¹ Lau na nauramu egu kavakava si-na taina bahaheauka laia, to oi na momokani lau oha heauka henigumu. ² Badina lau na maduna, Divara ena badu hegeregerena ai na badumu. Badina, launa nagwau hamata oina tau tamona adavana, Keriso baina henia, hane ulato do serami hebou. ³ To lau nagarimu, gaigai ese Eva ekoia hegeregerenai, helalo idauidau ese bae koimu, bena emui lalokau momokanina bona goeva daena, Keriso enai ba rakatania, ⁴ Bema ta ese Iesu idauna bema gwauraia, dia ia ese egwauraiava hegeregerena eiava lauma idauna ta boma abia dae, dia sivarai namo oabiadae, lau na ta asi na abidia dae umui na okara maoro. ⁵ Na laloamu lau na dia unu Apostolo badadia ida hegeregere. ⁶ Ena be lau na hereva igwauraidia, lau na dia hegergere, to lalogu ena diari na dia unu heto, dala iboudiai lalodiai, na hahedinarai. ⁷ Laube na karadika, sibogu na hahemanau, umui bae imodaimui dainai, Dirava sivaraina namona na harorolai henimuiva, asi davagu. Na kerere a? badina be lau ese urakwalimu ai Dirava ena sivarai namona, na harorolaiamu umui emui. ⁸ Ekalesia oreadia idauidau edia kohu nahenao na heto, davagu ai na halao, umui isiaimui ilao henina dainai. ⁹ Dekemui ai na nohova negana ai, gau naurava negadiai na ta asi na ha metaua, badina varavarada Makedonia amo ema taudia ese egu ura gaudia iboudiai ehavara. Gau ta ai asina dabu bona asina hahekwarahimui unu baina kara toma. ¹⁰ Keriso ena hereva momokani, na lalogu ai emiava dainai, tau ta ese basine abia oho Akaia kahana idoinai. ¹¹ Dahaka dainai a? asina lalokau henimuimu a? Dirava na dibana, na lalokau henimuimu! ¹² Bona dahaka na karamu karadia do baina kara, bena edia dala etahuamu tauna na baina kokidia oho, dala euramu baita gwauraidia, ita hegeregereda edia goada. ¹³ Badina be idia na Apostolo koikoidia, gaukara koikoi taudia, sibodia Keriso ena Apostolo ai ehahelaomu. ¹⁴ Unu daidiai basita hoa laidia, badina be Satani sibona, diari aneruna ai ehahelao. ¹⁵ Unu hetomana, edia hesiai taudia ese kara maoromaoro taudia ai ehahelaomu, a dokodiai be edia kara hegeregeredia bae abi, ¹⁶ Na gwau loumu, ta basineto lau na kavakava, a unu boma laloa toma, boma haheauka henigu, kavakava tauna boma haheauka henia na heto bena taina bama heagi. ri, ¹⁷ nahamaoro laimuimu herevadia na dia Lohiabada ena amo, to sibogu nahereva kavamu, naheagi kavamu. ¹⁸ Hutuma ese tau-anina gaudia eheagilaimu, bena lau danu unu baina kara toma. ¹⁹ Badina be umui, aonega taumui, na kavakava taudia ihaheauka henidia mai dibamui. ²⁰ Hesiai ai eguimuimu tauna ohaheauka heniamu; eani oremu tauna ohaheauka heniamu, eha hekwarahimumu tauna oha heauka heniamu, e dadaraimumu, oha heauka heniamu, vairamu ehuaridiamu tauna oha heauka heniamu. ²¹ Aina hahemaraimu badina ai na manoka-manoka, a ta baine heagi, lau danu baina heagi, na hereva kavamu ani? ²² Idia na Heberu taudia a? Lau danu. Idia na Isaraela taudia a? Lau danu. Idia na Aberahamo garana a? Lau danu. ²³ Idia na Keriso ena hesiai taudia a? Lau naherevamu na ekara kavakava tauna a? na hekwarahi bada, dibura ruma ai ekougu loulou, e dadabagu dikadikava, nega momo masegu danu ekahira kahirava. ²⁴ Nega ima Iuda taudia ese hekwadi toi-ahui taurahani ta amo ekwadigu. ²⁵ Nega toi au amo ekwadigu, nega ta ma nadi amo ehodogu, nega toi nagui lagatoidia na e dika. Hanuaboi ta, dina ta, gadobada ai na hure. ²⁶ Nega momo na laolao, sinavai dikadia amo henao-henao taudia, dadi-dadi taudia imadiai na hekwarahi, idau bese taudia imadiai na hekwarahi, hanua lalodiai na hekwarahi, tano gagaediai na hekwarahi, gadobadai na hekwarahi, vara-vara koikoi imadiai na hekwarahi. ²⁷ Na hekwarahimu, taugu eboeramu, na noga rani lou-loumu, e hitologumu, na ranu masemu, asi agu, keru ese eha masegumu, dabua ai na dabumu. ²⁸ Dia ini tau-anina gaudia mo, to lalogu danu dina iboudiai ehe kwarahimu, Ekalesia oreadia iregudia ai. ²⁹ Daika na manoka, bena lau asi na manokamu? Daika be ehekwarahimu, bona lau lalogu se siahumu? ³⁰ Bema lau bama heagi, lau na egu manoka-manoka bama heagi laia. ³¹ Dirava, eda Lohiabada Iesu Keriso tamana, bae imodaia hanai-hanai Diravana, ia hari dibana lau na asi na koikoimu. ³² Damaseko ai Areta Pava-pavana ena Gavana tauna ese Damaseko hanuana egimaia, lau baine guigu eto. ³³ To bosea lalonai eudagu, magu gaba-mauruna amo e tu-ugu dobi, bena na heau mauri, ia imana lalona amo.