¹ Ina hari, helaga taudia na asi badina baina tore henidia. ² Badina be emui lalo-haraga na dibagu. Makedonia taudia vairadiai na heagilaimui. nato "Akaia na lagani gunana ai ehegaegae". Bona emui gosi na idia danu eha goadalaidia. ³ Varavarada na siaidia vasi, a heagilaimuiva, hari be basie abimuimu. Una dainai umui na ba hegaegae, na herevalaimui hegeregerena ai. ⁴ Bema Makedonia taudia haida ida baia vasi, to umui na do sohegaegae neganai, ai na baia hemarai. Umui na ma basia hereva laimui lou unu bamona. ⁵ Bena na laloa varavarada baina noidia, idia na bae vasi guna, hari-hari gauna ogwauraia hamata gauna bae haboua hegaegae; ina dala ai, una na baita hahegaegaea hahenamo gauna, to dia hahegugu dalanai. ⁶ Hari in nagwau tomamu: baine hado gadoi tauna ese baine gei gadoi; bona mai hahenamona ida e hadomu tauna danu, hahenamo lalonai ma baine geigei. ⁷ Ta ta ena heni heni na kudouna amo baine heni, dia hahedua ai eiava dia haheganiai, badina Dirava na mai lalonamona ida ehenimu tauna na eura heniamu. ⁸ Bona Dirava ena harihari-bada oi latamu ai na baine bada, unu amo, gau iboudiai lalodiai, emu dabu gabudiai, emu gaukara namodia iboudiai do baine ha bada laimu. ⁹ Badina be vada etorea;"ia na e gigi momo, ogogami taudia ehenidia, ena maoro-maoro na ehesiriu hanai-hanaimu" ¹⁰ Hari, ia daika uhe ihavarana tauna uhe eheniamu bona parao eheniamu ani-ani gauna, na uhe momo eheniamu hado-hado dainai, bona ena maoro-maoro hua-huadia do baine mia. ¹¹ Emui heni-heni na anina baine havaraia bena unu amo Dirava ihanamolaina na baine havaraia ai emai amo. ¹² Badina be ina heni-heni gaukarana na dia helaga taudia ihenidiai mo dainai, a Dirava ihanamolaina danu baine bada herea. ¹³ Badina be ina na, heni-heni gaukarana iha momokanina, idia ese Dirava na bae hanamoa, emui kamonai ihahedinarainai, Keriso sivaraina namona o herahia laiamu idia ediai dainai bona taunima-nima idoidiai ediai. ¹⁴ Bona idia na umui daimui ai e guri-gurimu, bona elalomuimu badina be Dirava ena harihari bada honu-honu daena na umui latamui ai. ¹⁵ Dirava ta hanamoamu badina ia ena herahia asi iha hegeregerena dainai.