¹ Nomba icipowe caliponene mu cal, ukucial icakubalilapo icaponene munshiku shakwa Abrahamu. Isaki alile kuli Abimeleko, imfum yaba Pelishiti ku Gerari ² Nomba yawe alimonekele kuli ena no kulanda ati, "wiya ukutentemukila ku Egupti: Ikala pa ncende apo nakweba ukwikala. ³ Ikala pali inoine incende kabili nkaba nobe kabili nkakukupala: Nikuli webo na ababufyashi bobe nka nkapela upnse iyi incende kabli nkafikulisha umulapo uyo nalapile uli wiso Abrahamu. ⁴ Nkasandulula ababufyashi bobe nge ntanda shamuulu, kabili nkapala kubabufyashi bobe iyi mpanga yonse. Ukupitila mu babufyashi bobe onko shonse isha pano pesonde shikapalwa. ⁵ Ndinokucita ici pamulandu wakweba ati Abrahamu alikumfwila ishiwi lyandi nokucita ifyo nalikumweba, amafunde yandi, ifipope fyandi, na malango yandi." ⁶ Eico Isaku alikele mu Gerari. ⁷ Ilyo abaume bakucifulo uku bamwipwishe pa mukashi alandile ati, "ninkashi yandi." Alitinine ukulanda ati, "mukashi wandi," pantu alitontokenye ukweba ati, "abaume bakuno kuti banjipaya no kusenda Rebeka pantu ali uwakuyemba. ⁸ Panuma Isaki aikele kulya panshita iitali, imfumu Abimeleki iyaba pelishiti yali lolesha panse ya nsolokoto yalimwene uko Isaki alikwangasha Rebeka ngo mukashi wakwe. ⁹ Abimeleki alikutile Isaki no kuoanda ati, "mona icine cine uyu mukashi obe. Nindo walandile ati, 'ninkashi yobe?' Isaki alandile kuli ena ati, "pantu nalitontokenye ati umo kuti anjipaya no kusenda umukashi wandi." ¹⁰ Abimeleki alandile ati, "nindo iyi wacita kuli fwebo? kwempefye umuntu umo nga alisendeme no mukashi obe, nga waliletele umulandu pali fwebo. ¹¹ Eico Abimeleki alisokele abantu bonse no kulanda ati, "uyo onse uukekata muli uyo mwaume nangla umukashi wakwe icine cine alino kwipaiwa." ¹² Isaki alibyele imbuto no kusomboal ulya ine mwaka umwanda umo, pantu yawe alimupalile. ¹³ Uyu mwaume alinonkele,kabili alilundilwike sana mapka aba umukankala sana. ¹⁴ Alikwete iimpanga nr ngombe ishingi na banganda yakwe abengi. Aba Peleshiti balimufimbile. ¹⁵ Lelo ifishima fya kwa wishi ifyaimbile ababomfi munshiku shakwa Abrahamu wishi, aba pelishiti baliba kenye baliswishemo iloba. ¹⁶ Abimeleki alandile kuli Isaki, "kabiye ukufuma kuli fwebo, wakwatisha amaka ukutucila fwebo." ¹⁷ Efyo Isaki afumineko nokuya kwikala mumupoka poka wa Gerari kulya kwine. ¹⁸ Nakabili Isaki alimbile ifishima fyamenshi, ifyo baimbile munshiku shakwa Abrahamu wishi. Aba Pelishiti balibakenye panuma wishi Abrahamu afwile. Isaki alikwita amashina yafishima yamo yene ayo wishi alikufita. ¹⁹ Ulo aba bomfi bakwa Isaki baimbile mumupokapoka eko basangile icishima icali kuswa amenshi. ²⁰ Bakachema baku Gerai balilakile na bakacema bakwa Isaki, no kulanda ati, "aya menshi yesu." Eico Isaki alikwita cilya icishima "Eseki" pantu balilakile nankwe. ²¹ Kabili balimbile nacimbi icishima, naco balilakilepo nakabili, naco alicinike ishina lya "shitina." ²² Alifumine kulya nokuya kwimba icishima cimbi, nomab tabalakilepo pali cena. Eco alicikutile ati, Rehoboti, nokulanda ati, "Lelo yawe alitupele incende,kabili tukasanduluka pano calo." ²³ Elo Isaki alimine ukufumakulya ukuya ku Beerisheba. ²⁴ Yawe alimonekele kuli ena bulyta bwine ubushiku nokulanda ati, "Nenebo Lesa wakwa Abraham wiso. Witina,ico ndi nawebo na nebo ndi nokukuala no kufusha ababufyashi bobe, pamulandu wa mubomfi wandi Abrahamu." ²⁵ Isaaki alikulile icipailo kulya no kwita pe shina lyakwa yawe. kulya alitanike ne ihema na babomfi bakwe nabo balimbile icishima. ²⁶ Elo Abimeleki alile kuli ena ukufuma ku Gerari, pamo na Ahusati, cibusa wakwe, na fikole umukalamba wa fita. ²⁷ Isaki alandile kuli bena ati, "nindo mwaishila kuli nebo, ilyo mwalimpatile no kuntamfya ukufuma kuli mwebo?" ²⁸ Elo balandile ati, "tulimwene bwino ukweba ati Yawe alinobe. Eco twaebela ati pabe umulapo pakati kesu, ee, pakati kesu na webo. Eco katupange icipangano nobe, ²⁹ tawakatucite ububi, ngefyo fwebo tatwakucitile akabi webo, nefyo twakusungile bwino no kukulekako ukuya mumutende. Icine, ulipalilwe na Yawe." ³⁰ Eco isaki alibapangile umutebeto, kabili balilile nokunwa. ³¹ Balyalamwike ulucelo celo no kulapa umulapo kui cila umo. Elo Isaki alibalekele kabaya, nabo balimudshile umutende. ³² Bweka bulya bushiku ababomfi bakwa Isaki balishile nokumweba pa lwa cishiam ico baimbile. Balilandile ati, "tulisangile amenshi." ³³ Alikutile icishima ati shiba, eco ukufika nakalelo ishina lya musumba no Beerisheba. ³⁴ Elyo Esau alinemyaka amakumi yane alyupile umukashi, Yudifi umwana mwanakashi wakwa beri umwina hiti, na besimati umwana mwanakashi kwa Eloni umwian Hiti. ³⁵ Baliletele ubulanda kuli Isaki na Rebeka.