¹ jjata josué, nun pejjúnato, muetsia itorroba sitin jawelia anija núbeje penaitajjuto kaewetsi nejja. ajarroponú jumaitsi: "Pa liamúrre beje, pataemabeje irranú, paetamebeje bitso jericó."Liabeje nejjata, patajopabeje penakanajetabiabi pijabota Rahab pewúnúajarrapowa, ajarra jota nakopatanuka beje. ² Jumaitsitsi jericó pija reinú jawabelia: "Taema, Israel piajiwi ponarrena penaitajjuto kaenwetsi nejja waja irra." ³ Jerico pija reinú jumaitsia ejjana Rahab jawabelia: Kapitsaparrumera ponubeje nija bojota patajopabeje pe naitajjúto koewtsi nejja irranú rajja ponaponabeje. ⁴ Y matayata jjuaba beje ajarrapowa capona ajarra ponubeje, nejjata ajarrapona jumaitsi: jjania jamu rabaja pikaniraja netayopabeje jjanu baitsi jone apoyapú taenú dewerrena naeje torrikabeje. ⁵ Ajjarra pajiwi beje rabaja pona bejje ajena merawitsia, jjua waja tomarra nabaupa jjatatijitsia. Apo yaputaenú, tsábelia ponabeje. Jjamú,pu kajjitsipame itsa epjiyo barrajiname. ⁶ Ajarra kapona bajumabetsia y matapaya jjuabi, bo jumatatsia tsujota naejawata kaponarruba pijaesetojji. ⁷ Nejjata ajarra ponuanú barrajinarreka namutuarreka, tsajjuayotsewa wajúto pe nikobinejja Jordan mene. pepua pitsapaelia pe barrajinawi najjata baupa jjatata. ⁸ Apo najisti neje wabeja abajjú, pakujinae ajapowa toyojopaya. ⁹ ajarrapowa jumaitsi: Jjanú yaputanijia pa peka rajútsijawa Dioso pa irranuje, pa junawajú raja bitsó paka kajunawatsi, dojjito pamonae jota jinawanapa pijjanú - paitorrobianame. ¹⁰ Pajume taniji pakuenia panija Dioso, tsewia ejjona petsobia manuemene jjaneto panakabi nejja pakujuta Egipto jawarwna. Pajume toniji jjua paitsimi pajjanú anija Rey amorreo núbeje jawabelia, Jordan itsapanawerena, pa beyajjuabane sehón y og yajawa. ¹¹ Pakújinae payumetaniji dajjia jjuanúje, bitso panajuna wiakajú, pa najamatabu jjainaju ajibi patanaepanae kuene. Dioso, ajarraponú Dioso atjubutatsi arratatsikanua atjúbútatsia y jotsika ata irratatsika ¹² Nejjata aconojjae pakawatatsi Dioso pewúnúta pa kuencia paka yowenonatsi, ajarra pakuenia pane y yawenonae name, pajjamu panejumaitsi múrre itsakuene pane itsi yanewa tojamonaejiwijji netsitajúrre. ¹³ Pajjamú penayawenonaname itsakuene yenowa: Tajja,taena, tajuyajijiwi tamatapijiwi pa dijitanú pa tane beyejebi yenewa ¹⁴ Ajarrapajiwibeje jumeitsi beje: Ipane beyajjuabiana itsa patamuje baje apokato kowuntsi tsnatsi itsa jjonú apo kuikuijanatsane apo paebúmú tsane jjua panajanatabú jjainajú pataitsi jawa. ¹⁵ Ajarra powa nejjata pewojotoyo jawalia pemautota runaya ejjanarreka. Peponaponae jjae tsajjuayo najetarruka iboburru tomarra peya karroinatsi jowa. Najetarruka iboburru penayabaupa jjatatsi nejja. ¹⁶ Ajarra powa jumatsi: "Pa tsiamurrubeje unuabetsia panamatayabianame beje, itsa jume paka kajitarra biana pamonae pakajai tarruta. Pa namatayabarre akuayabi matakabi, jarrapamonae penabiabi jawabelia, ajarra jjua kujinae parrekamu beje tsame panija namuto. ¹⁷ Nejjata jumeitsibeje ajarrapo jawabelia: Pajjanubeje apo pa ka jume jjania jai tsanetsi itsa apo itsimu tsane jjua pakajumetsi tsanetsi. ¹⁸ Pakujinae pa patsianaju pa irrataje, jjamu kutsianame petso. Biaesetoyo pewojotoyo jawata tsajjuayo panerunaeya ejjaname, dajjita panakae tuatsiname ajja pijabojota. ¹⁹ Pa jiwiyo pitsapaelia bowelia pe nukanajebi nejjalia pejjamatabu kuene jawalia tupae ata, putsa pane wunujoname Baitsi jane itsa jiwiyo itsa kuene paka to itsi tsane pa nijaibo pajjanu beje pa matamatsia najubeje. ²⁰ Itsa jane pa paebianame jjua panajamatabu jjainaju, pa itsa kuene atamu pajjanu apo patajama. Bu kuene tsane. Ajibi tsane jjua paka jumaitsitsi. ²¹ Rahab nejjata jumatsi: "jjua jumaitsimu ajarra jjua na itsi tsane". Putane nejjata, pe nawaiatsi nubeje. Nejjata pina ajarrapowa kutaruta petsobia panayo tsajjuayo pitsapaeliabeje iboburru wojotualia. ²² Nejjata tsiabeje unu jawabetsia, ajarrajotatsia namata yababeje akuayabi matakabi penawiabi jawabelia pebarajinaewitsi. Pe borrajinaewitsi jaita dojjita namutua kajjitajarabi nejewatsi. ²³ Ajarra ponubeje nejjata unuwetsika runaika beje nawa liabeje Josué, Nún Pejjunato jawabelia, tsipaeba beje dajjita jjua tane beje itsi beje yajawa. ²⁴ Jumaitsi Josué Jawabelia: "jjaniajai tsana kajena Dioso maje pa irraje nakarrajutate. Dajjita jiwi pa irrata pejinawanapaewi naka kujunawa pejumetaeta jjua naka ya jumetane.