¹ Ni sa siro civo mai na ulunivanua o Jisu, a ra sa kuruvi keya mai a lia na i lala qa ra sa takucia. ² Ba tola a lia na tamata vukavuka a lakatavia qa cuva vua qa kwaya. “Turaga ma o mu sa vinatia, o mu na rewa ni vasavasavataki ni au?” ³ A dodonia e lima vua o Jisu sqa derei koya, qa kwaya, “Qi na tara Mo savasava, A savasava vakasauri mai na lea vukavuka. ⁴ A tata vua o Jisu, “Mo kua ni kwaya vua e i lia na tamata. Takucia ga lem calevu, qo vakaraitaki niko vuara na bete, qa vacabo na i madrali sa tukunia rewa tu o Mosese, me tia i vadudu vuara na tamata.” ⁵ Ni sa laka tovo i Kapenaumi, a sa laka i vua a lia na momo ni valu qa valomatia, qa kwaya, ⁶ Momo, sa doki no mai were e i lia lequ tamata sa mate musu tu qa sa doki bibita no.” ⁷ A sa vecei koya o Jisu ni na laka i lea were me lai vacola nia. ⁸ A sa saumia lea tata o Jisu qa nece “Momo e i tam ganitu kem mo rusuvia leau were. Mo tukunia boto na i tukutuku me cola lequ tamata. ⁹ Qi tam tia tamata nui taki mequ viliutaki, vuara na sotia e re wili i na ruku ni lequ viliutaki. Qu sa tukunia vua, “Laka,” qa sa laka, vua a lia leqwa, Laka mai, qa sa laka mai, vua na lequ tamata, “Mo tara kwe,” “qa sa tara.” ¹⁰ A sa kisari Jisu, ni sa varogo qa sa tukunia vuara na dau vatakucia vali, “Qi sa vaduolu taki nia i vatikem niqu si tam tolavia lia i Isireli me wetai kwe lea vabautia. ¹¹ Qi sa tukunia muni i vatikem, e i na levu e re na tase mai na tokalau qa ina dromarom ni siga, qa ra na lai teveli vata qa Eparayam Aisake qa Jekope, i na matanitu vakalomalagi. ¹² “Ia o kora na lewe ni matanitu ere na lei vakatala dei i na gigilo, ina vanua ni tagi sqa na quru bati.” ¹³ A sa tukunia vuara na turga ni valu, “Laka! Ni o sa vabautia, me ma yaco ra iko.” A sa yaco lai na tamata i na auwa go so kwe. ¹⁴ Ni sa yaco o Jisu i na were lei Pita, a tolavi qwanitama Sara ni sa dodo tu i na tauvimate. ¹⁵ A sa dere sara e lima, o Jisu qa sa vele sara na tauvimate. A sa dure sara qa qwaravi koya. ¹⁶ Ni sa toso mai na gilo, a ra sa toroki mai Jisu a bi na lewe ni vanua a woqanira tu na nitu. A karavira na yalo velavela i na lia i tukutuku qa ra sa vacolai na tauvimate. ¹⁷ Sa mai vadudutakinia na i tukutuku a lei kwai tu i na tata o Aisea na parofita, kwaya, “Okoya Sa kau dei leda malumalumu qa dagi leda i dagidagi. ¹⁸ A sa tolavira na lewe ni vanua o Jisu a ra sa kuru vi koya, qa sa vatalara mera laka i na kati ni wai mai na Waitaci i Kalili. ¹⁹ A sa lawa vua a lia na vu ni vola qa kwaya, “Vakavuvuli, Qi na takuciko i na vanua kece e laka tavia.” ²⁰ A kwaya o Jisu vua, Ere yakaqwara na vokisi, na manumanu vakakava ni maliwa lala ere vakasova, ia na Luve ni Tamata e i lala lia na vanua me va dokinia ka e ulu. ²¹ A lia leqwa na tisaipeli a tukunia vua, “Momo, sereki au re mequ lai buluti tamai au.” ²² Ia o Jisu a kwaya vua “Takuci au mai, qo deinira na mate mera bulutira na ledra duku mate.” ²³ Ni sa vodo o Jisu i waqa, a ra sa takuicia i waqa na lea tisaipeli. ²⁴ Ara sa tolavia ni sa tase mai a lia na draki ca i waitaci, qa sa olonia na waqa na ua. Ia o Jisu a moce welewelei i buto ni waqa. ²⁵ A ra sa vayadra ni koya qa ra kwaya, “Vacola ni keta, Momo, te sa mate!” ²⁶ A sa vecera o Jisu, Na yava o ba sa matakucia, o vatikem sa rui sewasewa vatilem vabautia?” A sa mata qa borisitia na cagi qa na ua. Sa qei lia na maravu levu. ²⁷ A kusarira na tamata qa ra kwaya “Na mataqali tamata vakayava kwe, ni varorogo vua na cagi qa na ua ni wasawasa?” ²⁸ Ni sa yaco o Jisu i na lia na tiki ni vanua o Kerikesa, a sota qaru a rua na tamata a ru wa qani tu i na nitu. A ra bocedre mai na i bulubulu, a ru sa rui yalo boriborisi qa vamataku, ni lala lia na vulagi me tavari i na vanua so kwe, ²⁹ Ara sa tagi vakalevu qa ra kwaya. Nai yara e i dodonu me ba tara i va kemu na Luve ni Kalou? O mu sa laka mou mo mu mai vararawataki ni kemam ni se bere ni yaco mai na kea gauna? ³⁰ Ara sa lei vakani no a lia na i lala levu ni qo tam yawa mai vuara. ³¹ A ra tam cegu na nitu na vamari Jisu qa ra vece no, Ma ga e sa na karavi kemam vele, vatalai kemam vele vuara na yavusa ni qo. ³² A vecera o Jisu, “Ba laka!” a ra sa laka dei mai na nitu qa waqanira na qo qara sa wavu kasisivo mai na tua qa ra yaco sara i waitaci, qa ra sa lai mate kece i ruwai. ³³ Ia o kora na dau vakani qo a ra sa tuba vele qa ra sa yaco sara i na koro qa talanoataki na vikwa taucoko, vabibi na kwa a yaco vua na tamata a waqania tu na nitu. ³⁴ Ba varogo, kora kece na lewe ni koro a ra sa laka me ra lai sota qa Jisu. Ni ra sa tolavia, a ra sa valomatia me deinia mai na ledra vanua.