¹ Na Jude, Bada Iesu ta pure embo eto James ta namei nane na ungo embo amina rami jage ijija eto Mama Otohu na osa euja eto Bada Iesu simba euja. ² Eto Mama Otohu ta peka te jojogari te osa ari te ungota dei pajito bihisuja. ³ Nau namei kamei jajavotoho be, na eto kito Mama Otohu ungotena orekari umbari, ta ke kajasi uje ona eto ungoga hande eto uhona ungotena pure ue iriora amita,na ujeje ue ahari evi ona re ungo avo sovera eto hetevujo ungota kembe aita. Ue avo Mama Otohu ta ke ungota amita embo mei ta dei ikari avo sovera eto jigihe kitoho ta dei jujune ava ere kajihena. ⁴ Embo nei uhoho Mama Otohu kiae amo ungota jo ta kiae onjiketo mihera eto embo mei amo iji mahu be aramina kasari ta ikari ra. Eto embomei amo Mama enana jo ta irae eto Mama kiae amina Mama Otohu ta jojogari aravo umbuto ahereketo ari sasamuna hoga bisi ta ujeje ora amina avo ungote nau okose vahai eto tihijigari,Bada Iesu avo kiae keuja. ⁵ Avoeto na oroho avo ungo ahako ano ingova uje ona- amore evira pure emo ungo mahu be kiari inono ari ra- eto Bada na enda Egypt aita avo embomei orekihaja, rate embo amina Bada Iesu aravo kembe ae uera avo irae be usupesu uija. ⁶ Ainge dombo, anera otohu amina enana mane pure ikari besi ai hetae aisora, eto enana ta irari besi be avo toruhora amo Mama Otohu ta anera aravo esi gagaiha daroho irusuja amina tigihaja, eto umbuto hoto mume kambujoro, ai ikenu iriora amo iji ke kasari avo puvurou Mama uhuta amina kasasuja avo keisi simba ere ora. ⁷ Ari wasiri hajire ainge dombo avo da S odom eto Gomorrah eto da nei uhoho amita egihita amita embo mei tiha paiha ari ta ujeje anera uhutu amina uera aige dombo ue eto ari sasamuna neite neite avo ambo kurumbihara. Ainge uo Mama Otohu na kito ita ie ikehei beto evekihara amo embo na ari sasamuna ururoro umbuto ie ta gosukau daroho ie aita evekasora amina ahe kihira avo ena. ⁸ Eto ainge dombo, embo ungote mihera amita tihi amo ari sasamuna na tihi avo bavaihikari amina ari samuna uore amina jo ta tongopa euja.Mama Otohu ta tigari toto hoi ehera, eto Mama Otohu ta anera otohu amo urumbeora. ⁹ Avorate ke be amo Mama Otohu ta anera peaebe amita tihijigari okose javo Michael, amina Moses ahuija amita hamo aravo ahihi samuna amina umbuja ue avo peikihaja eto ahihi samuna ga boru juhaja,amo Mama ta anera Machael amina ke na heka mane ara ikae rate ke einge ena, ''tihi gigari embo Otohu na ke gaiha avo umoga aisuja aige ena!'' ¹⁰ Rate embo mei erevi embo nei ta javo hatikari erera amo ungo emahe enana ta siro arahe aera; eto enana pure do aisi ora amo tohota siro sovera heka ae ora,inono ino o, ta hotembari vahai jijigi ue mihera eto ari sasamuna emina avo enana avo tau ambuvujekasora. ¹¹ Jove jove! Enana mane inono embo Cain hae ena vahai aingeko avo ere ora eto enana koro mine pajire umbasi embo Balaam na ari samuna ena vahai avo ere ore eto Mama Otohu amina onje ke Moses ta dei iketo ambo ara ena avo embo Korah na ingae eto avo enda ojaga tambu ai sasari ue ra. ¹² Eto ungo Bada Iesu ta pondo ta vahita uove embo mei javo hatikeora, amo puvouto ungote vahita eto Mama Otohu hotembae ue enana eto me ambuko-avo enana ta ure undihe puvuora.Eto enana mane amo inono onje ga ambu ainge pisara na umbuto pambuija ainge ra;eto nei amo i giroro, ainge be ari iji rate mane be euja- avoeto jigito uketo gosukeore beto mihe, sari euja aingera. ¹³ Eto nei amo enana ari samuna me ambuko eora amo inono eva na tiheto vasiri pajire, be euja aingeko eto horo gasogaso ue pajito bihito tongopa umbuto hora ta ikeuja aingekora,eto nei amo embo mei amina kuro na sohuketo beuja, mume kambu joro ai beto daroho ue irisora ainge kora. ¹⁴ Avo rate enana embo sasamuna amina puvurisora amina ke amo Adam ta teka hoka tapa e puvuo amita ambota jamo embo Enoch na puvuto ke einge ena,''kivujo!Tihijigari embo Bada Iesu amita embo Otohu tapa taosen eto taosen avo umbuto ere putuha. ¹⁵ Eto Bada Iesu aravo putuha amo embo peambe amita kasari ikasi.Eto nei amo embo vahai vahai amita arisamuna avo Bada Iesu na au arahe asuja eto enana ta pure tapa peambe amo Mama Otohu ta dei ai purae eto enana ta pure avo uera amo Mama Otohu ta dei tambu ai aera,eto ke sasamuna ingari hitoko mane tapa peaembe hotembari ta avo embo ari sasamuna tongopa te Bada Iesu ujeae ue avo Bada Iesu ta dei ta ke ehera.'' ¹⁶ Embo mei erevi avo hini kambari ue ke jindari embo mei, eto jo osa ae ue gonghu ari embo mei, eto enana ta ando bisita ujeje sasamuna avo embo ehera avo pere mane eto enana ta pe amo havi. ¹⁷ Avo rate umo nau, tunga umbari, namei kamei eto hotembevujo ke erevi iji mahumbe amita tihi jigari embo Bada Iesu ungotenau amita agi ari embo sirikari na ke ijija. ¹⁸ Enana ungota dei ke einge ijera, ''iji tutumota avo urumbari embo mei avo purusora amina avo enana ta ando ta ujeje sasamuna avo ambo ambo aisora.'' ¹⁹ Avo eto embo mei eremina avo haukari umbuto putuhara;eto enana emo enda ujeje eto wasiri peae amina togari ra eto enana mane amo Mama ta ahihi otohu enana ta dei irae ra. ²⁰ Rate ungo nau, namei kamei ungo emahena ungota kembeari, otohu ai ihivujo bihou avo ahihi otohu ta sovera na pari evujo. ²¹ Eto Mama Otohu ta tunga umbari, ai ungo emahe na hetevujo tihi jigari embo Bada Iesu na ungo jo au wasiri daroho ikaja simba evujo. ²² Eto ungo Mama Otohu kembe ae embo avo jo evujo. ²³ Eto embo nei uhoho avo orekevujo i peri ta evekara gosukihiroro oreto umbuvujo.Rate ungote vahi enana ta ari samuna ta beasova ambo kegue mihiea enana orero orero te segigi te jo ururou ari samuna peae enana ta iribota kambari avo uje ae ue irivujo. ²⁴ Eto oroho emikote ungo ari samuna ta beova simba ari embo na ungo oreketo umbuto amita usasa ta ikau heteto ari samuna irae tunga osa pajirete irisora, ²⁵ eto Bada Iesu ungotenau tihi jigari embo ta ari avo embo ungotenau orekari Mama Otohu, jakeka ue amita dei usasa te, sovera te, sago kiari te, tapa oroho, eto daroho irisuja. Avora.