¹ Jud, Iesu Keriso da yawasi embo edo Jemisi da mambu da faura gaga, reiye unda enembo du, Afa Godi da nenombari, edo Iesu Keriso da taragha rovia enembodu. ² Afa da taubana de nenenombari inda etova etova iraita rovie. ³ Nenombari, anda uno ana jebugari gaga indu ove urota, amonde vesa e mbaitare, tago ove urota rere embu anobe urota ningari Godi dava ititurota unda kakara enembo ege. ⁴ Enembo demeni nugarimi inda rova teraita rovie ta. Ana enembo umane matu seibemi umaneda akuagodu katembetue. Seibemi forofeti manemi umaneda ove utae. Umane Godi dava gambe ambi erovie Godi da taubana akuago darei va jiaghama erovie ari akokogo aita, Umane uno ambi Iesu Keriso Afa Godi da mbori bori arimo. ⁵ Oreki amo uno urota indu rekago rere - imo seibemi giagovo utaravore-ana Godi mi ana enembo Ejifti enda va reta mboa vitefutae, tago anada mboriva avora umo gambe ambi uta reghe akuago utae. ⁶ Edo, anerumane avora umaneda gifuari da ano nugitae. Umaneda vita na vareta serigutae, Godi ra umane natofo irari eri mi rafe dotueta vitie, unda kasari fefera jojabe kaifa rovie. ⁷ Edo nudube ana na didebede, Sodomu unga Gomora edo na memedi demova mane, gonene du tamo utarikava utarikava enembo. Umane gitura enembo go endebeturota fefera nafoto fanesimenti ivari vitie. ⁸ Ana aghago, nudubari mi umaneda tamo rieghe akuago rovia, Umane Godi ano injiagha urota ga akokogo unda nombova rerosue. ⁹ Tago Maikero aneru jojabe, umo seitani va Mousisi da tamo du besiga utae, umo akuago eni jo mbua furambire seitanidu mo, Tago rutae, ''Godi ra indu akuago utaita rovie.'' ¹⁰ Tago ena enembo kuverovie ndoreta gia govo ambimo, edo ndoreta giagovoari du, ninofuka da nudubari go urota, agha go enikoniko mi umanedofa rieghe akuago erovie. ¹¹ Ndodu nenovevera yoso' imane Keini go unda ikoko deambubuta aghago da dareiva resirera edo Bairamu da akuago da mino. Umane Kora da ambubuta aghago aitarovie. ¹² Ena enembo sekara go reta gerurota, umomi nenombari mi imonde undari undaita rovie meka amuko - fuka kaifa embo go umonunembo nudube rovie.Umane tefo goso go bonuma vorambi bisarami mbua yarifurari; mbe amuko ikago, riribu rieghe numbuavata irerovia ikago. ¹³ Umane erari karaje go, umaneda meka umandofa regitutue; yarifurari damotago, bingoiva janimbaita ejarari. ¹⁴ Inoki, sirorari seveni Adamu davareta woretia, ana enemboda gaga, reieghe, ''Girago; Godi unda tausen edo tausen kakara anerumane de reife. ¹⁵ Umo reifie akuago enembodu, awora yavaisi akokogo yasa enembodu edo awora ga akokogo unda nombova rera enembodu.'' ¹⁶ Ana gamumuna gamumuna enembo, enda da uno edo ari akokogo erosua enembo. Awora umaneda nombo umadofa umbua ererosua, edo enembo demeni nundu bambi enembo. ¹⁷ Tago imo, nenombari,nudubero angada Godi Yesu Keriso da yavaisi enemboda sei ruta gagamo. ¹⁸ Umane indu rutae, '' Fefera doariva kuvirari mbeghabe urota umaneda uno aitarovie.'' ¹⁹ Ena enembo mi vesa vesa aitarovie, anada mbe Asisi taubana umanedava tefore. ²⁰ Tago imo, nenombari, inda nigari imo indofa rieghe jojabe ege, edo Asisi Kakara du benunu ege. ²¹ Imo indofa taragha ege Godi da nenombari mi, edo unda taubana kaifa urota angada Godi Yesu Keriso mi fefera natofo irari jebugari umbua bubaita rovie. ²² Taubana iraita rovie manamana rovia enembo kena. ²³ Enembo demeni ivari rova aghambuge mbua vitefu, Enembodu taubana gitu, Tamo reghe akokogo mania areta. ²⁴ Oreki aiye Godi du rere, awora taragha erovie imo juraridegia edo imo ririade unda taubanami mbua vite furaita rovie akuago tefo, ²⁵ Aiye reighe tabana Godi angada Jebugari utari embo Yesu Keriso angada Godi, Tabana, kakara, anode, utu de enda de da afa. sei vitae, oreki vitie, edo fefera natofo irari embo. Aiye.