¹ हरेक माअहाय मुख्य अदिकारा ताबामं रेवो काहाका परमेश्वराई नाम वेय एहंडो कांय अदिकार नाहा, जे अदिकारी हाय ते परमेश्वराय ठोवूला हाय. ² तीयाह जो मुख्य अदिकारी विरूध्द केहे तो परमेश्वरा योजना विरोध केहे, आणे जे विरूध्द केएणारा तियाल आपोआप दंड आवी. ³ तीयाहा हारा कामांम अदिका-या भीक नाहा पेण खोटा कामा बिक रेहे, ताहा तुल आदिका-या बिक नेयलागे एण्हकी तो इच्छा हाय का. हारो तो तु के ताहा तो प्रशंसा किई. ⁴ तोअ हाराखातोर देवा दास हाय, पेण तु जाहा खोटो केतोओ ताहा बिक राखजे काहाका बिगरकामा तलवार तेतोनाय काहाका खोटो केनाराप रोगकाढे आणे शिक्षा देनारो देवा सेवक हाय. ⁵ तुमा फक्त रोगी बिखीवाजय नाय ता पेन जीवना साक्षी केअता बी आासाम रेवुलो जरूरी हाय. ⁶ इया खातोर तुमा करपटटी बी दया काहाका ते परमेश्वराय थोवला सेवक हायं., आन ते तिज कामा लागला रेताहा, ⁷ होरगाहान तियाया जो हक्क हाय तो दया, जियाल करपाटटी तियाल करपटटी तियाल जकात तियाल जकात जियाल दिया जोजे जियाल दिया जियाल मान दा.जोजो तियाल मान दया. ⁸ एकबिहिराप प्रिती केअनु इयासिवाय केडाज बांदालो मा रेअहो काहाका जो बिहिराम प्रिती केअहे पवित्रशास्त्राम लिखलो पुरो केअयोहो. ⁹ काहाका सिनालो केअहो मा, खुन केअहो ना, चोरी ना केअहो, लालुच ना केअहो आन तेहकीज एकदी बिहरी आज्ञा वेरीता ती इ जेहकी तु स्वत:प तेहकी तो शेजाराप प्रिति केअजे इ एक वचनामुज बाददो अललो हाय. ¹⁰ प्रिती इ आपु शेजा-या माेठो केअती नाहा तियाहाल प्रिती राखलो म्हणजे नियमशास्त्र पुरो केरूलो हाय. ¹¹ आन वोखत ओखीन इ आमिज केअरा इया खातोर का तुमा निंदीमने उठनु वोखत आवी गियोहो काहाका जि वोखताम आपुही विश्वासकेलो ति वोखता विचाराहाकी आपु तारण पाही हाय. ¹² रात पारवाती आलीही आन दिही जागेज आलोहो , तियाल आपुहु आंधारा कामे टाकी दिईन उजवाडा हाथियार पोवी लिहु, ¹³ जेहकी दिहया सोबे तेहन्डो आपु रिअहु, चैनबाजी ने दारूआजी नेता सिनालोकेअनु नेता भानगोडीम, इया रेवो नाय. ¹⁴ ता तुम्हा प्रभु यीशु ख्रिस्ताल परीधान की ल्या. आन शरीरा वासना पु-या केरा केअता काय काय उपाय मा केअराहा.