अध्याय – 5
1
येशु ओ ख्रिस्त हाय एहेकी जो भोरुसो थोवेहे तियाय देवायने जोज्मो लेदोहो ओन जो केडो जोन्मो देनाराप प्रेम केहे ता तो तियाइने जोन्मो लेदलाबी प्रेम केहे.
2
देवाप प्रेम केरुला आन तिया आज्ञापालुला आमा ओवशुताहा का आमा देवा पोयरोपे प्रेम केताहा.
3
देवाप प्रेम केरुला म्हणजे तीया आज्ञापालुला पेन तिया आज्ञा कठीन नाहा.
4
काहाका जोकेडो देवायने जोन्मोहो तो जोगाल जिकीलेहे आन जीयाय जोगाल जिकीलेदोहो तो म्हणजे आपु भोरुसो,
5
येशु ओ देवा पोयरो हाय एहडो भोरुसो थोवणाऱ्या शिवाय जोगाल जिकनारे केडो हाय ?
6
आन जो आमाय पायी आने रोगता आरी आलो ता ओज येशु ख्रिस्त हाय आने तो बास पायाकीज नाह ता पाय आन रोगताकी आलो.
7
आत्मो ओ साक्षी देणारो हाय काहाका आत्मो खेरो हाय.
8
साक्षी देणारा तीन साक्षीदार हाय, आत्मो , पायी आने रोगोत इ तिन्याहा एकुज साक्ष हाय.
9
आपु महा साक्ष मानताहा पेन तियुपेक्षा देवा साक्ष्ज्ञ मोडी हाय जी साक्ष देवाय तिया पोयराा बोद्दल देदली हाय तीच इ साक्ष हाय.
10
जो देवा पोयरा भोरुसो थोवेहे तियाम ती साक्ष आही ओन जियाय देवाप भोरुसो थोव्यो नाहा तियाय लबाड ठरवुले हाय काहाका जी साक्ष देवाय तिया पोयरा बोद्दल देदली हाय तियाुप तियाय भोरुसा थोव्यो नाहा.
11
आने ती साक्षी इ हाय का देवाय आपुहून सार्वकालीक जीवन देदलो हाय आने इ जीवन तिया पोयराम हाय.
12
जीया पाही पोयरो हाय तियाल जीवन मिल्यो पेन जीया पाही पोयरो नाहा तियाल जीवनाहा मिल्यो.
13
देवा पोयरा नावुप भोरुसो थोवनारा तुमान सार्वकालीक जीवन मिल्लो हाय इ तुमाहान कोला जोजे तियाल मायु ए गोठ्या तुमा खातोर लिखी रियोहो.
14
आने आपुन देवाम धैर्य हाय का आपु तिया इच्छे प्रमाणे माग्यो ता तो आपु उनाय.
15
आने आपु जो बी मागूहू तो उनाय इ आपुन मालम हाय तियाल ज्या मागण्या आपु तियाही केल्या हाय आपुन मिल्या हाय इ आपुन मालुम हाय.
16
जाहा एगदाल तिया पावुहू पापम पोडता देखायो ओन तिया परिणाम मरण नाय वेरी ता तियाय तियाखातोर प्रार्थना केरा जोजे म्हणजे देव तियाल जीवन दी जिया परिणाम मरण नहा एहडो पाप केनााराल तो दी ओन जिया परीणाम मरण हाय एहडोबी पाप हाय आने तियाखातोर तियाय विनंती केरा जोजे एहकी माय आखतो नाहा.
17
बाद्दी अनीती पाप हाय पेन एहडोबी पाप हाय जिया परीणाम मरण नाहा.
18
जो केडाबी देवायने जोन्मोहा तो पाप केता नाह इ आपुन मालुम हाय आने जो देवाय न जोन्मोहो तीयाल देव सोता सुखरुप थोवेहे आन तियाल सैतान आथ नाहा लागवी सेकतो.
19
आपुन मालुम हाय आमा देवा हाय ओन पुरो जोग इ तिया वाईआ नियंत्रणा निचे हाय.
20
पेन आपुन मालुम हाय देवा पोयरो आलोहो आने तियाय आपुन खेरो खोटो ओवखुनू बुध्दी देदीही ति इया खातोर का जेा खेरो हाय तो आपु ओखुता आवाी जोजे आन जो खेरा हाय तियाआरी म्हणजे तिया पोयरो येशु ख्रिस्त इया आरी आपु हाय ओच खेरो देव हाय ओन तोच सार्वकालीक जीवन हाय.
21
मा पोयराहा, सोताल मुर्तीपुजा केरुलाहीने दुर रेजा.