¹ पावुह मा मोना इच्छा हाय , की देवाय तियाहा खातोर प्रार्थना किहु बादयाहा तारण वेरा जोजे. ² काहाका आय साक्षी देहु की तियाम उेवा हेवो हाय, पेन ते ओकलीकी नाहा. ³ आने ते देवा न्यायीपणाल नाहा, िोमजूता जो परमेश्वराहीने मिलेहे आने ते सोताहा न्यायीपणा उपजावा होदताहा तियाहाल तियाहीय देवा न्यायीपण नाहा लेदो. ⁴ ख्रिस्तान नियमशास्त्रो पारवाव्यो काहाका जो केडो भरूसो थोवी तो परमेश्वराम धार्मिकवी. ⁵ मोशेय नियमशास्त्राम न्यायीपणा बोददल ऐहेकी लेखलो हाय की, जो माहु नियमशास्त्रा वचना आरी चाली तो माहु तेहकी जिवन जिवी. ⁶ पेण भारूचा मिलनारो न्यायीपण एहेंकी आखेहे की, तू मोनुम एहेंकी विचार नाहा केहो की होरगाम केडो जाय. ⁷ आने नोरकाम केडो जाय. ⁸ पेण नियमशास्त्र एहेंकी आखेहे, तो वचन तो मोनुम हाय, तो विश्वासु वचन इज हाय जो आमहा तुमाहान आखता फिरताहा. ⁹ यीशुज प्रभु हाय एहेकी तु मानी लेहे आने देवाय तियाल मोलामेने फाचे जिवतो केयो एहेकी तु खेरा मोनाकी भेरूचो थोवहो ताहा तो तारण वी. ¹⁰ काहाका जो खेरा मोनाकी भोरूचो थोवेहे तो धार्मिक रेहे, आन जो गोगल्या गोठया मानेहे तिया तारण वेहे. ¹¹ बाइबलाम एहेंकी लेखलो हाय की, जो केडोभी तियाप भोरूचो थोवेहे तो किधी निराश नाय वे. ¹² यहुदी आने हेल्लेणी इया वाहीक भी फोरक नाहा, काहाका बाददा प्रभू ता एकुज हाय आने तो बाददाप दोया केहे. ¹³ आने जो केडोभी प्रभु नाव लेहे तिया तारण वी. ¹⁴ पेण जे भोरूचो नाहा केते ते प्रभू केहेकीली आने जियाहाय तिया बददल उनायोज नाहा तियाप केहेकी भोरूचो थोवी आने जावलुग तियाहान देवा हा-या गोठया आखता नाहा तांव लुग ते केहेकी उनाय. ¹⁵ आने संदेष्टयाय सेदंश एहेकी वी जावलुग तियाहान मोकल्याज नाहा , जेहकी बाइबलाम लेखलो हाय जे हा-या गोठया हिकवुताहा तियाहा पाग केाता सुंदर हाय. ¹⁶ पेने बाददया हा-या गोठया दनाया नाहा, गोठीप केडाया भरूचो थोव्योहो. ¹⁷ हा-या गोठया उनाईन भारूचो वेहे, आने हा-या गोठया ताहा उनाया पोडत्याहा ताहा ख्रिस्ता वचना विषयाम ते हा-या गोठया वेरी. ¹⁸ पेन आय आखुहु ते उनाये नाहा का हा खेरोज उनायेहे इ तासेरतीप बाददसे तिया आवाज आने एसल्या ठोकाने ता तेसल्या ठोकाय लुग तिया वचन पोचलो हाय. ¹⁹ इया खातोर आय तुमाहान फुचेहु इस्त्राएला लोकाहान कोलतो नाहा का मोशे आखेहे, जो देश हायज नाहा तिया आय तुमाहान आठयो देहे एका निर्बुध्द देशा बोददल तुमाहान रोग चोडवेहे. ²⁰ फाचे यशया आखेहे , का माने एहेडा लोकुय होदीलेदो जे मान नाय होदतांले आने माय एहेंडा लोकुन मीली गियो जे मान फुचतला मी नाय. ²¹ पेन परमेश्वराय इस्त्राएला बोददल आखलो हाय,माय मा गोठया नाय उनानारा आने विरोध केनारा हुमबुर आय पुरो दिही रावाया केतो रीयो.