¹ Eni yehun ya ega'e nugu'a mom'ina sise ga'e jon hap'ahi le'ila venun ijehun yep maihi lo nila'uom jua'úl'aval. ² Jon gugu'a aido aido'in ni iyeya sagap lini lana val ém adeha dile bul uhu lanaval. ³ Jon goldi ve sili va ve iya dilet hinan iyapa ya nahami 'waliaman iyaho vega dúma ni va 'eng hun ijehun mati ve aiju. ⁴ Age heyep ega on jul mei'in ijehun eha ba vayip'i sahia mi hi nun iyehun bu nibiyahe hi'um 'ume ju. Ega jul mejul iyi bu hii haphun vejul iyaho aye va sabat hun Natopa'e gugu'a ajuhi'in ijehun ada vaji alumu. ⁵ Eni 'ua agen mwe'i ya hijul iyaho nugu'a mamaa aido lem ga iye doi ma'mam hi jon higi jaho jon hapi iyapa ula venuni iyai'in ue'uom hi yale. Eniyehun vei leng 'aniam hun ijehun jon oiya sisegiya amahum ema'in leyale. ⁶ Ja ega'e alimaa ga ja ba jum 'ulihi'in iyaho nibiji he ámnim yuaval. ⁷ Eni yehun vwehu nuna ya yep'i ajualini hi va'ee Natohapa lomhun. Ega jul ajuhi'in iyapa hun bela mamaga mwe'agen nido ala vol iyi bul obupa bee sonlini malini ijehun hu ja'agip ayihi hinon iyaho ja gavo'en. ⁸ Ta'o asusami ta'agip ajulini jon oiya vem ga halu le'aman. Ijehun magi yaho Natohi lomhuni iyaho nim samaip lina. ⁹ Eni yehun vwehu nuna ba sum'ala banibiyap 'ala 'aval, e'ili 'ua hu a banibi yahun. Age ga hep 'oto vei'in iyaho wejalihi namino. ¹⁰ Vwehu nuna alesi Natopi yehun ipi doi veyal iyai'in sise'o hi'al ijaho ja'agip sui'in bul ve nayehal iyai'in he'aval. ¹¹ Age hep ega'e gilini hi'aval iyiya nú buni ijehun nú demanúm hun. Job bul la gilini va'an iyaho ja nim he jul. Ene dúna'i lo iyai'in lem hun iyaho ja nim gaval, Natopi yaho oihianve'in hu numi lei'in. ¹² Eni'ivo vwehu nuna, opmani iyaho 'adul'o mwe'o nugu'a besi'en iyeya ba'ulehi indo ba'ua'aval; mai'ua'al iyaho mai'ua'avale. Em 'ati'ual iyaho ati'ual. E'ili'ua otu vegi iyaho a ba nibi yaphune. ¹³ Ijehun ebesi jon vayi mama hi'an iyaho a maga'e yava ve Godi alolap 'aman. ¹⁴ Ijehun ebesi jon vayi adam'in hinu'en? Iya'in 'ua sosi ajohi'in elda 'walam lo banam 'onahi Natop hun ipi doi 'uelu onap hun. ¹⁵ Ijehun banama'e nima ve'uom 'ojul iyi bul le'e adam 'in na malinivol. Em Natopi japa vem hu hun sisegi yaho vwip mi alem hun. ¹⁶ Ijehun ahahi jon sisegi yaho vwip mi 'waleam naha 'alam hun. ¹⁷ Enale ni'ayap 'ala banam maliniam hune. ¹⁸ Em hu ni'o banam ojum obo alihi mwe'a alum jul mali jale. ¹⁹ Ijehun vwehu nuna ebesi jon valiya gen ee besi ahel milo amane. ²⁰ Maga'en egi iyaho hega'aman. Egi yalapa ega'e sise ve'in iye 'walam hun unama sisegi iye ale mun iyaho hu ni'a yahune iye hu sisegi iyaho hu o'alemune.