¹ A tata o Jisu va khora na lewe vuqa kha khoru na tisaipeli. ² A kwaya, "Na Farisi ara no ina lea nono o Mosese. ³ Ina yara ga aru varotia va ikho mo tara, tara na kwa kwe kha vatike ni khoru. Ia mo khua ni veivadewataki ni ledra i toro, ni va kwaya na kwa ara tam kilatia ni tara. ⁴ Io, aru vesukia na bibita ni colacola aru dredre me colatia, aru va taqania ina tamata. Ia okhoru na lala ni yaralatia dru lima meru qulumia. ⁵ Aru tara kece na ledrai valavala me tolavi vakhora. Ni ru tara na ledra i toro aru valevutakinia na bati ni ledra i sulu. ⁶ Aru domonia na vanua ni rokovi ina khani magiti kha na ledra i nono na liuliu ina wereni lotu. ⁷ Kha na vikidavaki digitaki ina vanua ni makete, kha vatokai me rapai mai va khora na tamata. ⁸ Ia ikho mo kua ni laicovi me Rapai ni lia ga na lem qasenivuli qa ni khoru kece na tacimi. ⁹ Kua ni covia e lia na tamata ina vuravura me tamam, oi kho eno elia ga tamam ei no ga mai lomalagi. ¹⁰ E lala ni lia vakhoru me vatokai me qaseni vuli, ni lia ga na qaseni vuli na Karisito. ¹¹ Ia okhoya oei e cecere talia va vatikem na vatilem tamata cakacaka. ¹² O khoya e vacerecerei khoya ina vayalomalutaki yalia sa vamalumui khoya ina valevulevui. ¹³ Isa va ikho, vunivola kha na Farisi, Dauveivaisini. O ba sogotia na lomalagi me baleti khora na tamata. O kho sa tam rusu va takini ikho. Khora sei varau rusu me ru tara ga. ^{14 15} Isa va ikho, vunivola kha na Farisi, veivaisini. O sa takosovia na wai taci kha vanua me saumakinia mai kha e lia. Asa yaco me lia bau ga. Ona varautaki khoya me wetai oikho. ¹⁶ Isa vaikho, o duciduci mata boko. Ikho a kwaya, o khoya a bubului mai na were tabu e itam lia na kwa. O khoya bubului ina koula ni were tabu sa vauci kha na lea bubului. ¹⁷ Mataboko riva, o cei e cecere, na koula se na weretabu. Kwe a vatabuya na koula. ¹⁸ Kha o khoya a bubului ina cabocabo ni soro e lala lia na kwa. Ia okhoya a bubului ina loloma e no kha okho i vauci kha na lea bubului. ¹⁹ Tamata mataboko, oei e bibi, na loloma se na cabocabo ni soro a vatabunia nai solisoli. ²⁰ O khoya sokwe, o khoya a rubului ina cabocabo ni soro me bubului kha kha khoya ena no vata khe. ²¹ O khoya sa bubului ina wereni soro me bubului kha kha khoya ena no vata kha. ²² O khoya sa bubului ina lomalagi bubului ina nono va turaga kha khoya muni e no khai. ²³ Isa va ikho. Vunivola, Farisi vivaisini, me baleti ikho na botebote koro qa na doli kha na khamina. Ia ikho sa tam vavina takinia. Na veikwa bibita talia ni lawa lewa vina, loloma vivueti kha na yalo du ia akwe ikho dodonu mea tara kha khua ni biutia na kea karua me tara. ²⁴ O duciduci mataboko, ikho a va osoosotakinia e lia na kha kha tilomia na kameli. ²⁵ Isa oikho, vunivola, Farisi, vivaisini. Ni kho samakinia na rara ni bilo kha na veleti, ia i buto ara sinai vali ina driva kha na ledra dau vamamasu vai khora. ²⁶ O mataboko Farisi samakinia na buto ni bilo kha na veleti, mai na rara muni ina savasava. ²⁷ O sa wetai na i bulubulu ni bulubulu kha rairai vina irara. Ia i buto aru sinai no ina ledra mate na tamata sui kha vei kwa taucoko e duka tu. ²⁸ Ina sala va kha, o mata yalo vina muni e taudakhu va khora na tamata, ia i buto o sinai ina vei vaisini kha caka cala. ²⁹ Isa oikho, vunivola, Farisi vivaisini. Oba tara na i bulubulu ni parofita kha ukutaki nai bulubulu dodonu. ³⁰ O kwaya, khe ba no tu ina gauna ni tamai da, ba na lala ni tokani kha khoru vadarei dra ni parofita. ³¹ O khoya mo vadinatakinia kha na lem sagati ikho ni oikho na luvea na tagwane na labati khora na parofita. ³² Kho sa valewenia muni na ivarau la tamam. ³³ Oikho na gwata, ikho na kawa ni gwata, ba noi tuba va yava na vilewai mai Eli. ³⁴ O khoya, tolavia, qu sa vatala yati va ikho na parafita kha na tamata vuku vunivola. So va khora o na vamate kha vakoti kha so o na rubicia ina lem were ni lotu kha karari mai na vanua khina lia leqwa na vanua. ³⁵ Na kea isau ni na yaco va ikho na dra ivalavala vina kecega we sa vadavei i vuravura mai na dra i Epel yalododonu khina dra i sakaraia luveao berekia, o a labatia maliwa iraruru kha na cabocaboni soro. ³⁶ Na kwa du qi kwaya va ikho, na kwa kece kwe inalakha mai ina gauna ni itaba tamata. ³⁷ Jerusalemi, Jerusalemi, ikho a va mate na parofita kho viriki khora na vatalai yati va ikho. ³⁸ Tolavia na lem were sa deni ikho tu sa lala. ³⁹ Qi kwaya va ikho, o na tam dani au ina gauna kwe yacovia o kwaya kalougata okhoya lakha mai ina yaca ni kalou.