¹ Kerisoda doda, do-gao ari ge-mo isirita, edo dubobarimi do-damodamo piedo eirita, edo Asisi Kotopu daedo utaride kotembedo dowari-de, do-ari-de awa isiari , ² gido,awa asisi da-da ite, dubobari da-da ite, kotembari da-da nato dubo dave, awa gogumbewo. ³ Udo tepotapo da, edo kotembari pusi-tepo, ainda buro da-nei ro, eote ata piari wotarimi nembo nenei awa dave ango buioedo. Imo akuta awa tu-beda ango buio. ⁴ Dowato embo berari, awamaneda, dave topo awa gain jisi eore, ata embo berari da dave awa embo ore. ⁵ Imomane kotembari, da-Keriso da, ango awa buwo, ⁶ umo Mamo Siroro Ari de daedo isisina ata umo awa siroro ari ango awa gae esisina. ⁷ Edo umo akuta umenegedo dodo awa woru kera-ari emboda, awa ombudo, embo enembo ango engena, edo umo awa, embo enembo ango gositera. ⁸ Umo akuta pesiri wotesiri betain kera esisina be-oregada! ⁹ Awa embo, Mamo Siroro ari mi, dao ikane berarida ikane, awa umonde pisina, ¹⁰ Ari- gido, awa dao Bada Iesu ainda baungo berari mi tumondebai orote ¹¹ Edo berari da iei da bededo taina Iesu Kerisoda iei da, edo taogari edo dao duga awa Mamo Siroro arida dao da. ¹² V 12 Awa embo nato dubobarida main, na iji berari tou edeta nato jisida edo na itae da edeta, awa ito kaviregari topo awa do adude darodarode ato denjigaina. ¹³ Ainda be awa mamo siroro ari mi ainda jipapa edo ainda udo dave awa ito yeida denjigarate do ito da buro ira. ¹⁴ Ge berari tain edo awa ge sirite ge baite eowe. ¹⁵ Angata awa imo dao kokopi edo ito do dawe mata itaina, butu einda ari kokopi de mi butu embo da te da itara, angite butu einda parara datembato ide gain ra. ¹⁶ Wasiri da ge awa jido mata isiano Keriso da gumbari iji da do iawa de me na tepo tumbae edo na tepo korai ae ra ango tata. ¹⁷ Ata wasiri nato awa itomane ieida dojisina, edo rorou ango rorou pisina itomane ge-beari awaembo. ¹⁸ Umbugo da-da-angoda awa imo mane awa namonde iawa ite dasiga ewo. ¹⁹ Ata daotari Bada tumonda, ena awa Timoti piari itomane ieida burigi gumaina, ango ira ami, ari buro ainda nongo-ewi awa gano do-damo piaina. ²⁰ Ainda be awa nato garida embo Timoti ango itae edo embo ainda do awa itomane ieida isima edeira. ²¹ Ata embo berari-da do awa awamaneda dave topo awa embo edera ata Bada Keriso awa embo ae. ²² Da-maimi ae mamonde peposisina amimi imo karigesisina uto bouga uduga awa gatate.Edo na kera ate, jiwari kotopuda. ²³ Awa embo na, embo awa, burigi be ito mane iei da piain kotembetena, da nato iei da nongo iari gosite gido awa. ²⁴ Ata na be dode -gebe ena awa na burigi be itomane ieida gumana. ²⁵ Ata na kotembetena Epa-phroditus piaro oweregaina, ainda dero awa gae ena. Embo awa nato namenji edo na nato itoro embo nein, udo ge kera ari embo. ²⁶ Karu budo betari tao esisina awa ambo be jiro buro jiwae be edo awa gundo imonde mane itae esira ango jiro buro ira. ²⁷ Karu beae be budo betari tao esisina ata Siroro ari mamonda doari mi, edo tepo ainda aerate namonde daedo, na dubo memesi beoneka ari engo esisina. ²⁸ Ane be nanemi ango ain jipapa edo embo awa itomane ieida piteno aimbusira ara, ango ano embo gido iawaiawa eiawo gosite do-memesi nato itomane ieida awa saka wotarate. ²⁹ Awa-embo embo awa do-iawiride Bada da daoda kumbuwo itomane ieida torare. Embo kariwa ongogo awa kotopu edo ewo. ³⁰ Ainda be,-embo awa Kerisoda buroda tamonda betari tao esisina. Embo awa betari jiwere edo wasiri pisina, ainda be-awa wasiri nato ieida piae ewo gido ari vivitegarete esisina.