¹ Pol mamo sinenembari ta puro ari embo eto hotofu mei ambo ambo ari embo mamo tumonda ari embo mei, mamo chawo isina chiro kari hotofu ainda awara ari mamo hena da. ² Mamo sinenembari ta wasiri nandofo ta mina humbari ami mana sokowa esaira ari gari ira igoi ambo ta mada. ³ Eto ichi pe ainde tohota ke awo arafa esaira imo na kepe uve pinga hike tira awo hikena. Mamo da puro ke mei orekari ami da yei. ⁴ Taitas ta yei tumonda ari kepe ta puro ari mei ewamei eto peka mamo sinenembari eto mei hotofu nango ta orekari embo. ⁵ Ainda pe ami na ingo Crit ainda toture na, ano ingo rora perari inonoda ae awo eto kitichichigari ngadi nenei awo nanemi ena awoto ewo. ⁶ Eto kitichigari amo pehumba atae embo, evetu tapa ta iu, eto hinafena tumondari te wasiri ewamei de samuka uchae agera. ⁷ Mamo sinenembari mi simba ira awo to pe mando ta kitichigari nembo. Pehumba atae, eto mane ari tefo tafo agira, puriki pe tini gambari agira eto yai sasamuka, embota cho humbari eto mane chinaga agira embo. ⁸ Ate embo amo umo chigari ewamei pe eto umo ewamei mi chigagira. Embo amo chiro puro ewamei de eto hotofu wasiri eto imo eonga tete kari te. ⁹ Embo amo pinga ewamei ato fafutera ainda pe inaha mi chigito atagira. Eto embo ane embo hondate ari ke agira, atofatari ewamei mi embo imoga ewamei ae era awo iuri ingagera. ¹⁰ Eto tinigambari embo nembo pe ke sokowa ari embo eto chavi fuso, ke katari embo mei eto titi tari embo, eonga pe susu mendo tukari te. ¹¹ Eto kito peikesara ungo mi orope perari awo ero tupo vevera ero ato fatari sokowa mekari awo mane atofatae tera awo era. ¹² Ingo ta puro ari embo mi esaira, "Cretians awo ichi perari ke pusa gera, embo ewamei ae eto baruma timbere. ¹³ Kayari ene kepe ra awo embo ewamei eto uchu kewo kito tumonda ari ta fetore. ¹⁴ Mane Jius ta hihi eto kepe ari ami embo kepe ta hundo warere keto ira. ¹⁵ Ate embo cho iho usasa pe eto rora perari tefo pe awo tefo ra ate embo ave samuka pe eto tumonda ari atae ainda cho awo ngaiha pe eto hotepari eto chiro puro awo si funda pe. ¹⁶ Ingo mamo sinenembari awo kari awoto etera. Ate ingo mamo kae awoto ingota mi, ingo amo hotepari eto cho garesa, ingo mi puro ewamei nei yo ari sago ae.