¹ Ina qei wetai tini na vulau. Savasava kha qulu tu na sina me ru sota qa ni khora na teigwane vawati. ² Lima va khoru na lialia, lima vo khoru na vuku. ³ Aru sa khau yati ledru sina na vulau lialia, aru lala ni tawania na waiwai. ⁴ Ia aru qulumia na vulau vuku na koniteina waiwa qa na sina. ⁵ Ia ni bere na tagwane sa qei vawati, aru si moce vali. ⁶ Ia ina gilo a rogo e lia na coco dania na tagwane sa vawati lakha mai kha tolavi khoya. ⁷ Ara sa durekece na vulau vina kha khoti ledra sina. ⁸ A kwaya na lialia vana vuku, vagania mai va vatikemam so na lem waiwai baletia ni sa lo na vatilemam sina. ⁹ Ia aru saumia mai na vuku kha kwaya, ni lala ni rautia kha o la ga va khora na volitaki kha volia so va ikho. ¹⁰ A ra lakha yati ra volivoli, sa lakha mai na tagwane vawati kha ra lakha vata ina marau ni vamau kha sa sogo no mai na katuba. ¹¹ Ni oji ara sa lakha muni mai na vo ni vulau kha kwaya. Turaga dolavia va vatikemam. ¹² Ia saumia kha kwaya, Qu sa kwaya vaidu va vatikem. Qu lala ni kilati vatikem. ¹³ Yadravia, o ikho lala ni kilatia na auwa qa na siga. ¹⁴ Wetai na tagwane lakha i lea leqwa na vanua. A covici na lea tamata kha nuitaki lea i yau. ¹⁵ E lia va khoru a vagania na lima taled, lia leqwa a rua, lia leqwa a lia ga. Eru a ciqomia yalia nai wiliwili me wetai na kwa e rewa ni tara kha sa lakha na tamata so kwe ina lea yatoyato. ¹⁶ O khoya a ciqomia e lima na taledi a lakha vata kha tara vata kha khora kha rewatia. ¹⁷ Ina calevu vata kwe, o khoya a ciqomia e ruana taledi e rewatia e lia leqwa ina rua. ¹⁸ Ia sa lakha dei na tamata kha ciqomia e lia na taledi, kha khelia e lia na qwara ina qwele, kha vunia na i lavo ni lea turaga. ¹⁹ A oji e lia na gauna sa lakha mai lea turaga kha vadei va khora na ledra i tukutuku. ²⁰ A lakha mai na tamata kha ciqomia na lima na taledi kha khau mai lima leqwa na taldi. A kwaya turaga, vagania va au e lima leqwa na taledi. ²¹ A kwaya vua na lea turaga, tara vina, dauviawaravi vina kha yalo du. O a yalodu vali ina vica na kwa. Qu na lesi mo liutaki e vuqa na kwa. Mo rusu ina marau ni lem turaga. ²² A lakha mai na tamata kha ciqomia e rua na taledi kha kwaya saka vagania va au rua na taledi tolavia qu sa rewatia e lima leqwa taledi. ²³ A kwaya vua na lea turaga, tara vina viqwaravi vina kha yalo du. O sa yalo du vali ina vica na kwa. Qu sa lesi iko mo liutaki i vuqa na kwa. Mo rusu ina marau ni lem turaga. ²⁴ Sa qei lakha mai na tamata kha ciqomia e lia na taledi, kha kwaya qi kilatia ni o sa tamata kaikai. O tamusukia na vanua kho a lala kaburakia, ia o tamusukinia ina vanua o a tam viseyaki kha. ²⁵ Qu mataku, qu sa lakha dei kha vunitakhi na lem taledi ina qwele tolavia ni sa no va ikho ikeni na kwa e lem. ²⁶ Ia sa saumia na lea turaga kha kwaya, oikho na tamata ca kha vucesa, o kilatia qu sa tamusukia a kwa qu sa tam khaburakinia kha tamusukia ina vanua qu tam rewatia. ²⁷ O khoya ga, a vina mo solia na lequ i lavo vo na dau vei voli, ia qu sa lakha mai qu na ciqomia lesu na lequ gadrevia. ²⁸ O khoya mo ba kau teni kha na taledi mai vo na tamata sa tini na lea taledi. ²⁹ A vagania va khora kece sa bi na kwa ara taukenia, kha bi na kwa ina no vua. Ia ma vo khoya elia a lala ni taukenia e lia na kwa ina khau teni mai va khoya. ³⁰ Viri takhi ni khoya na tamata tam yaga ina gilo e ta=evai na vanua ina tagi kha qaqi kha na bati. ³¹ A lakha mai na lure ni kalou ina lea lagilagi kha khora kece na Agilosi, ina no lua lia ni nono va momo. ³² A na qei soqoni mai va khora na matanitu tauco ko kha na tawasei khora na tamata vakhai khora, me wetai na i vakatawa sa tawasei khora na sipi mai va khora na me. ³³ Sa dei khora na sipi e lima matau, ia na me e lima mawi. ³⁴ Uba qeu jwata ba na mono va khora ara sa no e lima i matau, sa vakalougatakhi mai vo tamaya, mo taukenia na matanitu sa varautaki no me aleti ikho mai na tauyavu kha o vura vura. ³⁵ Qu mataka kha vagania va iko na magiti, kha mata som kha vagani va ikho na som. Qu wetai na vulagi kha mea mai va au khi buto. ³⁶ Qu luvaiwale kha o vasulumini au, qu tauvimate kha numi au, qu no e were nivivesu kha o lakha mai va au. ³⁷ O khoya mo saumia kha kwaya. Turaga, kemam a tolavi kemu ina gaunuuna yara o matakana kha vakhani kemu? Mata som kha kemum vagania va ikho na som? ³⁸ Ina gauna yava kemam tolavi. Ikho kha na vulagi kha mei ikho i buto? Si luvaiwale kha vasulumi ikho? ³⁹ Ina gauna yava vemam tolavi ikho kha ni o tauvimate, no kha lakha mai va ikho? ⁴⁰ Ina saumia na Momo va khora. Qu sa kwaya va i du va vatikem, a yava o ba tara va khora na tuakhai da kwe, o ba tara muni va au. ⁴¹ A qei kwaya okhoya vakhora ara no vali, ina yasa mawi, mo lakha dei mai va au. O sa borisi, ina qutoudre tawacala, sa tara no me ledra na nitu kha na lea agilosi. ⁴² Baletia qu matakani, ia ba lala ni vagania va au na magiti, qu mata som ba lab ni vagania va au na som. ⁴³ Qu vulagi ia ba lala ni mei au i buto, luvaiwale ba lala ni vaisulumi au tauvimate kha no i were ni vivesu, ia o bo lala ni kawai va au. ⁴⁴ Ara qei saumia leqwa kha kwaya, turaga, vatikem a tolavi ikho ina gauna yava ni o matakana, se mata som, se luvaiwale, se tauvimate, se buto ni were vivesu. ⁴⁵ Ina qei saumia kha kwaya, Qu kwaya vai du va vatikem via kwa o lala ni tara vo khoya e lia va khora na khwa sewa, ba ni lala tara va au. ⁴⁶ O khora kwe, ara na lakha dei ina totogi tawacala, ia o khora na i valavala dodonu khi na tawamudu.