Kohiri hina yakoiyai makoi.
1
Roko ivatauah ereha nutorona kimu ereha na arahu.
2
Eme ima torowa unu uhitaita, kuhaba unu teuve-iyahihu, ihu mabiyahitaita, neno uhitaita, babanu ihuroma ve-jovehitaita, ake babanu hina nautawa uhitaita, jaru mehihihu, ini kakara-ta ibihitaita;
3
Ta maketari uhitaita, hiou torovama ibihitaita, ima torova ibihitaita, ebo-wao teuve iyahihu, irau ta unu uhitaita,
4
To mahitaita, hiou ibetea hahihu, imuetea hia-hihu, babanu ununa mehihiro imihinu unuma teuve iyahihu, ureamara e-eni veteana mehihihu, tanu ununa ere-hotihitaita.
5
Imana ure amaranu uvetea-ariro, buna-na erawa-ari uhitaita. Ibauve maketari uawa aei eme bairoma.
6
Aei ubenahuro-na eme moenabai aei hu ubenahuro hiou avetabo ini hiou imihinu unu utaita.
7
Imana ivata uhitae utaitaro aei hina barona ivatame.
8
Aei taba konutairo Jenesi ini Jambresi imana Mosisi ve ma hiou uta,iba imana bahina ma hiou-uta,emenu imuetea toahu-raume, ini imanu nauvete-ana uve ma-ihiraita.
9
Aie ba nonoini irau ta hihitaita, imanu hiouna teuve iyahihu, aei eme meana-bainu ari.
10
Roko ana nanu maievata joverahu, nauvetea otahu nenori, unu,ari-eboini.
11
Ure-yanae, urumu, ini nabai hari Antiok ro, Iconiumu ini Laistira ro ane-meariobo ure janaero ane itare, iesu ma na horai-uie.
12
Anaemema toahurau ibihihuana ure-janae uhitaita.
13
Roko hiou uwarana hiouloma bahiouro eme-moenabai irue anihitaita.
14
Ro ana itiro babo uhinute, ivata uhinute babo uhinu imabairoma.
15
Anu haiku roma ana ivata emehini tanu veroetea ini nau-vetea iesu bairo.
16
Oreu-u jahiana na babama hina jaiha maivata uie,tana mokobo maivata uvetea ini babo ma-irau ini ivata matahu lolowa-rau.
17
Aei bauve babanu emena irau waiya ma vate-hare ibihihu.