\p PASAL 5

E-EMOMO Pa pu pa ba, ebaletu, japu netetete ekate, kei ewo bamua elu, ba Ke-totole rapapa ana jeta kelelele. Anara teni: alelepa hevefa - keipa jawoto te-petakokotu, anara peume nopa nejako ku-petututu - te baura o-okale. Pa e, ebaletu, lupa ele-eka, ko bai woto ana jetapa, kei ei eako fefe pa eako fea. Neba rapaka na neba lopato. Peanya eluweweka ana tekau te-ete, pa e-emomo pa taha a-a. Pa teba leweatei, rapapa teleweate pa teba pajupa tahatuatu, rapapa patejupa tahatuetu. Pa newe, neba fea, hevei ne-taha a-a, hupalanave pa hevei piro nene, jaheve nenonete ana wewe nefakoko. kei Tata nekelokoka jafefe nerorote, pa jeheve newe oke-te, Tata nene, 0 kei kewako heve nene, u-nenonetena, neluwenetena, Ke-pa nelopa tenene. 1 Peanya newowowe pina ele-e pa epa nebaba wenunu anara netenetei.

JAKENALUILE 2 Newate-me,ebaletu, u-tebafae jano nave re-etei tabeja ele-e, e-teretujaete Tata pa pinave tete-ete; 3 pa u-te hupala makie-emomo heve kei jano tete. Ebafai elehuhufae. 4 Nera e-pinetenete, ebaletu, teba ja-afiatetei e ehue, teba hupalafe nave elole-e, teba naveka pipate ele-e, teba lelepa hupala ehapepe. 5 Ekale-e, u-ebaba jafefe eleleka, jaheve ewenakae, ko ewowo pa te tebafa kau. 6 Hupala hevefa koko. 7 Lopopoja elepolohae. 8 Jalelepa pinaheve elee, pakei Tata kepulekotu Oke te-e. 9 Letu ewuwuka, 0 bapuhake pinate elufateteka. 1 Jalelepa elafufu, pa jaheve ewekoko. 2 Jafefe lelepa elojatete.

TABEJA
23 Anaipa Tata hupala heve keke e-kelole tupapa pa letu, bale pa no-we pepuwatu tupapa ko noleraka pu Oke totolefua, kei Tata nene. 24 Keba ekeloi kelatako, Keara letepapatu. 5 Jopalala ne lupopo jaele-e. 6 Tabeja nene eweletete jopalala wala nupa tupa. 7 Tata batikepa bamuawo niwate-e, u-ropuwe elavuvu teba lelepa. 8 Oke hupala heveke, Tata nene, watakoko-e.!