1
A ga varehe nagahe, ama au gare ro mage gahisa ge ihihi vamu mage goisa.
2
Ama ata raho uhuvaka gahi geisa, iau negu eia daure noguima, anana mage visa, ihihi mage, mage uhura usa nega yau bouge.
3
Ana magi rahoia tage uhuvaka gahi gei, iauma matau rahogisa, iau ma eia daure meva garehisa, eduge iau ma uhuvaka mage me mageva kisa.
4
Ia guma mage o kiogevare negahe, iaka uhuvaka magevara iaki magi isage gagiro geisa, mati magi isage a iau moboruhea mati iau gamuhea mage gahigeisa.
5
Iauma anana mae gahigeisa, iauma magi mage gahigeisa, iaga narina mage gahigeisa, mati iauma iau moboruhea iau gare ihigeisa mati me va kiogeisa, iau iaga o au bouge kiogevare negahe Rohi Bauge ra beta koita be daure gahi gavara.
6
Guma kobueh iama ata isage a hero gahi geisa iauam u mage raho geisa.
7
A iaga bouge kiogevenu uhurahe, ama a avahu me mage kiogevenu koita gagirogeisa. Ama hegiri mati ai uhure au bouge ai uhuvaka moimo meve kisa.
8
A ga mage roagevare negahe, berabeta a daure gahi gavara , mati koita be a gare riaga veite negahe auka bina variva vivivare badivara auka beta a daure gahi gavara.
9
Yama besubesu koita uhuvakas mohi geisa, iauma iau biage gare ihigeisa, hegiri gahi geve eduge iau negu gogai gahi geima.
10
Iauma beta vaho ragisa, eduge iauma me mage mati ihihimage ragohisa. Iau me mage mati ihihi iaga iau bouge uhurahe iauka mage mimivara badivara iauka, ni Rohite gare koita ia uhuvaka mohi gevenu.
11
Rohi Bauge mageve ki maguri isage no mohigevenu. Au basileia ve oti gumava.
12
Iaukamu bina uhure baogevenu, no negu kara daure kime mati vata me daurevea noma garegeisa, no negu novahu ni maguridi ruru gahigeima, me riaga mati ni Rohite guma mageve o kisa negu hora oi.
13
No so ni anana iaganiva mimi veite uhura, era ni Rohi Bauge mati Iesu Keriso ni Rohite.
14
Iesu Keriso mu au magurive maimanu ni daure ve dainehe, auki ni soruke mage gahigei, auka urai no kia au me mage noma kisa nega iau bouge.
15
Noma nega iau bouge me mage oe a gava rahogeisa mati koita hero gahigeisa, iauma me mage oe a iauma kiogeisa. A me mage kiare negahe, koita bera beta a vagua gahi gavara.