¹ pauluskeatete, yesus kristus nukike, pa timotius tina pilemon tebalentu, tebalentu pa jano kolualu, ² pa apfiani pepa neba lentu, pa arkhipus kepane jano kolualu, pa teba jemaat tepane laneteti pameme. ³ ananyara tata nukike efe mokoko noea pa tuhan yesus kilakoko noea. ⁴ ni tata piniloili. ni e lupopoja nileile. ⁵ ni efengpa nafe mepemotu tuhan yesus pa teba nawo tata tekekole. ⁶ ni lopopoja nileile hupalameme nafengkoko tata japalilipa efeng mepukoko kokonepa kristus. ⁷ peanya nebalentu, ni efememe nile, teba to hupalang tite metupi.. ⁸ peanya, peanya tata nafengke niwe pinileko jano ilele, ⁹ jahefeng peanya, meniwailele; ni, paulus, nibaifawe, pa uangwe nimelele apa tata neuke. ¹⁰ Nime konine ONESIMUS niwaele, nirekekike nimoli apa. ¹¹ kinumeme jaura keleka, uwawe efe me pa ni. ¹² kenilengko ketime, ke konine pipate nili. ¹³ keninale kelakoko ni, nenine jano kelele ni, ni atiti injil nupipe ¹⁴ mepekaing jano nilolo kalu. jano efememe nipungkolu pa mefamamaka peapa hupapungmeme. ¹⁵ uangpuwe mene mepufafa, peanya mepu papane babangkoko. ¹⁶ bapu ke keleleka, keba teti bapu kemomoka, anara nebalentu pipate neti, keba efeng kemomo nunine, ananyara kemomo numeme, neba nunenepa tata nukike. ¹⁷ anara elu bapane, keikeing anara nunineiang. ¹⁸ e janofeng kili noea janopa kili. ¹⁹ ni paulus, japowe nuninepa punili: janefufuli. hupala meme pi mepepeka. ²⁰ efeng jopa mepiko tata ni hupala efeng kengkoko; hupapung nine efeng koko tata. ²¹ efeng meme nafengkoko, japo niliko teteme. jamepe kotenawo anara niwakotete. ²² Bangaliiang, jang metupikokoni, ni hupala kotutu doa meme nire me ni fufuli. ²³ efapras, anake nemete apaing kristus nuke, efeng nilete me. ²⁴ ananyara markus, aristarkhus, demas, lukas, nebalente jano koluali. ²⁵ tata efengkike pikoko numeme. peaing.