¹ Na Jemsine ega'e Godin Natopa Yesu Kerison bwegi 'yene. Jusi bun iduga'e ilom no'o gi yei bul 'ule aido aido va'al iji bun asulga ve sisla miavo! ² Iyehun vwihununa mama vwipmi hia'aval. Vega'e ja'va ahi beuni'al iyaho sa'aiye. ³ Em ja nimheul, jon nimagiye vegivol iyapa lem ja gilman le hiv'ahun. ⁴ 'Eni'ua vem gilini vaul iyaho vem boangmi ehi le'an iyaho ja ahi'amo'a ba biuniamhun. ⁵ Ene'ivo ega lapa vwipa maba'an le'an iyaho Godiga isuel'in iye nisela hu deman'en mamhun. ⁶ Ene'ivo vemga hu niselmi 'wala'an iyaho nima ve'um niselmi 'wala'an. Ijehun magijaho ega yalapa ba nima ve'om 'wala'mun iyaho ehi adudapa lo ja'ai 'an'a amenun iyei'in. ⁷ Ega iyei'in iyaho hu ba'en nugu'a 'amo'o Natophun na'i abenu 'uo'om ba himhun. ⁸ Ijehun magijaho ega'e vwiha no'u no'o vwip vi'in iyeya bun vwip iyeya lila besom asu suonlini ba alavole. ⁹ 'Ene vwega nuna bevu'in Godila hu alola hun iyehun sa'aive'om hi'amane. ¹⁰ 'Eni'ivo ega'e moni'in nugu'a mu'ini iyaho hun bivuni ya vem ayulin sui'in ala'an. Ijehun magijaho ehi sinal bul hwa naminale, ayulini au alehul iye'in hu gua va'en balimhun. ¹¹ Ijehun magijaho maga'ho ga ayamun iyapa 'an'a sinala au alihul. Em iye sinala ijehun ni'ula mamagiya siselino, hu nugu'in saliami va'un iye'o balinune. ¹² Ega'e vegi'vul vaji gilini va'ul iyeya Godila melayehune. Ijehun hu ma gilini va'an iyaho hu mayamaya himhun 'Epa ga Natohapa ega hu oi mavul iyei memhun nahami 'walaman iye abemhun. ¹³ 'Ega bita sisegiyapa vega'an iyaho hu baga'en, Na Godila vegiman ijehun magijaho Godiho ehi sise giya 'enmi ee ba vegiamune. ¹⁴ 'Eni'ivo ee besom besom yalama'e hu lenmun iyapa hu asua abeva sise venun. ¹⁵ Ijehun vega'e hu lenmun iyapa lo ema'in lenun iyaho sise nahenun. Ijehun sisegiyapa lo tanam samun iyaho gumhun. ¹⁶ 'Wehu nun'e na ja oi mihi'in na agei, ba vem ela ja 'ati'al. ¹⁷ Ijehun nugu'amo'a maho'o maa sula maga indoi hami ijehun omiyehun na'i le loman. Hu ba avotmi ahul bu aido aido va'ul iye'in na bane. ¹⁸ Hu hun 'ulagiyen nú hun ila vaji nahenúman. Ijehun nú ehi hul nugu'a maho'o venan ijehun uli'ol lemhun venan. ¹⁹ Ijehun vwehu nuna'e na ya oi miahi'ina agei ya agaho nimhei'in. Ya ebesom besom ja mal'in he'aval'ivo malam malam ba 'walia'val emga ajinia'in le'aval. ²⁰ Ijehun emahun ajil iyaho balenuni'ivo Godin unama alilmagiya ba lo le jul. ²¹ Eni yehun'e jip'in'e sisega 'aho'a jon vaji alavol iyeya ilem sa'aval'ivo asumsami sui'ini hi'aval. ²² Ijehun ya ba hi 'ojón 'at'alame ilman bahei'in le'avali'ivo he vei'in le'aval. ²³ Ijehun mai ega yalapa Godin ili ja hei'in lei'vo bavanun iyaho hu alesi ee besi taven na be hun niul gamun iyai'in venu. ²⁴ Ijaho hu ega'oli taven na be nii yuli ye ga muni iya'in venun. ²⁵ Eni 'ua egia lapa valama alima giye vem hap ni'ai'in iyapa mama giye doi hiu'om ba iolom vi'in le'ani iyaho hu mijaphun. ²⁶ Em ebesi hu vwip mun iyaho hu mama venuni 'uu'om hu 'aloga huni ya mamam ba ayuhun iyaho ega'oli 'at'alamune iya venun iyehun hul mamaga venun iya lo'atlenu. ²⁷ Eni yehun unama alimagé sise ba'ana'e nú vem ga nún Godi omi japa ula venuni iyaho agene, boso amun em beu'ini iyeya ajuhe em mwe'age hun sisegi yaho nada'om asidihi ve'aval.