¹ Nega iha toina navasimu dekemu, rarua eiava tatoi, edia hereva daidiai hereva iboudiai bae ha momokanidia. ² Guna ekara dika taudia bona oreadia na vada nahereva henidia, nega iha ruana navasi neganai, ma basina matadia rea. ³ Aina hamaoromui badina be toa otahumu, Keriso be edena dala ai lau egu amo e herevamu, ia na dia manoka emui ai, to ia na siahu herea. ⁴ Badina be ia na manoka-manoka dainai eha satauroa, to Dirava ena siahu dainai ia na emaurimu bogaragimui ai, badina ita danu mamanoka, to ita na baita mauri ia ida, Dirava ena siahu dainai. ⁵ Sibomui ahe tahu, bena bahe ita umui na mai emui abidadama, sibomui ahe toho, bahe lalo une, Keriso umui lalomui ai a? bema lasi, umui na omoru ina hahetoho ai. ⁶ Aina aheabi dadamamu, umui ba diba ina hahetoho ai na basio moru. ⁷ Dirava a guriamu umui na basio karadika, aina asia gurigurimu una hetohona na somoru. Guri-guri kara maorona hari bakaraia, ⁸ enabe ita ta ta na hereva momokani ai na ta morumu una hahetoho ai na gau ta asita kara heniamu to hereva momokani sibona. ⁹ Badina ita na ta moalemu eda manoka dainai bona umui na gogoada, aina ma a gurigurimu umui ba guguru dainai. ¹⁰ Ini gau natorediamu badina lau na dia umui bogaragimui ai, bema lau na umui bogaragimui ai, lau na basina kara dage-dage, egu siahu Dirava ese ehenigu dainai, lau na umui basina ha ketomui. ¹¹ Tadikaka orena binai, ba moale, gau ihanamodia dainai ba gaukara, ba hahegoada heheni, lalomui baha tamona, maino ai ba noho. Dirava ena lalokau bona maino na umui ida. ¹² Mai helagamui ida ba haherahu. ¹³ Heabi dadama taudia ese iboumui ai bae hanamomui. ¹⁴ Lohiabada Iesu Keriso ena hari-haribada bona Dirava ena lalokau, Lauma Helaga ena hebamo na iboumui ai emui ai baine mia.