¹ Iji ithari, va iji thauva sari minderi kovari orari ta iji nau nane nameni kajeto ningotae mane hijetora. ² Ningo ningoha kova sasahai ra eto Badata vuvuriri iji avire mume te pekene embo vuvuhuja angotora. ³ Eto embo mi atora, petapa eva, eva ehera tefora, pora ambu imboke, jujune ke ami memeni ta athe ai thoratuja. Iji amiko te pamone othite mi mene ingate ue meme thafora angato. Jingato joru pambaro. ⁴ Rate ningore mumethai ra, nau nane nameni iji amiko te pekene embo angato ningore joru ami jarusekatuja. ⁵ Eto ningore iji usasa ta embo, meni ra, nangore mume eto mumetha ta embo meni mane ra. ⁶ Avo eto embo eni, eni ora angato mane evetora. avo toto nango taneketo athe, athe atora. ⁷ Embo evera avire mume te evera eto umo pirisa mindera avire mume te mindera. ⁸ Rate nangore iji ta embo meni avo eto nango toneketo mihie ke pe ari te eto tunga humbari avo pere angato oreketo eto kusari fuketo kou imboke ta siro soi avo angepatora. ⁹ Eto nango God ta hana korae peikari amihija avo nangotae aviketo toae ra,amara te Bada Iesu Keriso re nangota kusari ra. ¹⁰ Keriso mi nango embo ambuna avo eto nango ereto mehere te ivie mehere Keriso nangokara. ¹¹ Avo eto orero mine ara ue, mine jika hea ova angato jikito erevo. ¹² Amita pe re aithe akari pere embo meni ufahai ta tombu ai eto tota uje ova angato kotore. ¹³ Nango uje ae orare, nane nameni, embo meni petapa avo tithi tapa perera angato kotove, embo evera, avo amundu avo vuvuto foie ie umo ujeje thambarako atore. ¹⁴ Iesu ambuto thoro erena avo ke pe ie God mi embo meni ambusikari avire Iesu ka ivito amehera avo eto Iesu mi humbuto vuvuritiuja . ¹⁵ Avo eto ningotae nango era Bada ta ke ai, nango hea amehera ami, ivie amehera avo toto kithi mane pambatora. ¹⁶ Bada mi nimo nuha unga toto vatuja .Eto jake te, amera javote amita aeke te,God ta funghi eto ambusikari kao kithi eratora. ¹⁷ Eto nango hea endai toari amehera avo ambo ai fito enda embahe ai Bada thambuto ,amika o mehetora iji maha angato. ¹⁸ Avo eto ke emi embo eni-eni kao orereto mihivo. ¹⁹ Eto ahihi otofu avo ujeje mane thambatuja. ²⁰ Peroveta ke amundu era avo ke pe mane angato ketova. ²¹ Tota petapata avo torarire eto kevo, kari avojihivo. ²² Ahihi sasamuna ta hajire kito tivosembevo. ²³ God ta Ahihi ami au petapa mihae otofu evo. Eto God ta Ahihi te, embo jo ta amite eto thamote avo kuma ae engekari mihae Bada Iesu Keriso ta vuvuriri iji aufa avo eto. ²⁴ Ke pe ari ami jake ija, ami atuja. ²⁵ Nango avo embo pinunu evo,nane-nameni ²⁶ Otofu ami munene kurue nane-nameni petapa peke. ²⁷ Ningo Bada javo ai jikikurona kikiva evi nane-nameni petapa amitae ethekevo. ²⁸ Bada Iesu Keriso ta jamo ari ningokara.