite Esdra jinico iemawa, jliaji iorsoacada pia icapa Dio iipana icjaolrem lriá carro Johanán, Eliasib irri iofacawa lricojle. Corrin lrinja pan, Corrin tsacja lrirra ooni, ima lricaiwitaacacao namatsicana icjaote njaji idiacapewa, nadeji pia pada jiipai nacojle. ⁷ Njite nameenaca iacoti Judá lrico, Jerosalén rico, narso pjiomi njaji inaiki idiacapemi, nadeji pada jipai nacojle nawacaaca carro Jerosalén lrico. ⁸ nacaite, njaji corri perriotsa iocawa madalridaa jalredaoca nacó cayoji nacaite capisho njaji caconaperri, njite njaji caconaperri pekipenai feta caotsa naoya pjiomi njaji narsompe, njite feta tsacjaotsana lrioya jliaji neepitana irrocawa nainai njaji aimadan idiacapemio pada jiipai nacjoite. ⁹ Niini pjiomi njaji atsianai Judá poco, Benjamín poco tsacja nawacaacawa madalridaa naco jalredaoca Jerosalén lrico. Cayo piana, vente jalredaoca naco, noeve kerri naco pawalria irso. Pjiomi njaji inaiki neemawa yacalreecoa naco Dio iipana icoemjete, njite natetjecawa naicjaote nja iacoti, iiya cadana tsacja naicao. ¹⁰ Ikena sacerdote Esdra jinico icaitena: ''Jiatsa inaitja jliaji maatsirri Dio icjoete. Jiatsa jita ininaiwa njaji inaitjepe pada jiipai nacope, caicarro imaimataca Irael imatsicanaa. ¹¹ Mitsa panaya ia matsiadalri wa Minalri irso, iferrinaipemi iDiote irso, njite inaitja cayoji lrioma capisho. Warsa jienitaacawa naoya njaji inaiki pada jiipai nacope njite naoya njaji inaitjepe tecjoite perri.'' ¹² Njite pjiomi njaji inaiki aimadan njeepani cjaida: ''Wanaitjaotsa cayoji picaite capisho warso. ¹³ Mitsa aimadanca njaji inaiki, njite iiyaca waicao. Corrinatsa wataita wemaca pemajle ima mjaidaca faa, niini waoma pjaaca yamadaa o madalridaa pja jalredaoca wataitá carro wanaitjaca jliaji idenjikjeti. ¹⁴ Picadaa, njaa carro ino weepitana naco njaji waferrinaipemi iipaneta iapiyawanai. Njite pjiomi njaji icadaacape naofaca wayacalre rico njaji inaitjepe pada jiipai nacope narsotsa nánoca coancatsa nacaiteca naapiya njaji caconaperri pekipenai njite njaji ianjicape wanaco wayacalre ricope, cayoatsa wa Diote jienita waoya lriirroa.'' ¹⁵ Mitsa Jonatán, Asael irri; Jahazia, Ticva irri corri napeyo njemica, njite Mesolam, Sabetai jliaji Levita cayo tsacja nawaopiakje. ¹⁶ Niini njaji inaiki aimadan idiacapewa pada jiipai nacjoite nanaitja cayoji. Jliaji sacerdote Esdra iniwana padapena atsianai, njaji naferrinaipemi iipaneta iapiyawanai naapana icoam, neepitana naco nacoana; nacapá carro coacaotsa nanaitjaca, njite nanaitja cayo lriniita cadaawa jliaji diepi kerri. ¹⁷ Njite lriniita cadaawa jliaji pawalria iniita carropi nataita nacapa matsia jliaji nanaitjalri, niini nanjíi cjaitenaica njaji atsianai jita iinowa njaji inaitjepe pada jiipai nacope. ¹⁸ Nanacjoite njaji sacerdotenai niini pia padapena jitacape naninaiwa njaji inaitjepe pada jiipai nacjoite pe, Jesúa inacjoite perri, Josadac irri, njite lriweenaipe nacjoite icapiatsa njaji: Maasia, Eliezer, Jarib, njite Gedalia. ¹⁹ Niini nacaite naninai irso naacarro nanirrinai ioya. Ima namaa nainirri inaitjaca namatsicanao, njite namjaita apana carnero nataoñaji namatsicanaa icjaote. ²⁰ Imer inacjoite perri: Hanani, njite Zebadia. ²¹ Harim inacjoite perri: Maasia, Elía, Semaia, Jehiel njite Uzia. ²² Pasur inacjoite perri: Elioenai, Maasia, Ismael, Natanael, Jozabad njite Elasa. ²³ Nanacjoite njaji Levitanai: Jozabad, Simei, Kelaia, rsoaminitsa Kelita, Petaia, Judá njite Eliezer. ²⁴ Nanacjoite njaji icantacaperri: Eliasib. Nanacjoite njaji iwapacape pantinoma: Salum, Telem, njite Uri. ²⁵ Nanacjoite njaji iraleitanai, Paros inacjoite perri: Ramia, Jezia, Malquia, Mijamin. Eleazar, Malquia, njite Benaia. ²⁶ Elam inacjoite perri: Matania, Zacaria, Jehiel, Abdi, Jeremot njite Elía. ²⁷ Padapena Zatu inacjoite perri: Elioenai, Eliasib, Matatia, Jeremot, Zabad njite Aziza. ²⁸ Bebai inacjoite perri: Johanan, Hanania, Zabai, njite Atjai. ²⁹ Bani inacjoite perri: Mesulam, Majuc, Adaia, Jasub njite Seal Ramot. ³⁰ Pahat Moab inacjoite perri: Adna, Quelal, Benaia, Maasia, Matania, Bezalel, Binui njite manase. ³¹ Harim inacjoite perri: Eliezer, Isaia, Malquia, Semaia, Simeón, ³² Benjamín. Maluc njite Semaria. ³³ Hasum inacjoite perri: Matenai, Matata, Zabad, Elifelet, Jeremai, Manase, njite Simei. ³⁴ Bani inacjoite perri: Madai, Amram, Uel, ³⁵ Benaia, Bedía, Quelúhi, ³⁶ Vanía, Meremot, Eliasib, ³⁷ Matania, Matenai, njite Jaasai. nanacjoite njaji Binui inacjoite perri: Simei, ³⁸ Bani, Binui, Simei, ³⁹ Selemia, Natán, Adaia, ⁴⁰ Macnadebai, Sasai, Sarai, ⁴¹ Azareel, Selamia, Semaria, ⁴² Salum, Amaria, njite José. ⁴³ Nanacjoite njaji Nebo inacjoite perri: Jaiel, Matatia, Zabad, Zebina, Jadau, Joel njite Benaia. ⁴⁴ Pjiomi njaji, icatsa jitanica nainowa njaji inaitjepe pada jiipai nacjoite perri, njite padape nanacjoite narso pia neenipe naapiya.