Tabeja Wa tebahuhu te Gayus keneputu, ke-ni-pule jabamua. Jone nipule, lupopo janile, anaipa mepi huhufame pa jalelepa me-nohae, haali anara hupala meme hevefa koko. Ni-hupala heve tafa, poi johane nararu-to pa jabamua mepemei huhu tete-e, kei bamua mepeme. Niwe hupala-heve bapaleraka kei janilui, kei teako nine tete-e jabamua.

Ebaba noja ele-e pa ewowo Jone nipule, meina ana meba kemi, kene jalelepa mepeko johame, ana tei tebapapa. Jaheve mepemei hatete Tata bapahoke. Hevewo jano meme, ana lo-tete mepa, jaloali te Tata kepule. Pa kei bati Keke-ko teja pa jau teweka wa teba Tata tefijaka. Teba anai neroro, ura jano bamua tere-etei nera janororo. Japu jatale nilete tebapake, pa Diotrefes kepule kemomo tebafaia tote, ne kekekika. 0 Peanya, anara nilo, jalelepa tete-ei niwako nifofole, kei pitifefe kela-ne; pa kei ke-nohaeka, kerawora johake toi keloka, pa tebaira ekeku, kei tebai tererete pa tebapakei teretujanapote. 1 Jone nipule, jafefe mepapaka, pa jahevenya. Ba jaheve keleile, keka Tata-to, pa meba jafefe pemepe, kei Tata kefuka. 2 Demetrius-i tebapa pina heve teni, para jabamuaia pinanu noia. Pa nera pina heve netete-ke, pa mepu, pina nenei bamua.

Pepape 3 Bamuai janawo puni-letete eale, pa ritopa nipolele one. 4 Nipule menififi pa taha hanetapa pitenene. 5 Pina heve wakoko-me! Tabeja wa hole meme. Tabeja nine popetete hola tebatuho.