¹ Egu lalokau taumui e, ini gwauhamata tame abi dainai, tauanina bona lauma iha dikadia karadia iboudiai lalodia amo na baita hahegoeva, helaga karadia na baita haguguru Dirava igari heninai. ² Bavabi mai dae: Ai ese ta asia hadikaiava. Ai ese ta asia hahisiava, ta ena kohu asi abi kavava. ³ Bona asi na gwau henimuimu, vada na hereva guna hegeregere naumui na ai lalomai ai, baita mase hebou bona baita mauri hebou. ⁴ Egu heabi dadama emui ai na bada herea, na heagilaimui mu. Unu amo ehagoadagu mu. Emai hisihisi lalodia amo egu moale na e bada herea mu. ⁵ Makedonia ai akau negana ai, tauani mai asie laga'ani. Dala idauidau amo eha hegonu maiva, murimuri ai be heai, lalomai ai be gari. ⁶ To tauhalo e havaraia mu Dirava ese, Tito ena gini dae ai tauhalo ehenimai, ⁷ dia ena gini dae mo dainai, a umui ese tauhalo oheni Sivaraina danu. Badina be emui iuraheni, emui taitai, bona emui gosi lau egu ai, bena na moale bada. ⁸ Egu revareva dainai lalomui na hisihisiva, asi na helalo lou to dounu bema bama helalo lou, badina badiba una revareva ese hora sisina mo lalomui eha hisihisiva. ⁹ Hari lau na moale mu, dia lalomu e hishihisiva dainai, to emui hisihisi amo helalo kerehai ehavaraia. Badina be emui lalo hisihisi na Dirava ena amo, una dainai dika ta ena amo asie davaria ¹⁰ Badina ina lalo hisihisi na Dirava ena ura unu amo helalo kerehai e havaraia mu bona unu amo hahemauri na evara mu. A tanobada ena lalo hisihisi amo mase e havaraia mu. ¹¹ A itaia, badina beini gau ehavara henimui gaudia, Dirava ena dala amo eha hisihisimu negadia: Iurahenia dainai siboimui nahuamui ba toho ura dikana amo, emui lalo hekwarahi amo, emui gari amo, emu gosi amo, emui kerere ihadavadia amo, ini gau iboudiai daidiai umui na sibomui o hahemomokani mu. ¹² Vada na tore henimui guna, una na dia kerere e karaia taudia daidiai, eiava una kerere dainai e hisihisi taudia daidiai; to emui iurahenina ai dainai Dirava vairanai baine hedinarai. ¹³ Una dainai ai na eme hagoada mai. Hari sibomai emai tauhalo latanai ai na ma amoalemu Tito dainai, badina be Ia laumana na umui ese o hamatamataiava. ¹⁴ Abema gau haida daidiai bama heagilaia umui daimui ai, lau na asina hemarai. Ma kahanai, hereva iboudiai momokani ai a herevalai hegeregere na, Tito iheagilainai vada eme momokani. ¹⁵ /v 15 Bona Ia ena hemami namodia na eme bada herea emui ai, emui kamonai karadia na e lalo tao mu, Ia ede oabia dae toma, mai garimui ida, mai magigi mui ida oabiadae. ¹⁶ Badina be egu hahemomokani umui emui ai dainai.