¹ Mani awiya uwazawa apakana aungna maung wata be nu mani maingko mitiya awiya nu soumani ine yariniya, saineba, nune zo nona ra maung wata. ² Arata diya yao maung zo diya nai be nuna nuka nune uwazawa awiya diya yao teng yai giro maung nuna zo sai putong apakana nu eno pugari neya ara. ³ Be name mani mamanikaka mitoname awiya name yawayawa beraung giti aungna mokora atu mitoname. ⁴ Arare Tuwa Tutu mani nuna bauno zora mokora atu kasayaise sena awiya mena me ina. ⁵ Name sao tauyao ra bunaora atu mitaung wangme nu bungno name pungnu name mani awiso nuna yewangme. ⁶ Tuwa Tutu zo name mani awiso nuna senare aeno mani nuna ungna oweno iyengtinu hosiro naname mokora atu mitasani, " Abba, mama, asinoiya." ⁷ Arare ni heme soumani oko yero mitesa, ni heme Tuwa Tutu ra mani nibaung yero mitesa. Ni mani yazo pungno mitesa ami siniya awiya ni Tuwa Tutu ra uwazawa awiya maung tesa aniya. ⁸ Arata be aungne nige Tuwa Tutu ra putoung oko gao ware nige tangi eungna putoung beraung giti aungna bunao ra mitauwa. ⁹ Tuwa Tutu nige mena pungnu nuna yewa deka ayero nige Tuwa Tutura putong gigiwa.Arare nige no eno nupe kapete mekora gari sero nei? Nige sou buro nupe zayero yari aratapu neita ? ¹⁰ Nige no eno ino arasa re aungne dawang seka bowi nasani nei? ¹¹ Na awang nena, nete buro nana nige aungne yengwang awiya me aung yaniya. ¹² Otao mani nana na moko nana nibaung aungne nige atata nena, na nige ine yero nena re nige deka ayero na ine yero neungpu. Nige na eno meko zo oko nowa. ¹³ Na taung piti ra yangyang ra mitawe ingwaing yero aeno,bowi zayao nige eno sinena. ¹⁴ Be na yangyangra mitiwang nige na oko doro bamuwa, Nige beraung nana awiya Tuwa Tutu ra angelo ta Yesura gaine yero na eno yowe mawe sero na pumuwa. ¹⁵ Ora zamena simena ninage, heme naiye? Na geme nibaung nige eno sinena, nige kara gaya teng yai giro, ditimoko ninage Jokero na eno pugaipu. Nona ena gigiwang awiya kere daung gaitinena. ¹⁶ Na geme sinena aeno nige na gosineya iwo ninage nenita? ¹⁷ Ago tonzi sero nige daigari neita sero neya awiya ingwaing ara, ago nige gaze daung gaitineya. Ayaya nige ago eno Tonzi saese yari neya. ¹⁸ Susuwa ingwaing eno Tonzi sao ami zo ingwaing ara. Be na nige augne dema mitena aungne gege oko. ¹⁹ Mani awiso nana, na Kristo ninage moko ra atu zayero kasa yaise, susuwa aeno na heme yangyang baina kama aiyamono zo wasou yari sero nasani tapunowa aine tapu nasani mitena. ²⁰ Na nige aungne mitatena awiya na ge maikoka ingwang nige eno satena. Na nige eno hoamao baina nibaung tapu nena, arata na nige nono yero sorema teni. ²¹ Nige sao tauya ra hese mitari aratapu nowa, arata nige sao tauyao oko nigiro ago nowa. ²² Ge gitau gaewa mitoiya ami eyero siniya. Abara ra mani emodi eto ara, zo sou baunora, zozo aro nuna nibaung aungra. ²³ Mani sou bauno ra awiya taungra ara. Tuwa Tutu ra sao ago yero, Abara ra aro nibaung aungna atu mani zo kasa yena. ²⁴ Bauno Eto eungna unge awiya Tuwa Tutu sao tauyao eto sena awiya ago nasani nona zo agore kasa yariniya auna etotoma ge ara . Etotoma eto aungna zo awiya era bauno zo awiya agi sinai aungna atu mani awiso pungna. Mani awiso nuna awiya soumani gege yero nowa. Bauno aungna yazo nuna hagar. ²⁵ Hagar awiya agi sinai, Arabia Tangi aungna etotoma, nupe etotoma Jerusalem heme mitiya aungna yena ara. No eno oko wata, Nu awisore awiya sou mani ra buro nauwa. ²⁶ Arata Jerusalem ika unditira awiya bunao aung ware nu awiya ai naname ara. ²⁷ Ge zo eyero gaewa mitoiya, "ni bauno awe erodopa i, Ni yawayawa yero yau gaire se. No eno oko na mani paora atu yangyang tapu nona awiya ni oko gigasa. Bauno gera yewa aungna mani awiso nuna awiya zare nuna ikapariya nibaung, Bauno iu re aungna awiso ra zare daigaiti niya." ²⁸ Arata nige diyao awe Isaac ine i, awiya nige Tuwa Tutu ra geme ra mani awiso ara. ²⁹ Be aungne mani taung pitira aratamao ra kasa yena ami mani oweno ra aratamaora kasa yena awiya iwo yena.Nao ayao awiya Heme mitiya. ³⁰ Arata Tuwa Tutu ra ge no sene? Tuwa Tutu ra ge awiya eyero mitiya. "Bauno sou bauno manire yentipu napo doro bamaeto. No eno oko wata, sou baunora mani aune sou bauno oko auna mani aune awiya uwazawa maungra, bono yero pao teng oko." ³¹ Arare otao mani, name sou bauno ra mani awiso oko, name awiya bauno sou bauno oko auna mani awiso ara.