¹ Horu aena guma va ogiare koita mu vaina guma daure o giare koita va yahegeisa guma mageva. Eduge ama a tage ai horuve kamuisa. ² Yama bebe yau isuke me gahisa Iesu Keriso aena he. ³ Koita be avahu au ihe mi auhe maemare koita vara avahu ge auki ai daure gahima. ⁴ Noma kobakoba ni meve eragisa, beta koita yau anana he. ⁵ Eige aka avahu ai isuke mimi vara. ⁶ Negu hari mage mare koita auma mati hari mage morogi koita mage kisa. ⁷ A negu Rohi Bauge rokoro gahime, aka daure va mimi vara. ⁸ Daure iaga begare koita vara mati daure va mimivara, a mage iaga begare koita vara mati Horu aena uhurahe mage mimi vara. ⁹ Noma Horu aena guma mage va me misa eige nona au Horu aena roare vanihe maka misa. ¹⁰ Eige noma bebe ruta me mage ragisa mati koita au bouge vagahe ga geisa, mati Rohi Bauge me kiare gahava gaita ge. ¹¹ Ga raho vage dako di adahe ga o maemina. ¹² Itahe gahava be a bera guma nune vage yauki Horu aena me daure gaha. ¹³ Eduge yauka beta Horu aena gare tage regunaki me gahiga vara. ¹⁴ Daka beta ga nune roro vara, eduge Iesu Keriso satauro uge dana gava rosa, au mageve mati au hedoke. ¹⁵ Rohi Bauge guma mageva Horu aena no mohigevenu ki iaga bouge yaheyahe no mohigei vara. ¹⁶ Ana unuhu a Iesu Keriso guma mageve uma mage bu megaha, Horu aena me mageve mi a mati Isaraela yau koita tueya. ¹⁷ Iesu Keriso ra da ruta eige be ra beta da daure gahigavara. ¹⁸ Di koita tueya Iesu Keriso mageve ai Horu aena ve ruta u mati a mage gahisa.