¹ Auo'auo dubu'o naihaiha niro umema'aimo Gaius, touai moro niro nou nema'ai naihaiha gorowa. ² Naihaiha niro, mo ainiroudomea'i naiba auoha romu meaha airo'u da'idumo via nou ro goho meahari, nou aibo ro urio meahari. ³ Mo auo ge'iri savi mereio o'umowa via aratidiaiwa ro idomai dubu naihaihawa, na'uaiboi ro nouro'u naihaiha gorowa. ⁴ Mo auwo ge'i ata o'a biahai nou aibo, kemerevidio'i mo mere keke'i airo'u dumo naihaiha gorowa. ⁵ Naihaiha niro, ro nou naihaiha naihaiha'i nou rododiai touna nari roro nou rododiai savi merei'o idovia ro umo tato oubi'i neido ⁶ botiro aratidiai idomai mere ro naihaiha'i nou wa tana moto gorowa. Roro tarododiai meaha nei itiodoi nei ko'u i'i nouwa Iehova nave mea'i nouwa, ⁷ mabu nou paina nou mabu ri nei nou ihu'oumo,atana emidai tato Jews ito iaho'o tato oubi'i nei au'e. ⁸ Imo himia'o iamauoi naibanu, noudo imo kowa'ati oubiri naihaiha'i nou mabuwa. ⁹ Moro atana aini'ati titiwa rio'hagemaido, ina Diotrephes, boti nou niro ri opuito auoha ta'u nei ohuwa, imo imidai lahe. ¹⁰ Ina mo o'uwa,moro nou ainapoi da'i nou oro'veai touna woko rowa'ati, nouro imidai tato'inouwa nou savi mere'i nohimiaro, nouro badi aimododiai aruina oubi badi iadohiomai'moi nei niro'i aru'ina imidai tore via itateai moi nei tana moto udo. ¹¹ Naihaiha niro,kobodo gobere umoa uba i'i na'una mea'i noiha. Mea kododiai mere nu Iehova au'eri; boti merei uba i'i nouro irododiai nouro ovea biahai Aba Iehova. ¹² Demetrius nou idomai duburi rioido auoha via ro umori imo korowahuo gido'i nou naihaihari. ¹³ Mo godo godo nana airia titi wa idiai rioido, ina mo niro biahai i'ati nei roido peni via inka ito. ¹⁴ Ina moro ainoro'idio ro oveai ata ta'u, via imo ainoromovahuo da'i dumo hoho oroveawa. ¹⁵ Mea moari romuri. Vihia mere'o remabitimoro. Taimabitimo imo vihia mere i'i nouwa painaihava.