¹ मोयालो गायस इयाल तोप खेरी मोया केअनारो डाअयो याअपेने, ² मोयालो पावुहू जेहकी तोआ आत्मा हारीस्थितीम हाय तेहकी तुल बादहीज गाठ्यीहीम हारस्थिती आने आरोग्य रे एहकी आय प्रार्थना किहींव. ³ काहाका तु खेराहाकी चालतोहो ऐहकी तोअबाबतीम पावुहूये आवीन साक्ष देअदी, तियाआपनु माल खुब खुशी वेअयी. ⁴ माआ पोयरे खेराच चालतेहे ई उनायाने माल खुशी वेअहे ओतिही बिहीरा केहेंडाकहज नाह वेती. ⁵ मोयालो पावुहू आजोन्याहा पावुहूखातोर जो काय तुअ केअतोहो तो विश्वासहाकी केअतोहो. ⁶ तियाही तुल देखावल्या मोयाविषयी मंडळी हुंबूरे साक्ष देदी. देवाआल पोटे तिया रितीहीकी तुअ तियाहाल वाटीहीव लागवोहो ताऊ हाअरो केहेअव. ⁷ काहाका ते बिहिराराष्ट्राहां लोकाहापेने कायुज नाय लेअतो ख्रिस्ताआ नावाखातोरा बाअरे पोडले हाय. ⁸ तियाहाल आपु एहेडाहा गोवरचाकरी केअनु म्हणजे आपु खेरा आपू तियाहा सहकारी विहींव. ⁹ माय मंडळीले काय तेअबी निख्यो, पेन दियात्रुस जियाआल तियाहा पुढारी वेअने हाय आने तोअ आमाहा मानतो नाहा. ¹⁰ इया कारणामुहे जाहा माय आवहु ताहा तोअ जोअ केअहे तोअ देखाआवी दीह, तोअ खोटाआ शब्दाहाकी खोटाहाकी माआविरुध्द गाेगी आउनु आताहावुज तोअ समाधान नाय माने ताआ तियाहाम भर तीयाल पावुहू ताआ तो मानतो नाहा आने उलटो मंडळीहिमनु जे माअही तियाआल माना केअतेहे तियाआल बीअ तोअ अडचन लावहे आने तियाहा मंडळीबारे केहे. ¹¹ माआ मोयाला दोस्ताहा, जोअ हाअरो हाय तियाअनुकरन केरा खोटाहां केअहु नाहा, हारो केअणरो देवाहायनु हाय खोटो केअणाराह देवाआल वेअलो नाहा. ¹² हरएक माअहु देमेत्रियाबाबतीम हारी साक्ष देतेहे आने सोता खराहाकीबी हारी साक्ष देअदीही, आमहादेख तियाआबाबतीम तेहंकीज आखतेहे आन तुमाहाल मालुम हायका आमहा साक्ष खेरी हाय. ¹³ माअल तुअल खुबूज गोठ्या निखुला आयय पेन माअल सोडाय ओन पेनाहाकी तुल निखावे ऐहकी नाह वाटतो. ¹⁴ त्याअपेक्षा तुल माहरुज मिलने माआ आश्या हाय फासे हाती आपुहूल हुंबूरासुंबूर गोगता आवी. ¹⁵ तो आरी शांती रे तोअ हेंगात्यो तुल सलाम आखेहे. तिहीनु बादा हेंगात्याहान येशु नावाहाकी आमाहा सलाम आख.