¹ Amavasiba gahigeisa, iauma baugea renu hedo gaha iau gare ihare, me mage kiki dainehe iama bouragohisa. ² beta daure uhura, beta garara gahara visa, eduge moebia uhura, manau ruta oti koita yaubouge ruta. ³ No gainage, nokamu uhuanana daure renu ga ihihi veite uhura. Gaise no idigi oti, vadibu uhura nagate maguri daure uhura. Bebe daure gahigeisa, ava daure mati gogai. Noka mu daure hereavara, bebe au gahara veite. ⁴ Eduge, Rohi Bauge mageve, maguri mohigavare, au mageve koita noi horivane. ⁵ Ora beta me riagavara eduge au vagahu ve gera, vara isage vagera renu Horu aena no isage gahigevene uhurahe, ⁶ Rohi Bauge unuhuna au mageva, ni ada boguganu Iesu Keriso ni magurive, ⁷ eige, no auseni mage monei, noka bia gahisa maguriva behibehi uhurahe. ⁸ Ga ora riaga gahivara. Daka gaharavima aka iahe iahe visa me o iau, eige ogere iabana, Rohi Bauge riaga gaha, iama me mage kisa. Me mage iabera koita aubouge au. ⁹ Eduge uhuvaka veite gava iau anegu sirivime, renu koita iau orogone, renu huhu nagohane, renu aena ga nunenune uhura siri ragohisa, maka veite iabara renu beta iagabe mage gahi gavara. ¹⁰ Ga dodo dadaga koitavara garehisa, vasiba ga kobabe se abu itaharahe, ¹¹ koita ena vivi aiabarama maguri mage garehi, maguri daure uhura siri ragohanu, avahu daure uhura sirivanu. ¹² Da Ateinas se Tysius besubesu ai, vaina di gasina orogo daka hagara ribiri uhura usa. ¹³ Make mage ruta besu gevenu, aena me koitavaia renu Apollos, iga bera beta isukeva, iau. ¹⁴ Eduge ni koitatuhea, ia beramu me mage uhura siri ragohisa vaina meva kisa renu beta me maka veite kime. ¹⁵ Ogere iabana da ruta, akera noki a hegiri gaha. Ama mage gahi geisa gabidadama va. Mage ia bouge iai ada.