¹ Nomba icipowe calibile nganshi mu calo. ² Ilyo bapwile ukulya inganu baile shita ku Egupto, bashibo balandile ati kuli bena, "kabiyeni: nakabili muye tushitilako ifyakulya," ³ Yuda amweba ati, "ulya muntu alitukonkomesha ati, tamwakamone icinso candi kano mukese na munonko akabe na mwebo. ⁴ Kanshi nga cakuti mwatutumina na muninefwe na ifwe, lyena tuleya pesamba kuku mushitila ifya kulya. ⁵ Lelo nga tamututumine, tatwaya pe samba pantu ulya muntu alandile kuli fwebo ati, 'Tatwakamumone icinso candi kano mukabe na muninenwe."' ⁶ Israeli alanda ati, "nga cinshi mwacushisha mu bucushi pakweba uyo muntu ukuti mwalikwata muninefwe na umbi?" ⁷ Bamwasuka ati, "ala uyo muntu aleipusha ifingi pali ifwe na pa lupwa lwesu. Alandile ati, Bushe shinwe epo acili? Bushe mwalikwata muninenwe na umbi? Twalimwasukile ukulingana nefyo atwipwishe. bushe nga kuti twaishiba shani ukuti alelanda ati, 'mukalete muninenwe pesamba?" ⁸ Yuda asosele kuli Israeli wishi ati, "tumeni umwaice na ine, twalaimafye elyo no kuya pakuti tube aba mweo lelo twifwa, bonse fwebo, mwebo elyo na bana besu. ⁹ Ine ne mwine nkasakamana. Muli no kusenda ine mukunsakamana. Nga nshimubweseshe kuli mwebo no ku muleta pa cinso cenu, inshi nkaba no mulandu ilyonsefye. ¹⁰ Nga tukana shinga shinga, nga twaliyako nokubwela imiku ibili." ¹¹ Elyo shibo Israeli avlanda kuli bene "Kanshi nga nifyo cili nokuba, ninshi mucite ifi. mubule ifintu ifyawamisha ifyo twakwata muli cino calo mubike mufifuko fyenu. Elyo mukafitwale ngo bupe kuli uyo muntu, mukasende amafuta ya ku pangilako umuti elyo no buci, ifinya muti ifyanunkaubusaka muri, ne nseke sha kamuti ka pisitakio na ka alumondi. ¹² Musende ishingi indalama mu minwe yenu. Indalama ishabwelele ilyo mwaleisula utufuko twenu, sendeni nakabili mu minwe yenu. Limbi balufyenyefye. ¹³ Sendeni na munyinenwe. kabiyeni nakabili kuli uyo muntu. ¹⁴ Lesa umwine iwa maka yonse amipale icikulu kuli uyo muntu, akalekeko na munyinenwe elyo na Benjamini. kwena nga efyo ndi nokufwila pa bana, nafwilwe." ¹⁵ Kanshi abantu bali sendeklre ifya bupe elyo muminwe yabo balisendele indabina uku noku, na Benjamini wine. Baima balaya ku Egupti elyo baiminine kuli Yosefu. ¹⁶ Cilya Yosefu amona ukuti Benjamini ali nabo, aeba kasunga wa nganda yakwe ati, "Balete abantu mu nganda, wipaye inama upekanye, aba bantu balelya naine akasuba." ¹⁷ Awe kasunga acita ifyo Yosefu amwebele. atwala na bantu ku nganda yakwa Yosefu. ¹⁸ Kanshi abantuepakwikatwa no mwenso ico batwala ku nganda yakwa Yosefu. Elyo balanda ati, "ni pamulandu wa ndalama ishibwelele mu mifulo yesu pa muku wakubalilapo ilyo bacituleta, pantu akafwaya lili shuko nakaili kuli fwebo. Alefwaya ukuti atwikate elyo aticite ukuba abasha, elyo abule na bapunda besu." ¹⁹ Kanshi epakuya kuli kasunga wa nganda yakwa Yosefu, balanda nao ilyo bacili pa mwinshi wa nganda, ²⁰ balanda, "Mwe shikulu, twalishile kuno umuku wa kubalilapo kukushita ifyakulya. ²¹ Ilyo cafika ifi, ilyo twafika pa nende ya kusendama, elyo twaiswile imifuko yesu, elyo, mona, cila muntu asangile indalama shakwe mu mufuko wakwe aiswile indalama shesu mukufina kwa shiko. kanshi natushibweseshe shili muminwe yesu. ²² Kabili natwisa na shimbi ishakushitamo ifyakulya. tatwaishibe uwabikile indalama shesu mu mifuko yesu." ²³ Nao umubomfi ati, mutende kuli mwebo mwitina. Lesa wenu elyo na lesa wakwa shinwe ewabikilemo isho indalama mu mifuko yenu. nali pokelela indalama sheni. "Elyo umubomfi aleta Simeoni kuli bene. ²⁴ Kasunga wa nganda abuulile abantu no kubatwala mu nganda yakwa yosefu. Abapele amenshi, elyo basamba na ku makasa yabo. Apela nefyakulya kuli bapunda. ²⁵ Elyo bapekanya ubupe bwa kwisa pela Yosefu nga aisa akasuba, pantu balyumfwile ukuti bali no kulya nanakwe kulya kwine. ²⁶ Cilya Yosefu aisa mu nganda, batwele kuli wene icabupe icali mu minwe yabo mu nganda, elyo bafukeme kuli wene panshi. ²⁷ Elyo aipwishe nga bali umutene elyo ati, "nga shinwe ali bwino, elyo umuntu umukote mwanjebeleko? ali uwa mweo? ²⁸ Nabo batile, "umubomfi wenu shifwe ali bwino." acili no mweo" Elyo bawile pannshi ukulanga umucinshi. ²⁹ Ilyo ainwine amenso yakwe amwene Benjamini, umwana mwaume wakwa nyina, elyo atilem "bushe uyu e munyinenwe umwaice uo mwasosele kuli ine? "elyo atile, "Lesa akupale webo, we mwana wandi." ³⁰ Yosefu ayangufyanya ukufuma mumuputule pantu ali uwaseshiwa pali munina wakwe. Aile fwaila ukwa kulilila. Aingile mu muputule wakwe no kulililamo. ³¹ Elyo asambile ku menso no kufuma ashipikisha, alnda ati, "Leteni ifyakulya." ³² Elyo umubomfi apekanisishe Yosedfu kuli wene elyo naa bamunina abene. Elyo nabena Egupto balelya nankwe nabo babatwalila icakulya beka pantu bena Egupto tabafwaya nelyo panono ukulya umukate pamo na ba Hibulu, ico ca muselu kubena Egupto. ³³ Bamunyina ba bateka kuli wene, ibeli umwabelo ubeli bwakwe, no mwaice umwabelo ubwaice bwakwe. Elyo abantu baloleshenya bonse. ³⁴ Yosefu atumine icakaniko kuli bene ukufuma pa fyafulya ifyali pantanshi yakwe. Lelo Benjamini icakaniko cakwe cali imiku isano ukucila na bamunian. Awe balimine elyo no kusansamuka pamo nao.