अध्याय 8
1
इयांखातोर ख्रिस्त यीशुम हाय. तियाहान शिक्षा वेअनारी नाहा काहाका ते शरीरा इच्छा की नाहा पेन आत्मा की चालतेहे.
2
काहाका ख्रिस्त यीशु मेने जीवन देनारा आत्मा नियमा की माल पाप आन मोता नियमा इहीने सोडवी लेंदे.
3
आपु पापा स्वभावा की नोअला वेअला नियमशास्त्र की जो काम नाहा वेअतो तो तिया की नाहा वेयो.
4
जे आपु शारिरीक रिती की नाय पेन आत्मीक रिती की चालतेहे, आपुहूम नियमशास्त्रा धार्मिकता पुरी केरां खातोर एहेंकी केअओ.
5
काहाका जे शारिरीक हाय ते शरीरा गोठीही वे मोन लागवीन जीवतेहे , पेन जे आत्मिक हायते आत्मिक गोठीही वे मोन लागवीन जीवतेहे.
6
आत्मिक गोठीही वे मोन लागवुनु की जीवन आन शांती हाय, पेन शारिरीक गोठीही वे मोन लागवुनु की मोत नक्कीज हाय.
7
आतोज नायं, पेन शारिीक मोन लागवुनु इ देवा आरी विरूध्द केअनु हाय, आन ते नियमशास्त्र पालते नाहां आन तेहकी की बी नायं सेके.
8
जे शारिरीक हाय तियान देवाल खुश केअता नाहां आवतेा.
9
पेन तुमाहाम देवा आत्मो हाय ता तुमा शारिरीक नाहां आत्मिक हाय जर केडाल बी ख्रिस्ता आत्मो नांय मिल्यो वेरी ता, तो ख्रिस्ता नाहा.
10
जर ख्रिस्ता तुमाहाम हाय ता, पापाहा की शरिर मोअनारो हाय तेबी बी धार्मिकता की पवित्रा आत्मो जीवन देहे,
11
पेन यीशुल मोंता मेने जीवतो उठाव्यो तिया आत्मा जर तुमाहाम वास केहे ता जियाम ख्रिस्त यीशुल मोताम तो उठयो तो तुमाहाम रेनारो आपु आत्मा की तुमा बी मोते शरिर जिवतेा केरी.
12
एहेकी हाय ता ता पावहुलाहा आपु कर्जदार हाय, पेन शरिरा पापी स्वभावा की जीवना आपु कर्जदार नाहा.
13
काहाका जर तुमा शरिरीक रिती की जीवते वेरी ता नक्ककीज मोंअनारे , पेन जर तुमा आत्मा की शरिरा कामे माय टाकते वेरी ता तुमा जीवते रीहा.
14
काहाका जोताहान देवा आत्मो चालवेहे ते बादे देवा पोयरे हाय.
15
फांचे आजी धाकायां जोजे ऐहेंडेा गुलामी आत्मो तुमाहान नाहा मिल्यो पेन जिया की आबा, बाहका ऐहेकी आपु हाद केअतेहे ऐहेंडो बालक बेटा आत्मो तुमाहान मिल्लो हाय.
16
तो पवित्र आत्मो सोवताहा आपु आत्मा आरी मिलीन साक्षी देहे, आपु देवा पोयरे हाय.
17
जर आपु देवा पोयरे हाय तता खेरोंज़ तिया वारीसदार बी हाय. आन आपुहुन तिया आरी महिमा मिला जोजे इयाखातोर आपु तिया आरी दु:ख बी वेहुहु तांहाज,
18
काहाका आपुहुंम जो महिमा प्रगट वेअनारी हाय हितया कावचीज नाहा ऐहेकी जे दु:खे हाय, ते कावीज नाहा एहेंकी आय मानुहु.
19
बादी सृष्टी खुबुज आशा कीन देवा पोयरे आवी तिया वाट जोवेहे.
20
काहाका सृष्टी सोवताहा इच्छा की नांय, पेन जियाय तीयोल होपी देदी तिया इच्छा की नाराज पोडीन नाशा खातोर होपाय गियी पेन तियो इ आशा हाय.
21
काहाका सृष्टी सोवताहा नाशा गुलामी मेने सुटीन तियोल पोयरा महिमावालो सुटको मिली.
22
आपुहुन मालुम हाय, का बादी सृष्टी आज लुग प्रसव पिडा होच काही रीयीही.
23
ओतोज नाय पेन आपु जियाहान पवित्र आत्मो इ पेअलो फल एहेकी मिल्लो हाय ते आपु बी बालक वेरा खातोर आपु शरिरा सुटको मिलनु वाट जोवीन मोना मोनाम काहांतेहे.
24
आन आश केअनु कीज आपु तारण वेअलो हाय पेन जी आशा देखायेहे ती आशाज नाहा जो देखायेहे तिया आशा केडो केरी.
25
पेन जसे देखातो नाहा तिया जर आपुहुय आशा केअयीही ता, धीर राखीन तिया वाट बी जोवतेहे.
26
तेहकीज आत्मो बी आपु नोबलायीम आपुहुन मोदत केअहे, काहाका आपुहुंय केहेडा खातोर प्रार्थना केरा जोजे इ आपुहुन मालुम नाहा, पेन आत्मो सोवताहा काही काहीन आपु खातोर प्रार्थना केअेहे.
27
आन आपु मेने पारखुनाराल आत्मा इच्छा काय हाय इ मालुम हाय काहाका तो आत्मो पवित्र लोकाहां खातोर देवा मोरजी की प्रार्थना केअहे.
28
जे पोरमेहेरा वे माया केअतेहे, जे तिया मोरजी की हादले हाय, तियाहा खातोर बादया गोठया फायदा खातोर वेअत्याहा इ आपुहुंन मालुम हाय.
29
जिशहान देवा पेअलाज ओअय्या तियाहान तियाय तिया पोयरा होच वेरा खातोर पेअलेनंज नेमी थोवा इयाखातोर का तो तिया खुबुज पावाहान पेहलोज पावुहु वेरां जोजे,
30
आजी तियाहान पोरमेहेराज पेअलेनंज नेमी थोवलातियाहान तियाय हादी लेदा, आन तियाहान तियाय हादी लेदा तियाहान तियाय धर्मी ठेरव्या आन जियाय तियाहान धर्मी ठेरव्या तियांहा तियाय बी केअयी.
31
एहेकीं हाय ता इया गोठी बददल आपु काय आखनारा देवाआरी आ-यो हाय ता आपु विरूध्द केडो वी सेकनारो.
32
तियाय तिया सोवताहा पोयराल राखी नाय थोवता तियाल आपु बादाअ खातोर आर्पण की देदो तो तिया कृपा की आपुहुंन बादोज भरपुरी की केहेंकी नाय देनारो.
33
देवा नीवडुला लोकाहा वे दोष केडो थोवी सेकनारो देवा तियाहान धर्मी ठेरवुनारो.
34
शिक्षा हुकुम देनारो केडो खेरोज केडोज नाहा जो ख्रिस्त यीशु मोय गियो ओतोजं नाय पेन मेाता मेने जीवी उठयो तो आमी देवा हुदी वेल हाय आन तो आपु खातोर प्रार्थना बी केअहे.
35
ख्रिस्ता माया इहीने आपुहुन केडो जुदो की सेकनारो संकट , तकलीफ, तारास , निंदा पुख, गरीबी मानत इ जुदो केरी का ?
36
शास्त्राम लेखलो हाय तोअ खातोर आमा आखोा दिही मोय रोयेहे मारा खातोर ली जातेहे तिया मेडा होच आमाहान गोय लेदले हाय.,
37
पेन जियाय आमाहा वे माया केअयी तिया की बादी गोठीहीम आपु विजयी हाय.
38
मां खातरी हाय मोत, जीवन, होरगा देवदुत जुगा मेने अधिकारी वर्तमान नेता भविष्य केहेडी बी सोकती.
39
उचाय, उंडाय नेता केहली बी उबावली वस्तु आपु प्रभु ख्रिस्त यीशु की देवु की माया केअंली हाय तिया इहीने आपुहुन जुदो नाय की सेकनारे