¹ Paulo, bubu mere Iesu Kereso mabu wa, via savimere Timoti, Pilimona ido, imo vihia dubu via kowa'ati dubu, ² via Alpia imo vihia o'bo, via Arkhippus imo tuari dubu ido, via tana moto neio irodabuaidumo ro kimidio bati'i noua. ³ Auo moari rioido via amea Iehova au'e imo Abeai via Tana Iesu Keriso . ⁴ Mo auoha ta'u Iehova kemabitiri ro moro aho'owa mo kiroudomea i'i nouto. ⁵ Moro kemerewai i'i noua ro niro'i via ro naihanaiha'i ko'a i'i Tana Iesu mu via naihanaiha kowai oubi'i. ⁶ Mo kiroudomea'i nauaiboi rio kodabuai naihanaiha'i naihaiha umorowa'ati umo auoha mea nana'i touai nou imo Keriso gorowari. ⁷ Mabu mo auo ge'iri via giopu meahari mabu ro niro'i, mabu naihaiha mea mere'i giopuwa orio pupuo kema'ai'i rorori, savi dubu . ⁸ Nou mabu, nauaiboi momu airia auoha imini meamea'i Keriso goroaw ro omowahuoiri pupuo wade roro ododiai tounai roro ododiai na'i , ⁹ koro'idio mabu i'i niro, moro niro nedea roido nouroa'a- Mo, Paulo, amake mere, via doihabuo bubu mere Iesu Kereso ido . ¹⁰ Moro ro ainatodoi mo mere i'i Wansimus mabuwa, touai mo abeari mo waki i'i nou gorowari . ¹¹ Touai nou ata ta'ui modobo biahai, ina doihabuo nou modobori roido via moido . ¹² Moro tau notiodoi roido merehaito, nou botiri mo naihaiha giopuri . ¹³ Mo niro i'i moro batemidio momu, touai moido batowa'atiro ro mabuwa, noutauwa mo nou waki gorowari paimea mabuwa . ¹⁴ Ina mo niro biahai atana ododiai ro niroi nou tato. Mo niro biahai ro mea kowa'ati orododiai ina mea niroito . ¹⁵ Ipa noudoi nou kotateai'i ro au'e ata ta'u, mabu romu airemidio da'i auohata'u . ¹⁶ Ataiha nou viha tato orowa'atirahe, na'una meahaiha viha ramu, giopu niro savi dubu. Nou giopu ito niro kema'ai mereri na'uaibo moro, via auo meaiha'i roro, haropa gorowa via Tana Abea mu . ¹⁷ Ina roro emararomo wa mo vihia dubu, tamidaimo nou mo kemidai'i nouaibo . ¹⁸ Ina nouro uba omododiaiwa ro o'o ro atana araho'owa nouro tawaho'iodidioro moido. ¹⁹ Mo, Paulo, ainiati mohimia tu'u nu noito. Mo mohimiaro viha ainododiai da'i- nou biahai roro naiba aroi mo ainomohidio ro roiharo. ²⁰ I'o, savi dubu, mo niroi tanomododiai Tana Abea goroawa; tanemaditi mo giopu Keriso gorowa . ²¹ Komodobuti ito na kododiai imini'i noua nirori na ododiai karo gamo'oi noua, Mo ainiatiro roido. Mo umori roro airododiai da'i auoiha gema moro katodi'i nou gamo'o. ²² Ina na'u hivio'i mabui nouwa, tamatidiai nu'umo ata mo mabu, moro kararomoi ro kiroudome'i nou gamo'o mo ainowaiwai da'imo roido . ²³ Epaphras, momu na'uaibo bubu dubu Iesu Keriso gorowa, kemabiti ro. ²⁴ Mareko badi, Aristarhcus, Demas, via luka, momu kowa'ati vihia bubu. ²⁵ Modoboiha moari imo Tana mere Iesu Kereso au'e rio urio'i noido. Amen.