¹ Giti-jigari da yei da edo avigari evetu uso kinapena de, awa gebe joda dubo burena. Edo nane mi da ungo dubo baera te, embo awe mi ge be era, awa daedo ungo dubo burera, ² ainda be awa gebe ari awa ingode naso yei da atira edo natopho atadira. ³ Edo Mama God de edo uso Mei Yesu de da ewa gaewa, kakana de edo bega de, awa ingo de naso yei da itadira . ⁴ Edo iso kinapena awe Mama da agodari awa budo ainda pepetise ge be da pepeta era awa, tambudo na jo yaviri ena. ⁵ Na boroko amone, agodari seka nei ro itadi aera te, matu ro ingode naso yei, dubo bari mina ara orase sisira da awara. ⁶ Da awodo, ingode tuturoda ingera edo uso agodari noda pepeta etera awa mata-awa ainda joda pepeta adera. ⁷ Busu araphu einda karigedo Iesu awa tamo phisi budo bugae sise giti jigadi ira amone gitijigari be aera. ⁸ Awarate dino edo imo isuka gio, buro ro esa amo nei ro doturesitamo ainda be awa buro ro esa ainda mina amone nembo be badesa. ⁹ Uhmo awemi Iesu da atophatari da petae ise gitigiti ira amone Mama Kotophu uso joda ataera. Awarate uhmo awe mi atophatarida atira amone Mamo de mei de da badira. ¹⁰ Atopatari awa uhmo awemi petae ise madobe iso da bugadira awa atega eose edo dombu deose. ¹¹ Edo uhmo awemi atega ira amone daedo asisi biae mi ophugari wasiri bebegae awa inonose ise uradira ¹² Iso yei owe jiwae be jiwari dipapa ena ate na Pepa edo ink awa jingama ari ujo ae ena. Awarate na rodorodo edo ingae dombu minagara ise jo yawiri de ge sedo jo dambu ore. ¹³ Edo ru iso awiguriseso at da kinapena mi imo ategetera.