¹ पावुलाहा (नियमशास्त्रा माहिती रेनाराआरी माय गोगी रीयो) माहु जाउुक लुग जीवतो हाय तावकलुग तीयाये नियमशास्त्रा सत्ता हाय ई तु होमजातो नाहा का ? ² काहाका जी थेईल मारी हाय जाउकलुग तीयु माटी जीवतो हाय तावलुग ती नियमशास्त्र बांधलेली हाय पेण तीयु माटी जर मोई गीयो ता ती तीयु माटी तियामेने ती तुक्त वी जाहे. ³ तीयाल माटी जीवतो रेहे तेबी जर ती बीहजा माहा ती वीगीई ता तीयुल व्यभिचारीन ई नाव मिलेहे पेन तीयु माटी मोई गीयो ता ती तीया मुक्त नियमामेने मुक्त वेहे पासे जर ती बीहजा माहा बुरी वी गीई तर ती व्यभिचारी वेती नाहा. ⁴ तीयाम आखु मा पावुलाहा तुमा बी ख्रिस्ता सेवा शरीराव्दारा नियमशास्त्र मरण पावला होय काहाका तुमा बीहीजा जो मरण पावलामेने पासे जीवतो वेयो तीयर वेरा म्हणजे आपु देवाल फल दीहु. ⁵ काहाका आपु देहाधीन रेताहा नियमशास्त्रा उभ्दवलेल्या आपु पापा भावना आपु शरीराम मरणाल फल देवुला कार्य केतल्या ⁶ पेण आपु जीया बंधनाम आथा तीयाय आपु जीवन निगी गीयो तीयाम आपु आमी नियमशास्त्रामेने मुक्त वीगीया तो इयावाटो का आपु आत्मा नवापना की सेवा केरा जोजे शास्त्रलेखा जुनापणा की नाहा ⁷ फासे काय होमजुला नियमशास्त्र पाप हाय का कीधीच नाहा, पेन मान नियमशास्त्रा शिवाय पाप होमनातोज नाय. काहाका लोभ् केरा ताहा ऐहकी नियमशास्त्राय आखल्या शिवाय मान लोभ काय हाय ई होमजातोज नाय. ⁸ पेन पापाय आज्ञा संधी लीन मामोनाम आखा प्रकारू लोभ आवी गीयो काहाका नियमशास्त्रा शिवाय पाप निर्जीव आथो. ⁹ काहाका माय एकदा नियमशास्त्राशिवाय जीवलो पेन जाहा आज्ञा आली ताहा पाप सजीव आथो आन माय मोय गीयो. ¹⁰ जीवना वाटो देदली आज्ञा मरणा कारण कप्यो ई मान देखायो. ¹¹ पेन पापाय आज्ञा संधी लेदी आन मान ठोगाव्यो आन तियु योग्य मान ठरव्यो. ¹² तीयीम नियमशास्त्र पवित्र हाय, तेहकीज आज्ञा पवित्रा न्याय आन हारो हाय. ¹³ जी हारा हाय तो मान मरणा वेला ली गीयो का तेहकी नाहा पेन जो हारो हाय तीया योगे पापई पापप्रकट तीयाल मामे ती मरना परिणाम घडवे हे म्हणजे पाप ई आज्ञा पराकोटीचे पापिष्ट वेयो. ¹⁴ काहाका आपुज ई माहिती हाय का नियमशास्त्र ई आत्मीक हाय पेन माय दैहिक हाय पापाल वेचलो हाय. ¹⁵ काहाका माय काय की रीयो तो मान माहिती नाहा माय जीया इच्छा कीहु तो माय केतो नाहा पेन माय जीया व्देष कीहु तो नाय कीहु. ¹⁶ जीया मान ईच्छा नाहा ते जर माय किहु ता नियमशास्त्र चा हारो ई माय मानुहु. ¹⁷ आमी माय तो केतो नाहा आमी मामोन रेणारो पाप तो केहे. ¹⁸ काहाका मान माहिती हाय की मामे कावीज हारो रेतो नाहा काहाका इच्छा केरूला मा जागे हाय पेन हारो रेवुला नाही. ¹⁹ काहाका माय जो हारो केरूला इच्छाकीहु तो मा केता नाहा पेन माय जीया इच्छाकेतो नाही तो चाोतो जाय कीहु. ²⁰ माय हारो केरूला इच्छा रेहे ताहा खोटो केरूला बी मा जागे रेहेज, ओ नियम आरी रेहे. ²¹ फासे आय हारो केरा इच्छा असता माढो मा पाहे रेहे ओ नियम हाय. ²² काहाका माय मा अंतर्यामी देवा निमाकी आंनदी वीहु. ²³ पेन मान मा शरीराम एक बीहजो नियम देखाय तो मा मनामेने नियम आरी चुलायने मान मा शरीराम रेनारा पापा नियमा आथाम देहे ²⁴ माय केतो कष्टी माहु मान मरना शरीराम ने केडो सोवडी. ²⁵ माय आपु प्रभु यीशु ख्रिस्त ईया व्दारा देवा उपकार मसनु माय सोता मनाकी देवा नियमा दास्य कीहु पेन मोनाकी पापा नियम दास्य कीहु.