Tabeja Wa tebahuhu te Ani tejipa pa teako bamuawo ni pule. Nifa e-nipuleka, pa teba lelepa jabamua tefija, kei jabamua motu ne pa kei ne-pewatakoko. Hupala heve, puheve pa pipate wa Ai Tata, pa wa Oke, Oke Ai, kei watakoko ne jabamua pa pipate to.

Ekoko Oke janalui Ni pule tafa, kei janifi, kei teako e-e fau telake jabamua anara kelote newe wa Ai. Pa uawe niwa e, Ani - kei anara piti natiu japu nilete-e, pa nila piti motomo ne - u-nebabawe pipate netete. Pa kewe pipatei, kei nelala piti-Ke-lamotu. Pa kewe piti-i, kei netenene pipate, anara lopanawo elufua. Pa teba fefe nawo keto pa fitowe tepajutupa, tei ketejika, kei Tata Okei keba norapa ketoka. Kei taba kelohipoile pa Tata ke- puleka. E-emomo, u-ja-jano neronei leteteka, pa u-janapepe tupa elolo. Nebawe Oke janalui nelaka, pa lomemako mekeme-pe, Tata me-beka. Meba pemepe jakenalui-i, kei ke Tata pa Oke kelomotu. 0 Anara bau to-me pa ja-kenalui kekatoka, pai e-e ke-ekekeka pa tabeja ke-eleleka. 1 Pa ba-ke-tabeja mepe, jafefe jakopepe kewewele.

Pepape 2 Bamuai nawo punile-tete e-tu, ropu pa rito ja-ni-lelekale, ni-pule niwo lolo-e pa taha hanetepa pi-ne-tenene, ura hupalaheve nene tupapa. 3 Tabeja te-e wa johame teake kekipa.