¹ Jiud mamo da mei sinenembari ta ambo ambo ari embo eto Jeims ta namei. Mamo sinenembari ta tupo humbari mi, Mei sinenembari ta chawo ta chawo isina. ² Chochoga ari eto peka eto tupo humbari mi ingota yei pachare. ³ Tupo humbari mane, na eto kesa chare ingo ta yei ove chivena, mamo da mei da ombuto humbari ta oreka mi ingo hufena na ingota yei ove chivena eto korai eto tumonda ari ta pe mi na tamba wa usasa ena, mamo da hotofu embo mei. ⁴ Embo atira ami enchukari ta ingo toto sin ambeto esa ira, embo ene embo avekave memesi pouka ta hariwa hiketera awara. Ingo amo mamo ga atae embo, mamo da ewamei humbuto nyandireketo embere ingo ta tofo ainda chingama era, ingote nau kiti chigari nembo sinenembari awo kae ke etera. ⁵ Na poroho ingo ano ingawa tifafa ena, ingo mei sinenembari ta sovera embo mei Egypt enda ainda hundo ichekutisina awo pe kito kogo awa ena. Ate ainda ambota embo kepe eto tumonda ae uvera awo teto arasekutisina. ⁶ Eto utu angia mane ave kave ingota anumba tofo awo hotepae uvera amo tapa eto. Ate ingota atari yei pe awo toturera. Mamo sinenembari mi vucheka esi ae ami punde to nandofo atari tumba ta hikari ichi ke hasari ichi nembo awo simba esera. ⁷ Teka tapa Sodom eto Gomora eto ngadi nenei te da ainde. Perari ari humbari sasamuka ainda eto petetero mina humbari eha mi yei hufusina. Ingo amo embo nei nandofo atari yi awo ta atera ainda hariwa ra. ⁸ Teka tapa awoto, eturo ari embo mei amo tamo ingota ingo eonga teto peteketo era. ingo awara ari ta atari uchae agera eto ari sasamuka hotofu embo mei atera ainga etera. ⁹ Ate utu angia ta kiti chigari Mikel imo asisi samuka ka Moses ta tamo ainda tamonda poru pagisina, ate imo hasari nei yo hikae ra ate isina, mamo da mei mi imo ondira. ¹⁰ Ate embo mei eiya awo ingo yo ae awo ingo kae ra, ate ingo yo era awo ingo kosera, wo mane nenei kae ate chiri ke to etera eto ate macheto etera. ¹¹ Ari ingari awo ingo Cain da embere awoto fefeta eto Balam da aesumba ae ta mina awo humbuto etera. Ingo pe machera Kora ta tivere sovera ta. ¹² Eiya mane ane ingota tupo humbari pondo ta enchukari sakara mane na, ingo imo ga me kose pondo ta atesara. Wo simba ari embo mei mi pere ingo awo undetera. Ingo amo foroga, ga ambu awoto, pisara mi hundo kenchagi ra awoto ingo amo yi iki yafu agira te pe ambu awo to ra, yi iki gori eto ehako simbu mi era gira awoto. ¹³ Eto yawata vitari ichi awoto eto tamana tumba ta chanimbe to toto agira awoto manda ue ata gira. ¹⁴ Enok, Adam da ingo tapa eto ingope nei da etoto ta embo ari ingari isina, kiu! Mamo da mei putofira embo nembo pe eto pe nembo pe hohotufu ka. ¹⁵ Mamo da mei putofira hasari ta pouka embo perari humbora umo putofira embo mamo chakeka ae embo mei awo puriya te embo mei awoto esera. Ingota ari wasiri eto ke sasamuka tohota yei era ami. ¹⁶ Embo mei ene, ke ingichi kae eto ke tirari embo pusu ta tifafa ari embo mei ane peto angeto nana ari embo mei, embo nei kose arako. ¹⁷ Awarate, ingo tupo hufena, hotepe wo ke mandu ta mamo da mei sinenembari ambo ambo ami uvera awo ingiwo, ¹⁸ Ke ingiwo, ichi kakano iurari ke nyandire kari embo puto ingo ta tifafa fefeta esara eto mamo da uchae puro awo esara. ¹⁹ Embo mei ne emimi kateko kateko re esara, ingo ane pusu tamo na ate asisi tamo aera. ²⁰ Ate ingo tupo humbari mane, ingota tumonda ari undewo hotofu pe pachare eto asisi hotofu ta yei penunu ewo. ²¹ Ingo eounga pe mamo sinenembari ta tupo humbari ta feteto, eto hotofu mei da ewamei wasiri nandofo atari ta awo pugari humba we. ²² Ewamei pe eto awo ingore embo mana mana era awo. ²³ Embo nenei hondate eto humbuwo yi awo ta fafera, eto cho ari mi pouka ta humbuwo, inahande evo ainda pe awo asukari tongono kambari ira awo embo. ²⁴ Poroho embo amimi imo chigari mane teto voesa ate ari imo erito feteto Mamo sinenembari ta usasa chanimbutira ainda pehumba atae, osa osa te. ²⁵ Mamo sinenembari imo eonga pe mei hotofu sinenembari, usasa sovera chin cheri te nandofo eto ichi perari eto manda awoto atesa ira. Awara.