PASAL 1 LA ALI

TABEJA
1 Wa Paulus, Oke ke-oke kela Tata pitike, ne Kelofefele, pa Oke, pu-nene batutu, 2 te Timotius, one keteji hupalanave kake: pipate, hevekeke pa hupala heve wa Tata Ai pa Oke, Tata nene, watakoko-me.
JANO TEHAHATE TENARUE
3 Pu lonine nihaha Makedonia pajatai, menifa u-me-pememe Efesus pa teba tenimo pimenapume, u-tera jahi tenaruruka, 4 na huhu pa pipafe witaruka pea tewenakae, kei pipute telae, pa tetehuhufa tejuju Tata wele wa hupalanavei-ka. Piti nelanei wa hupala tu, wa hupapu tu pa hhupalanave wenutupa. Pa tekau jei tejakoteka pa teba te-piotefako teha. Tebai Tata make tenarurutepa piti tetewo terika pa napepei bamuawo telae. Nerokotui Tata makei bamua enaluelei heve, kei nero Tata mekei te teba bamuai ka, pa tete teba fefe pa teba jarete-ete, te teba fefe pa teba nole, te teba jarijaka pa lupopo tekate-ete, te teba ai pa ani tejipate tebiete, te teba tebatejipate tebiete, 0 te teba fefe pa teba lofefejaete, te teba tebajeta tete-ete, teba ohe-ete, te taba piofaete pa wapolo wate jalelepa wawiwi jaheve nenarune 1 lawawiwi Pife wa Tata etimole pa hupala hevewo, anara kekele ni.

TATA HEVE KEKE PINETOTO 2 Pina heve niwelete Ke, nave kewele ni, kei Tata Oke, Tata nene, Ke-kalete nilataku pa janowe kekeleto-ni - 3 niwe teba ninahie pa teba nijie pa niba etikokofa, pa ni-pipate Kele, jafai nile-ei hupala heka kei hupala nave raheka. 4 Pa Tata nene pipatekei nawofata kekeleheto-ni hupalanave pa ko Oke heveke. 5 Pitiwe bamua pa ewetupapa: "Oke heto fitowe neba nole kelofefele," pa nebafai nia niba nole nawo. 6 Pa noiako ni-pipate kele, u-noninewe, anara niba nole nawo, Tata Oke hupala lela keke tupa Ke-nalu. Anaiau niwehalala te-teba kaura Ke-ketejiji pa tetenaiae. 7 Tabeja pa Tata hupapuke konaiakoko te Kebatete kuwae, Tata batutu, kei uaka, ke-etimole.! Rupabe.

TIMOTIUS JANO MEME 8 Janowe niwelete-me, Tomotius une, anara no-meme ropu nuko, u-ropunukoi me-te-enako me-ena huhufa wala hupalanave pa hupala tu. 9 Teba nararau hupala tu-tetei tejaji, pa noiako hupalanave tete-tu, 0 tebafai Himeneus pa Aleksander, kei nikele kebatefa, u-te-tenajijika.