अध्याय 15
1
तियाले आपु शक्ती की जो अशक्ती हाय तिया अशक्तपणा भार उसलूणू आने शोताल खूषी केरा नाहा.
2
आपुमने परते जाहाये पाडोसील जो हारो हाय तियामे तिया हारा केहता नेहतां फायदा केहता खुषी केरापणू
3
काहाका ख्रिस्ताय सोताहा आखुश नाही केयो पेण तो निंदा केनारा आखी निंदा माप आवी आने ऐहकी नियमशास्त्राम लिखलाक हाय तेहंकी वेरा दे दो.
4
काहाका जे गोठया पहिलाम लिखवाम आल्या ते आपू हिखा केहता लिखल्या तियाल आपू धिरज की शास्त्रलेखामने मिलनारा उतेजना आशा तेरा जोजे
5
आमी जो धिर व उत्तेजन देहे तो देवा तुमाहान ऐहकी दे का तुमा ख्रिस्त येशु होस एकबिहीरा आरी एकमोनाकी व्या.
6
म्हणजे जो आपु प्रभु येशू ख्रिस्त इया देव आन बाहाको हाय तिया आपुही एकमोनाकी आन एकामुयाकी गौरव केरा.
7
परराष्ट्रीय म्हुणन देवा गौरवा केता जेहकी ख्रिस्ताइ आपो स्वीकार केया तेहकीच तुमा ऐकबिजा स्वीकार केरा.
8
काहाका आन आखुहू का, ख्रिस्त देवा सत्याकेता सुंता वेला सेवक वेयो, म्हणजे पुर्वजांहा देदल्या तिया वचनाकी तीयाहान प्रमाण मिले
9
आन देवा दयेकेता परराष्ट्रीयान तीया गौरव कराय, कारण अेहेकी नियमशास्त्राम लेखलो हाय का, “तियाल आय राष्ट्राम तो स्तुती किईही, आन नावा स्तोत्रे गाईन आखेहे.”
10
आमी जो धिरज आने उतेजन देह तो देव तुम्हाल ऐहंकी दी का तुम्हा ख्रिस्त यीशुप्रमाणे उेकमेका आरी एक मना वी जा.
11
तियाले जो आपु प्रभु यीशु ख्रिस्त या देव आने बाको हाय तिया तुम्हा एकमना की आने एक मुया की महिमा केरा.
12
तियाले देवा महिमा केहंता जेहकी ख्रिस्ताय बी आपू स्विकार केयो तेहकी तुम्हा बी एकमेकाहा स्विकार केरा.
13
काहाका माय आखू का ख्रिस्त देवा केहंता सुनहत वेला सेवक बन्यो म्हणजे पुरवजा देधल्या तियाय तियाहान प्रमाण दे.
14
आने देवा दया केहंता परराष्ट्रा तिया माहिमा के काहाका नियमशास्त्रा ऐहकी लिखलो हाय का.
15
पेन आन तुमाल इत की दा जोजे तियाहाल तुमा काही ठिकाणी खुबूज धैय लेखलो हाय काहाका मल देवाय पोचवुल्या दयेखातेार आय लिखता हाय,
16
ती कृपा इयाखातोर हाय का तिया सारखो आय पर राष्ट्रांहाखातोर देवा सुवार्ते याजकपन केहे, येशु ख्रिस्ता सेवक वेरा जोजे तियाल परराष्ट्रीयांहान इ अपर्ण पवित्र आत्म्याकी पवित्र विइन मान्य वेरा जोजे.
17
तियाल माल देवाबोद्दल गोठी, ख्रिस्ता की अभिमानाल कारण हाय,
18
काहाका परराष्ट्रीयांन आज्ञा दा जोजे तियाहाल ख्रिस्ताय मा वेने घड्यो नाहा एहकी शब्दाकी आन कृतीकी काही आखा खातोर आय फासाडी नाय हारकु.
19
चिन्हांकी आने अद्भुत कृत्याहा सामार्थ्याकी, पवित्र आत्म्या सामार्थ्याकी, इयाप्रकारे आन यरुशलेम शहरा सोमकीकानी इल्लुरिकम प्रांताहुद ख्रिस्ता सुर्वाता पसरावली हाय.
20
पेन बिहरांहा पागाव बांधनारो वेय नाय इयाखातोर ख्रिस्ता नाव जिही लेदलो जातलो नाय, अहड्या जागे सुर्वाता आखा खातोर आय गियो.
21
तियाल शास्त्रलेखाम लिखल्याहोस, ‘जियाहान तियाविषयी आखाम आल्लो नाय आथो ते माही वेरी आने जीयाही उनाले नाय आथे ते तीयाहा मालुम पोडी.
22
आन तियाल तुमाही आवा खातोर मान खुप तोकलीफ आली.
23
पेन इया भागाम काहीच नाय हाय तियाल आन तुमाही आवणु खुप दिहीरी मा इच्छाकी
24
आय स्पेन देशाहोवे प्रवास केहे ताहा तुमाही आवेहे, काहालका आय आशा किहू का ओहो जाहे ताहा तुमान मिलेहे आन तुमा पेहेला तृप्त वेरा आन ताहा आहो जाहे.
25
पेन पवित्र जहां सेवा केरा खातोर आय आमी यरुशलेम शहाराम जाय रेहलो हाय.
26
काहाक मासेदोनियाल आन अखयाला इ हारो नाहा वाट्यो, यरुशलेम शोहराम रेनारा पवित्र पावुहूम ते गोरीब हाय, इयाखातोर काही भाग केरा.
27
इ खेरोज हाय तियाहान हारो वाट्यो नाहा आन ते तियाहा आभारी हाय, काहाका आत्मिक गोठीम जर परराष्ट्रीय भागीदार वेले हाय तर दैहिक गोठीम तियाहा सेवा करुलो तिया कर्तव्य हाय.
28
तीयाल आय हे पुर्ण कीईन इ पिक तीयाहान शिक्को कीईन दिईन तुमाहीने स्पेनम जाहे.
29
आन आय पाक्को आखुहू का आय तुमाही आवेहे ताहा ख्रिस्ता आशिर्वादा वोजो ली आवेहे, प्रार्थना केरा खातोर विनंती.
30
पेन आय आपु प्रभु येशु ख्रिस्त इया केता व आत्माहा प्रीती केता, पावुहू तुमाल विनंती कीहु का, मा लोढाईम तुमा मा केता देवाल प्रार्थना केणुम मा भागीदार व्या.
31
म्हणजे यहुदाम जे अवमान केनारे लोक हाय तियाहा आथामेने मा सुटका वेरा जोजे आन यरुशलेमाखातोर जी मा सेवा हाय ती तेहीणे माहांना कबुल वेय.
32
म्हणजे देवा इच्छेकी आय आनंदाकी तुमाही आवु आने तुमाहा आरी माल फाच्छो उत्तेजिम वेराजोजे.
33
आमी शांती देव तुमा बाठ्ठा आरी रेय. आमेन.