Pasal 1
1
Wa Paulus Kristus wo ke keko jano Tata jano ke kelo wa Timotius jone nene Tata bapa Korintus pa bapa to mete Akhaya.
2
Hefeng pa pepe wa ni pa Tata Kristus ne totang kele.
Pina Hepeng
3
Ai Tata Yesus Kristus,Tata pupate Tata jalelepa kete pi,
4
ne kete pi japa re reng nene nene nafeng pa tere tepipi temetete japa lelepa re reng wa koko newo we Tata.
5
Ana ne jalelepa pa nemote Kristus feng ke wa'Kristus ne ketopila japa lelepa.
6
Feng newe ke ing nekele topi pa'pepe keweleng japa hefeng keweleng ne.Ana ne kele tepi ke ing hefeng keweleng ne pa'nafeng pa'pa pang pi'anara teweju.
7
Newanete e'ing hefeng eru ru nero ana e'era re reng ewe pepe nene.
8
Nepung t eba e'lo ra papi newe nu wa Asia hapa ra papi re reng tewefe ke ing re reng wo pa nepung ka.
9
King anara newong wong te re reng tewefe japa ing lewang pa none pinete tong kah.King wa tata teba bing keleko telefute.
10
Wa kewa no peng pa ne pipate kele kefa nela kote ke ing pepe keweleng ne.
11
Era ne lopopong ewa ne anara teba nawo.
Paulus ja hing ung kele lele.
12
Kewe newe etena wa hupa lang aling neto tene wa ne,ote fitong wa hupa pung nene pa te e/wa hupalang Tata fefeke ke ing wa Tata ke ing fitong kag koka wa Tata nafeng pa'hefeng keke wo.
13
Nejapo netepe elo nilang anara elofa fata wo,
14
anara kaum elofata wa'ne anara Tata Yesus bang ke pa'epa nepa newenaka.
15
Nafeng pa nepara wea pini hahi ko niha tofa nilo lo e'jana hefeng la hitung ra toto e'e.
16
Nira kafafang long nihaha nirepe Makedonia nira polo lo ee'ni totang ele loma nirere Yudea.
17
Ana ni ja nitaku pa'pini hahi king ana niwo hupa pung nine wo nifote hepeng na feng?
18
Wa Tata hefeng ke ja'netong e keing ekokofa elena eleka.
19
Yesus In Tata oke pifeng keke nete nete ebapa ho wanipa Silwanus tena tena Timotius kine hefeng na feng pa pote kewo bamua.
20
O'ke ing pamua kemele reke longkote kelong neto tong Ropa beng Tata pine tog tong.
21
Ke'ne no kewefe epa'nepa wa oke neke pa Tata ne noke wefe,
22
no'kewefe ma kele no nene pa'keba kekeleng kemole hupalang nene ketepi wa jalelepa nene.
23
Tata ke ing nilong ke ing nikefolong peanya Korintus nireka ee'pupate nile.
24
Pifeng nii weleng ja'ee'pung ee anara eru telolo ru wa'hupa pa pung ne pung te'hupalang pa jano nero.