Pasal 1
Ropo to Bapa Jebani
1
Watoto kang foa Tata lalafa wa jano lelepa pikelei jobe pakamati wa pilang teba bapo,
2
wakote fitong pewe pikelene wa oke kekeleng klelepa kewofa lomo-moto wake, fitong pa jalelepa kelelang.
3
Ke ing Tata fefeke patampaja nepara kekeng jalelepa keleku.Wa ropo pa jalelepa jano keloka ka neleng tete kelote jeng etekoto,
4
Etekoto ho wa teba fang pa aha aling ana bati keweleng ing jukata wa te.
Tata oke ke eti meleho wa teba fangpa
5
Teba fang pa ing baug kelong koto meing konine,"Ko bahu kekeleng fitong wea bang?Pa niwe Ai meme ke ing konine,"Kobahu kekeleng fitong wea.
6
Pakelong Tata teba fang pake tepapa tukonglo keke.
7
Kelong te teba fang pa keba fangpa ung,"Keleko kekeleng titoto teba jano kang teelelang ra eha."
8
Oke ing kelongte jeng meme," Tata kona ing ang kopa wapelong wae rito meme ing rito bamuang wo.
9
Meba pupate pa hefeng wo jafeng ing.Meong pe peanya Tata,Tata memakele pa ing anara hefeng wa teba pa kaug."
10
Lopana Tata fitong mlepang petang nopa melepang.
11
Jalelepa ing tekukute.Maewo memepe jalelepa ana ronya tekukute.
12
Ana to tete tumepe ana kotete tekele tepi pameing aha aling felangro felangro pekaka kato."
13
Teba fengpa baungka pileka mememe nopalo nine nileko teba feng geng we nileko lang ongpa nihajaja?
14
Teing japa feng feng jerami tejapa teba tereko hefeng titi?