Pasal 3

Janopa Ing kelong kote nati

1 Ung ang we nonene pinete na nepung to ana teba kaung ropo no etete e'ena wa e'e. 2 E'e ing ropo pi ponete wa hupalang nene pote hupalang e'e nefotang pa nelafo teba nawo tefotang. 3 Bamuang e ing Kristus Ropoke po tte jano kang nene peing ritopapa po teteka wa'Tata bapoke wo wa wung loloka wa na lolo wa neba hupalang. 4 Bamnang hupalang bapale kote Tata oke. 5 Wa'nonewo neteta'pe nena nini jaung anara jano nenewo king ka newa Tata jano ke, 6 keleko nerabamua ne bamua jano kekewa rope nati keing koka wa hoho Ropo po'teka wa bapako wa'hoho Rope pote pepang keba pepeba kemele. 7 Jano kang tewetutwe pang pe ing pote wung lolo pe ing Tata jeng hefeng po,keweleng la aling leng puna,Musa tang ha ke fefewo teba israel loto tekareng keba pepe fefe kekepa, 8 fefe ing bapalewo heto keba pepe janoke? 9 Jano ing anara tekote peng lo ing hefeng ke ing janopa hefeng wo. 10 Anara toto teni fefewo tehalala fefe kote japa ing ang peing jana hefeng ra pewe nunukato. 11 Anara po poteing wa fefe nawo peing fefewo. 12 Ne'pung tonawea ne ena nepara nalung pa, 13 ana Musa tang ha kepo teba Israel tangha fefe keke tefofoka. 14 Pa'hata tete topopo wakote uag bang lufupong tangha pe ana hoho ropo toto ririfa Kristus wo pina koko. 15 Wakoto uag bang kaofa Musa ropo telafo lu fong fo,hupang tete pepe. 16 Ba hupalang kepoti Tata pa'lupang ing tewete. 17 Tata Ing ke keba fefe Tata Ing ke keba fefeba pa jana hefeng. 18 Bapane tampa ja fefe Tata ana pahang lube pong kai fefe Ing pewa Tata ke Ing keba fefe pa'newe ketepiko anara keke wa jeng tete kote jo.