¹ Ba qara uni vatikem vina mo ba kua ni Loloma vatolatola va khora na tamata se na tam vai cocovi mai vo na tamada mai Lomalagi. ² Ba sa soli kha ni loloma, kua ni uvucia na da vui, me wetai o khora na dau rara na veivakaisini ina were ni lotu, meru na dau qo roi va khora na tamata. Kwa du qina kwaya va iko aru sa aqomia na covi valevu. ³ Ia ba sa vagani ina kwa ni loloma, me kua ni kilatia mu lima i mawi na kwa e tara vali mu lima i matau. ⁴ Me cu kha na lemu i loloma, la o tamam ina tolavia na kwa vuni ina saumia leqwa va iko. ⁵ Ia ni o ba masu, mo ba kua ni wetai o khora na dau ni vakaisini, khora dau masu dure kha no muni ina bati ni Sala mera tolavi kha. Qu sa kwaya va i du khora sa no vali na kedrai Sau. ⁶ Ia oiko, mo dau masu, rusu ina loqi tabu, Sagotia na mata ni katuba masu vua khoya sa no vuni. O koya ina dani iko mai kha na Saumi iko. ⁷ O ba masu, kua ni tata balavu vali boto. Me wetai khora na tam lotu nira sa numia meru so rogoci na ledru masu ina ledu tata balavu ⁸ O ba kua ni wetai o khoru, o tamam sa kilatia tu na kwa o vinatia si bere ni kho tarogia. ⁹ O khoya mo ba masu me wetai kwe: Tama. Vatikemam mai Lomalagi, me i varokhorokho takhi mu yaca. ¹⁰ Mei yaco na lemtou lewa. Me tara na lomamuni i vuravura. Me wetai sa tara no mai lomagai. ¹¹ Vagania ma va vatikemam na Siga kwe na magiti e yaga va vatii kemam. ¹² Ia kua ni vorisi ni vatikemam ina vukhu ni vatilemam i valavala ca. we wetai ni ba lala ni borisi ni khora ara sa i valavala va vatiketa. ¹³ Kua ni mei takimemam ina veitamaki la ni ba vacolai vatikemam mai ina ca. ni sa vatilem na lewa qa na kaikai, qa na varokoroko kha lala ni mudu..Emini. ¹⁴ Ia keo ba lala ni borisi ni khora na tamata ca, o tamam mai yata ina vosolf ni ikho. ¹⁵ Ia ke o tam vosoti khora. Ina tam vosoti ni ikho muni o tamam mai yatai ¹⁶ Ia ni ba sa lolo, kua ni mata va loloma me wetai okhora na veivakaisini. Ara sa dau vevekutakinia ledru mata mera kilatia ni khoru lolo vali. Qu sa kwaya vakai du va vati kem sa no ga va khoru na keai sau. ¹⁷ Ia oikho, mo lolo, lumi tia mu ulu kha savatia mu mata. ¹⁸ Mo ba kua ni vatakea va khora na lem lolo, ki vo tamam boto a sa dania tu na kwa vuni ina Saumia va bi va iko. ¹⁹ Ba kua ni kumunia vata na vatikem na i yau qa na vuravura, nina varusa na vevekha qa na sarasara ivai na dau driva basukia qa drivatia. ²⁰ Ia mo ba kumunia vata na vatilem yau mai yata, sa lala ni vacacania kha na sarasara se na vevekha, na dau driva me drivatia. ²¹ I na no muni na lem i yau, ina no muni kha mu yalo. ²² Na rarama ni yago na mata. O khoya sa vina na mata ina rarama kece kha na yago. ²³ Ia ni sa caka ca na mata, mu yago kece ina gigilo mai. Ia na i serau e no vali va ikho sa gigilo du mai. Va eva na keai bi ni gilo ye! ²⁴ E lala lia me qwaravia e rua na Qasenivuli o khoya ina lomania e lia kha catia lia leqwa, khabitia e lia kha becia lia leqwa. Ba sa tam rewa ni qwaravia na khalou qa na i yau. ²⁵ A kwa qi kwaya va khe ikho, kua ni leqwatakinia na lem i cola. Na kwa ina khania, na kwa ina somia se baletia mu yago mo taqania. E Kwa levu na cola mai na magiti, na yago mai na sulu? ²⁶ Dania na manumanu i na O khora tam kaburakinia se tamusuki nia, se dau kumunia vata na lololo. Ia o tamam mai Lomalagi vakhani khora. O ba tam levu cakhe mai va khora? ²⁷ O cei va vatikem sa oca me kuria na lea siga ni cola? ²⁸ Baletia na eva o leqwataki nia na i sulu? Vanumia re na viavia ni veikai, tubu vakha yava. Aru lala ni tara lia na kwa qa khoru tam dau tali. ²⁹ Ia qu kwaya va vatikem, O Solomoni na lea i ukhuukhu a lala ni vakhai XXXXX ³⁰ Ia me wetai a vasulumia na o na kalou e no tu ni kua. A sa dei ina quto bula. Ina vica leqwa na lea vasulumi vatikem, vatikem na ssewasewa na vabautia. ³¹ O khoya mo ba kua ni leqwa kha kwaya. Na evaiba na khania se slulu yava ba na taqa, se yava ba na Somia. ³² O vaitkem na lewe ni vavakoso vatolavia na kwa kecekwe qa o tamam mai yata kilatia ni o vinatia no. ³³ Ia vatolavia na lea matanitu qa lea yalo vina. La ina vaikutitaki nia va vatikem na kwa taucoko kwe. ³⁴ O khoya, mo ba kua ni leqwataki nia i qwata, I qwata leqwataki nia ina vukhu ni kwa. Sa rautia na siga na kea ca.